Mateus 21:9 - O Novo Testamento na língua Kaingáng

⁹ Kỹ ũ ag tóg ti jãmĩ mũ mũ, jo ũ ag tóg ti nón mũ mũ. Ẽn ag tóg prẽnprẽr mũ sir. “!..Viva, Davi krẽ'krẽ..!“ he ag tóg mũ. “!..Sér tóg tĩ, pã'i vỹ ẽg tá jun, ẽg Pã'i mág tỹ ti jẽnẽn kỹ..! !..Topẽ tá tóg kãtĩg, ũ tỹ kynhmỹ nĩ ẽn tá, viva..!“ he ag tóg, prẽnprẽr kỹ.

Mateus 21:9 Iomraidhean Croise

Mateus 21:10

Hã ki ag tóg Jerusalém tá junjun mũ. Kỹ tá ke kar ag vỹ ti venh kãmũ mũ. Ag mỹ tóg e tĩ, kỹ ag tóg ti to: “ũ nẽ?“ he mũ.

Mateus 21:15

Hã ra Topẽ tũ ki rĩr tĩ ag tóg tá nỹtĩ, Topẽ vĩ to ẽg kanhrãn tĩ ag ke gé. Ti tỹ ag tỹ há' he vég ag tóg mũ. Gĩr ag vĩ mẽg ag tóg mũ gé. Topẽ ĩn krẽm ag tóg nỹtĩ, gĩr ag, kỹ ag tóg Jesus mỹ prẽnprẽr mũ. “!..Viva, Davi krẽ'krẽ..!“ he ag tóg mũ, prẽnprẽr kỹ. Kỹ pã'i ag tóg ti to jũgjũ mũ.

Mateus 23:39

Inh ve mãn ke tũ ag nĩ ha mỹr. Kejẽn ag tóg iso: “Topẽ tỹ ti jẽnẽ ja vẽ,” henh ke mũ. “Topẽ vỹ ti ve há han, ti tỹ ti jiji tónh kãtĩg kỹ,” he jé ag tóg ke mũ iso. Ẽn kã ag tóg inh ve mãn ke mũ,” he tóg, Jesus ti.

Mateus 9:27

Kỹ Jesus tóg ĩn ẽn tá kãkutẽ mũ sir. Hã ra ũn kyvó régre ag tóg, ti nón mũ mũ. Kỹ ag tóg ti jé prẽr kỹ ti mỹ: “!..Davi krẽ'krẽ'..! !..Ẽg jagãgtãn ra..!“ he mũ, prẽnprẽr kỹ.

Lucas 13:35

Hã kỹ ag tóg ãjag jamã pũn kãn ke mũ, kỹ ũ vỹ kãnhmar tá nĩg mãn ke tũ nĩ ha. Inh ve mãn ke tũ ag nĩ ha mỹr. Kejẽn ãjag tóg iso: “Topẽ tỹ ti jẽnẽ ja vẽ,” henh ke mũ. Ẽn kã hã ãjag tóg inh ve mãn ke mũ,” he tóg.

Lucas 2:14

“Topẽ vỹ tỹ ũn mág pẽ nĩ,” he ag tóg mũ. “Kynhmỹ ti nĩ, vẽnh kar kãfór ti nĩ. Kỹ ẽprã ke ag vỹ jatun mỹ nỹtĩ, ag krĩ kusa tĩn kỹ, Topẽ tỹ ũ to há ag, fag mré hã,” he ag tóg mũ.