Mateus 21:16 - O Novo Testamento na língua Kaingáng

¹⁶ Hã kỹ ag tóg ti mỹ: “ã mỹ ag prẽnprẽr mẽg tũ'?“ he mũ. Kỹ tóg ag mỹ: “hã ra Topẽ vĩ rá to jykrén nĩ,” he mũ. “Ũn kãsir ag vỹ iso vĩ há han tĩ. Ũn pafa tĩ ag vỹ inh mỹ vĩ há han tĩ. Ã hã ne tag han', ũn kãsir ag tỹ inh mỹ vĩ há han jé, he tóg, Topẽ vĩ tỹ rán kỹ nĩ ki,” he tóg, Jesus ti.

Mateus 21:16 Iomraidhean Croise

Mateus 11:25

Kỹ tóg: “jóg',” he mũ. “Tỹ ã kanhkã tãn ag kãfór kar nĩ, kar kỹ ã tỹ ẽprã ke ag kãfór kar nĩ gé,” he tóg. “Inh mỹ tóg há tĩ, ã tỹ nén han mũ ti. Ũ tỹ: ki kanhró mág inh nĩ, he mũ ag mỹ ã tóg, ã jykre ven ja tũ nĩ. Ag mỹ ã tóg kãmén ja tũ nĩ gé. Ũ tỹ gĩr ri ke ki kagtĩg ag hã mỹ ã tóg ven ja nĩ, ã jykre ti,” he tóg.

Mateus 12:3

Hã ra tóg: “vó,” he mũ. “Davi tỹ nén han mũ to jykrén nĩ. Ti kókĩr nĩn kỹ tóg, ti tỹ nén han ke tũ han gé, ti mré mũ tĩ ag mré, hã ra Topẽ pijé ti to jũ mũ'.

Mateus 19:4

Kỹ tóg ag mỹ: “Topẽ vĩ rá ki vem nĩ,” he mũ. “Ki tóg rán kỹ nĩ, Topẽ tỹ nén han mũ ti. Ti tỹ nén kar han ve ki tóg ti mré fi han. Hã kỹ tóg tag tó mũ, ha mẽ. “Hã kỹ ũn gré tóg ti prũ fi to ti panh tovãnh kỹ tĩg mũ, ti mỹnh fi tovãnh kỹ ke gé. Ti prũ fi mré tóg tĩnh mũ. Fi mré tóg tỹ ũn pir nĩ sir, ti prũ fi mré,” he tóg, Topẽ ti.

Mateus 22:31

Kỹ Topẽ vĩ rá ũ to jykrén nĩ, ti tỹ ẽg ter ja tá vỹn ke tó ti. Topẽ hã ne tỹ vẽmén ja nĩ mỹr, hã kỹ tóg tag tó ja nĩ, ha mẽ.

Marcos 13:17

Ũn kufy fag tỹ vẽsỹrénh ke vẽ, kurã ẽn kã, ũ tỹ gĩr pygfãm mũ fag ke gé.

Marcos 2:25

Kỹ tóg ag mỹ: “vó,” he mũ. “Davi tỹ nén han mũ to jykrén nĩ. Ti kókĩr nĩn kỹ tóg ti tỹ nén han ke tũ han gé, ti mré mũ tĩ ag mré, hã ra Topẽ pijé ti to jũ mũ', ha mẽ.

Lucas 21:23

Kỹ ũn kufy fag vỹ vẽsỹrénh mág han ke mũ, kurã ẽn kã, gĩr pygfãm mũ fag ke gé. Ẽprã ke ag vẽsỹrénh mág tãvĩ han ke vẽ, Topẽ tỹ povo tag to jũ jagy han ke vẽ, kurã ẽn kã.