Mateus 21:25 - O Novo Testamento na língua Kaingáng

²⁵ “João vỹ ag kygpég tĩ ja nĩgtĩ. Kỹ ti mỹ kanhkã tá vẽjykre han ja nĩgtĩ', ẽprã vẽjykre vó? Ũ nỹ ti jẽnẽ?“ he tóg. Kỹ ag tóg ti vĩ to jykrén mũ jagnẽ mré. “Ẽg tỹ ti mỹ: Topẽ tỹ ti jẽnẽ ja vẽ, hen kỹ tóg ẽg mỹ: kỹ ãjag tỹ ne jé ti vĩ kri fig tũ nĩ nẽ? henh ke mũ.

Mateus 21:25 Iomraidhean Croise

Mateus 16:7

Kỹ ag tóg jagnẽ mỹ: “ti tỹ ẽg tỹ ẽmĩ mãg tũ ẽn tó hỹn,” he mũ.

Mateus 21:24

Kỹ Jesus tóg: “ãjag ki sóg jẽmẽnh ke mũ gé, vẽnh kato,” he mũ. “Ãjag tỹ inh mỹ tó há han kỹ sóg ãjag mỹ ũ tỹ inh jẽnẽg mũ tónh ke mũ gé,” he tóg.

Mateus 21:26

Ẽg tỹ hã ra ti mỹ: ẽprã ke jykre ja vẽ, hen kỹ ẽg tóg vẽnh kar kato tẽ mũ sir. Vẽnh kar vỹ João to: Topẽ vĩ tó tĩ pẽ ja vẽ, he tĩ. Kỹ ẽg tóg ag kamẽg mũ, vẽnh e ẽn,” he ag tóg mũ, jagnẽ mỹ, pã'i ag.

Lucas 14:4

Hã ra ag tóg ti mỹ nén ũ tó tũ nĩ. Kỹ tóg ũn kaga ẽn vóg kỹ ti tỹ há' he mũ. Kỹ tóg ti mỹ: “ha tĩg ge,” he mũ.

Lucas 20:5

Kỹ ag tóg jagnẽ mré to jykrén mũ sir. “Ẽg tỹ ti mỹ: Topẽ tỹ ti jẽnẽ vẽ, hen kỹ tóg ẽg mỹ: ãjag tỹ ne jé ti vĩ kri fi ja tũ nĩ nẽ? henh ke mũ,” he ag tóg.

João 1:15

João vỹ ti kãmén ja nĩ gé. Ti kãmén há han tóg. Kỹ tóg: “inh nón kãtĩg ke mũ ẽn vỹ inh kãfór nĩ,” he ja nĩ. “Ti tỹ inh nón kãtĩg ke mũ ra tóg tỹ ijo ke nĩ. Ẽn tó inh huri ãjag mỹ. Ti hã vẽ,” he ja tóg nĩ.

João 1:6

Kỹ kejẽn Topẽ tóg ẽprã ke ũ jẽnẽ, ti jiji hã vỹ: João, he mũ.

João 3:18

“Ũ tỹ inh ki rã mũ to tóg jũnh ke tũ nĩ. Jãvo tóg ũ tỹ inh ki ge tũ ẽn ag hã to jũnh ke mũ, isỹ tỹ ti kósin pir nĩn kỹ“, he tóg.

1 João 3:20

Kejẽn ẽg tóg ẽg tỹ kygnẽ ja ẽn to jykrén mãn tĩ, kỹ tóg ẽg mỹ e tĩ. Hã ra Topẽ tóg ki kanhró kar nĩ. Ẽg kãfór tóg nĩ, Topẽ ti. Hã kỹ tóg kãnhmar ẽg vóg kónãn ke tũ nĩ.