Mateus 20:8 - O Novo Testamento na língua Kaingáng

⁸ Rãké ra 6 horas ki patrão ẽn tóg ti tũ ki rĩr tĩ mỹ: “ha ag jé prẽr,” he mũ. “Ag mỹ ti kaja ti nĩm. Ũn tỹ rãkãnh kỹ kãmũ mũ ag mỹ nĩm vén, kar kỹ ũ tỹ kusãg ki kãmũ mũ ag mỹ nĩm rén,” he tóg.

Mateus 20:8 Iomraidhean Croise

Mateus 20:7

Kỹ ag tóg: “hã ra ũ tóg ẽg mỹ: ha inh rãnhrãj han, he ja tũ nĩ,” he mũ. Kỹ tóg: “ha inh jakré ki rĩr mũjẽg ge,” he mũ sir. Kỹ ag tóg mũ mũ gé.

Mateus 20:9

Kỹ ũ tỹ rãkãnh kỹ junjun mũ ag vỹ ag tũ kaja ti mãg mũ, hã vỹ: jãnkamy pir, he mũ. Ag rãnhrãj sĩ ra ag tóg por dia kaja vég mũ sir.

Mateus 25:19

Kejẽn ag patrão tóg vỹn ke mũ sir, si há tĩ kỹ.

Mateus 25:31

Kỹ Jesus tóg ag mỹ: “ẽprã ke fi kósin kãtĩg mãn kỹ tóg ge nĩnh mũ, ha mẽ,” he mãn mũ. “Isỹ jẽgnẽ jafã ag vỹ inh mré kãmũnh ke mũ. Kỹ sóg inh nĩgja sĩnvĩ ẽn kri nĩnh ke mũ sir, kỹ inh jykre tar vỹ vẽnh ven ke mũ.

Lucas 10:7

Ãjag tỹ ĩn ra ge mũ ẽn hã krẽm nũgnũr hem nĩ. Fag tỹ ãjag mỹ nén nĩm mũ ẽn hã kom nĩ gé. Ũn rãnhrãj mũ ẽn tóg ti kaja venh ke mũ, hã kỹ ag tóg ãjag jẽn ke mũ sir, vẽnh kaja jé. Ðn ũ ra ge tũg nĩ, ẽmã ẽn tá.

Lucas 12:42

Kỹ tóg: “kejẽn patrão tóg hẽn ra tĩg sór mũ. Kỹ tóg ti camarada ag kã ũ kuprẽg mũ, ti tỹ ti jo ag ki rĩr jé. Ũ tỹ ti rãnhrãj ki rĩr há han tĩ ẽn kuprẽg tóg mũ, ti tỹ ag mỹ vẽjẽn ven jé.

Lucas 8:3

Kar ũ fi vỹ tỹ Joana fi nĩ gé. Cuza prũ fi vẽ, pã'i mág tỹ Herodes tũ ki rĩr tĩ ẽn prũ fi vẽ. Kar ũ fi vỹ tỹ Suzana fi nĩ gé. Kar ũ fag vỹ ti mré mũ mũ gé. Fag tũ hã tỹ fag tóg ti mỹ vẽjẽn han tĩ, ti mré mũ tĩ ag mỹ ke gé.

2 Corinto 5:10

Ha vé, ẽg kar vỹ Cristo mỹ vẽnh ven ke mũ, ti tỹ ẽg jykre tugnỹm jé. Kỹ tóg ẽg mỹ ẽg kaja ti nĩm ke mũ. Ũ tỹ tag ki nén (ũ) há han mũ ẽn tóg ti tũ kaja venh ke mũ gé, kỹ ũ tỹ tag ki nén ũ kórég han mũ ẽn ag tóg ag vẽsỹrénh venh ke mũ gé sir.

Tito 1:7

Ha vé, ũ tỹ tỹ igreja to kófa jẽ sór kỹ tóg tỹ ũn jykre há nĩnh mũ. Ti tỹ ti mré ke ag to: “ag kãfór vỹ tỹ inh nĩ,” henh ke tũ vẽ. Ũn fe tỹ gỹm ke (ka)mẽ vỹ há tũ nĩ, ũ tỹ vinho kron (ka)mẽ ti, ũn jũ (ka)mẽ ti. Kỹ tóg ti tỹ riko nĩnh ke hã to én ke tũ nĩ gé.

Hebreu 9:28

Tag ri ke ti nĩ, Cristo tỹ vẽnh fẽg mũ ti. Vẽnh fẽg pir han tóg, ti tỹ ũn e tỹ Topẽ vĩ mranh tỹ tũ' he jé. Kejẽn tóg kãtĩg mãn ke mũ. Hã ra tóg, ẽg tỹ Topẽ vĩ mranh ja tugrĩn ter mãn ke tũ nĩ, ti kãtĩg mãn kỹ. Ẽg jé prẽr jé tóg kãtĩg ke mũ, ũ tỹ ti kãtĩg jãvãnh mũ ag jé.

1 Pedro 4:10

Kỹ Topẽ vỹ ẽg tar han tĩ. Ũ tóg nén ũ to tar nĩ. Jãvo ũ tóg nén ũ ũ to tar nĩgtĩ gé. Ãjag tỹ nén ũ to tar nỹtĩ ẽn hã ki rĩrm nĩ, vẽnh kar tỹ ãjag tugrĩn tar nỹtĩ jé. Tag vỹ Topẽ mỹ há nĩ.