Mateus 21:15 - O Novo Testamento na língua Kaingáng

¹⁵ Hã ra Topẽ tũ ki rĩr tĩ ag tóg tá nỹtĩ, Topẽ vĩ to ẽg kanhrãn tĩ ag ke gé. Ti tỹ ag tỹ há' he vég ag tóg mũ. Gĩr ag vĩ mẽg ag tóg mũ gé. Topẽ ĩn krẽm ag tóg nỹtĩ, gĩr ag, kỹ ag tóg Jesus mỹ prẽnprẽr mũ. “!..Viva, Davi krẽ'krẽ..!“ he ag tóg mũ, prẽnprẽr kỹ. Kỹ pã'i ag tóg ti to jũgjũ mũ.

Mateus 21:15 Iomraidhean Croise

Mateus 20:24

Hã ra ũ tỹ 10 ag tóg mẽg mũ, ũn régre ag tỹ Jesus mỹ tag to vĩ ja ti. Kỹ ag tóg ag to jũ mũ.

Mateus 21:23

Kỹ tóg ẽmã tá jun kỹ Topẽ ĩn kã ra rã mãn mũ sir. Kỹ Topẽ tũ to pã'i ag vỹ ti to kãmũ mũ, kófa ag mré hã. Kỹ ag tóg ti mỹ: “ũ nỹ ã mỹ: tag han nĩ, hé? Ũ nỹ ã jẽnẽ?“ he mũ.

Mateus 21:9

Kỹ ũ ag tóg ti jãmĩ mũ mũ, jo ũ ag tóg ti nón mũ mũ. Ẽn ag tóg prẽnprẽr mũ sir. “!..Viva, Davi krẽ'krẽ..!“ he ag tóg mũ. “!..Sér tóg tĩ, pã'i vỹ ẽg tá jun, ẽg Pã'i mág tỹ ti jẽnẽn kỹ..! !..Topẽ tá tóg kãtĩg, ũ tỹ kynhmỹ nĩ ẽn tá, viva..!“ he ag tóg, prẽnprẽr kỹ.

Mateus 22:42

“Cristo to ãjag hẽ ri ke tĩ?“ he mũ. “Ũ krẽ'krẽ nẽ hỹn?“ he tóg. Kỹ ag tóg ti mỹ: “Davi krẽ'krẽ vẽ,” he mũ.

Mateus 26:3

Hã ra Topẽ tũ to pã'i ag vỹ vẽnh mãn mũ sir, Topẽ vĩ to ẽg kanhrãn tĩ ag mré hã, kófa ag ke gé, Pã'i mág tỹ Caifás, he mũ ĩn tá.

Mateus 26:59

Kỹ pã'i kar ag tóg ũ ag jãvãnhvãnh mũ, ũ tỹ ti jykre kórég tónh ke mũ ag.

Mateus 27:1

Tỹ vaj kỹ kusãg ki ag tóg Jesus tén ke to jykrén mũ sir, Topẽ tũ to pã'i kar ag.

Mateus 27:20

Hã ra Topẽ tũ to pã'i ag tóg, vẽnh kar krĩn mũ sir, kófa ag mré, vẽnh kar tỹ Barrabás kavar ve sór jé, ag tỹ Jesus ter hã ve sór jé.

Mateus 9:27

Kỹ Jesus tóg ĩn ẽn tá kãkutẽ mũ sir. Hã ra ũn kyvó régre ag tóg, ti nón mũ mũ. Kỹ ag tóg ti jé prẽr kỹ ti mỹ: “!..Davi krẽ'krẽ'..! !..Ẽg jagãgtãn ra..!“ he mũ, prẽnprẽr kỹ.

Marcos 11:18

Hã ra Topẽ tũ to pã'i ag vỹ Jesus vĩ mẽg mũ. Kỹ ag tóg: “ẽg hỹn hẽ ri ken kỹ ti tén ke mũ?“ he mũ. Hã ra ag tóg ti kamẽg mũ. Vẽnh kar mỹ tóg há tĩ, ti vĩ ti. Hã kỹ ag tóg ti vóg tũ nĩ sir.

Lucas 20:1

Kurã kar ki tóg Topẽ vĩ tó jẽ nĩ, vẽnh vĩ sér ẽn, Topẽ ĩn krẽm. Kejẽn Topẽ tũ to pã'i ag tóg ti to kãmũ mũ, kófa ag ke gé.

Lucas 22:2

Kỹ Topẽ tũ to pã'i ag vỹ ẽg kanhrãn tĩ ag mré Jesus to jykrén mũ. Ag tỹ ti tén sór vẽ. Hã ra ag tóg povo kamẽg mũ.

Lucas 22:66

Tỹ vaj kỹ kófa kar ag tóg vẽnh mãn mũ, Topẽ tũ to pã'i ag mré hã, Topẽ vĩ to ẽg kanhrãn tĩ ag mré hã. Ag vẽnh mãn kỹ ag tóg ti jé prẽr kỹ ag rĩnja tá ti fẽg mũ, ag tỹ ón kỹ ti jykre ve jé. Ag tỹ ti tén sór vẽ.

João 11:57

Hã ra Topẽ tũ to pã'i ag vỹ vẽnh kar mỹ vẽnh vĩ jẽnẽ ja nĩgtĩ. “Ãjag tỹ ti ve kỹ ẽg mỹ tónh kãmũm nĩ,” he ja ag tóg nĩ. Ag tỹ ti se sór vẽ.

João 12:19

Kỹ pã'i ag tóg jagnẽ mỹ: “ha vé, ag pijé ẽg vĩ jẽmẽ sór mũ'. Ti hã mré ag tóg mũ mũ,” he mũ, ti to jũgjũ kỹ.

João 4:1

Kỹ Fariseu ag vỹ mẽg mũ, ũn tỹ hẽn ri ke ag tỹ Jesus mré mũ mũ ẽn ti. Ũn e ag kygpég tóg mũ gé, Jesus ti, João tỹ ũn kygpe ja ag kãfór.

João 7:42

“Topẽ vĩ rá ki tóg: “Davi krẽ'krẽ vỹ tỹ ti nĩ, Cristo ti,” he mũ, “ẽmã tỹ Belém tá ke vỹ tỹ ti nĩ, Davi jamã ja ẽn tá,” he tóg, Topẽ vĩ tỹ rán kỹ nĩ ki. Hã kỹ tóg ẽg mỹ tỹ Cristo tũ nĩ,” he ag tóg.