Mateus 21:8 - O Novo Testamento na língua Kaingáng

⁸ Kỹ vẽnh e ẽn ag tóg ag kur tỹ ẽpry kri kugjén mũ. Kỹ ũ ag tóg ka féj kre kỹ ẽpry kri vãvãm mũ sir. Ag tỹ ti jamĩn sĩnvĩ han sór vẽ.

Mateus 21:8 Iomraidhean Croise

Mateus 21:7

Fi pére ag tóg kãmũ mũ, fi kósin mré. Kỹ ag tóg ag kur tỹ fi kri vãm mũ, kỹ tóg kri nĩ mũ.

Marcos 11:8

Kỹ vẽnh kar tóg ẽpry kri ag kur kugjén mũ sir, jo ũ ag tóg ka féj kre kỹ ti jo vãvãm mũ gé.

Lucas 19:36

Ti tĩg kỹ ag tóg ag kur kugjén mũ sir, ẽpry jagma.

João 12:13

Kỹ ag tóg ti ve jé kãpa mũ. Tãnh féj génh kỹ ag tóg ti venh kãmũ mũ. Kỹ ag tóg: “!..Viva..!“ he mũ. “!..Sér tóg tĩ ẽg mỹ..! !..Ẽg jóg mág vỹ ti jẽnẽ..! !..Israel kri pã'i mág pẽ vẽ..!“ he ag tóg, prẽnprẽr kỹ.