Mateus 20:6 - O Novo Testamento na língua Kaingáng

⁶ Vãhã tóg rãkãnh mũ sir. 5 horas ki tĩg mãn kỹ tóg ũ ag vég mũ gé, kỹ tóg ag mỹ: “ãjag tỹ ne jé rãnhrãj tũ nĩ nẽ?” he mũ. “Kurã kar ki ãjag tóg tag ki nỹtĩ, ãjag rãnhrãj tũ ra,” he tóg ag mỹ.

Mateus 20:6 Iomraidhean Croise

Mateus 20:5

Kỹ ag tóg mũ mũ. Óra tãgtũ ũ tũg kỹ, meio dia ki tóg ũ ag jãvãnh tĩg mãn mũ, kar kỹ tóg 3 horas ki tĩg mãn mũ gé. Ag ve kỹ tóg ag mỹ ke mũ gé, kỹ ag tóg mũ mũ gé, ti jakré ki rĩr jé.

Mateus 20:7

Kỹ ag tóg: “hã ra ũ tóg ẽg mỹ: ha inh rãnhrãj han, he ja tũ nĩ,” he mũ. Kỹ tóg: “ha inh jakré ki rĩr mũjẽg ge,” he mũ sir. Kỹ ag tóg mũ mũ gé.

Mateus 20:9

Kỹ ũ tỹ rãkãnh kỹ junjun mũ ag vỹ ag tũ kaja ti mãg mũ, hã vỹ: jãnkamy pir, he mũ. Ag rãnhrãj sĩ ra ag tóg por dia kaja vég mũ sir.

João 9:4

Isỹ ũ tỹ inh jẽnẽg mũ ẽn tỹ inh mỹ nén tó mũ ẽn han sór vẽ. Ver tóg inh mỹ kurã nĩ, sỹ rãnhrãj jé. Kãnhmar tóg kuty nỹnh mũ, kỹ ũ tóg rãnhrãj mãn ke tũ nĩ, iser ke kurã ẽn kã,” he tóg.

Han Kãme 17:21

Hã ra Atenas tá ke ag tóg vẽnh vĩ tãg mẽ to há nỹtĩ. Ag tỹ vẽnh vĩ mẽ ja tũ mẽ kỹ ag fe tóg mrin ke tĩ.

Hebreu 6:12

Ãjag tỹ ti to krónh ken kỹ tóg kórég nĩ. Ũ ag tóg ẽg jo Topẽ ki ge ja nĩgtĩ, hã ra ag tóg ti tovãnh ja tũ pẽ nĩgtĩ. Kỹ ag tóg hur vé, Topẽ tỹ ẽg mỹ nén ven sór mũ ẽn ti. Tag ag ri ke han nĩ.