Mateus 20:2 - O Novo Testamento na língua Kaingáng

² Kỹ tóg ũ ag ve kỹ ag mré vẽnh rãnhrãj kaja to jykrén mũ, hã vỹ: jãnkamy pir, he mũ, por dia kaja ti. Kỹ tóg ag mỹ: “ha ki rĩr mũjẽg,” he mũ sir.

Mateus 20:2 Iomraidhean Croise

Mateus 18:28

Kỹ ti camarada ẽn tóg tĩ mũ sir. Kỹ tóg ti mré camarada ũ vég mũ sir. Ti mỹ tóg név sĩ jẽ, jãnkamy pir mỹr. Kỹ tóg ti kãgmĩg mũ sir. Ti nunh kãgũg tóg mũ, kỹ tóg ti mỹ: “inh mỹ kajãm, ã név ti,” he mũ, ũn név mág ja ẽn ti, ũ tỹ ti mỹ név sĩ ẽn mỹ.

Mateus 20:1

Kỹ Jesus tóg ag mỹ: “Topẽ tỹ tỹ ẽg pã'i nĩ vỹ patrão tỹ ti camarada jãvãnh ri ke nĩ,” he mũ. “Kusã ki 6 horas ki tóg, ag jãvãnh tĩ mũ, ag tỹ ti jakré tỹ uva ki rĩr jé.

Mateus 20:13

Kỹ tóg ag kã mĩ ũ mỹ: “sỹ ã ki kygnẽ pijé',” he mũ. “Inh mré ã tóg jãnkamy pir to jykrén ja nĩ, hã kỹ sóg ã mỹ nĩm mũ.

Mateus 20:3

Kỹ ag tóg mũ mũ. Óra tãgtũ tũg kỹ, 9 horas ki tóg tĩg mãn mũ, ũ ag jãvãnh jé. Véké ag tóg ẽmã kuju tá nỹtĩ.

Mateus 20:9

Kỹ ũ tỹ rãkãnh kỹ junjun mũ ag vỹ ag tũ kaja ti mãg mũ, hã vỹ: jãnkamy pir, he mũ. Ag rãnhrãj sĩ ra ag tóg por dia kaja vég mũ sir.

Mateus 22:19

Inh mỹ jãnkamy jun, imposto kajãm jafã ẽn ti,” he tóg. Kỹ ag tóg ti mỹ ũ jun mũ sir.

Mateus 9:37

Kỹ tóg ti mré mũ tĩ ag mỹ: “sỹ ag ve kỹ sóg ẽg jakré mĩ ẽkrég tĩ,” he mũ. “Ti éhé nỹn kỹ ẽg tóg kejẽn kre kãn tũ nĩgtĩ, ẽg pir nỹtĩn kỹ. Ge ti nĩgtĩ. Ũn e ag tóg inh ki ge sór mũ, hã ra ũ tỹ ag mỹ tónh ke tóg tũ tĩ,” he tóg.

Marcos 12:15

Ẽg mỹ hỹn nĩm mũ', vó mỹ vó?“ he ag tóg. Hã ra Jesus tóg ag jykre régre nỹtĩn ki kanhró nĩ. Kỹ tóg ag mỹ: “ãjag ne tóg ón kỹ inh ki jẽmẽ sór mũ',” he mũ. “Inh mỹ jãnkamy jun, sỹ ve jé,” he tóg.

Lucas 1:15

Topẽ vỹ ti tỹ ũn mág han ke mũ. Vinho kron ke tũ tóg nĩ. Goj fa kron ke tũ ti nĩ gé, nén ũ fa kar ti. Topẽ kuprĩg vỹ tỹ ti jagrẽ nĩnh mũ, fi tỹ ver ti vég tũ hã ra.

Lucas 10:35

Tỹ vaj kỹ tóg tĩg mãn sór mũ, kỹ tóg ũ tỹ ĩn ki rĩr mũ ẽn mỹ jãnkamy régre vin mũ, kỹ tóg ti mỹ: “ti ki rĩr há han nĩ,” he mũ. “Jãnkamy tag tỹ ã mỹ tá krỹg tũ nĩn kỹ sóg ã mỹ kajãm mãn mũ, sỹ vỹn ken kỹ,” he tóg.

Lucas 20:24

“Inh mỹ jãnkamy ven. Ũ jiji nỹ kã nĩ? Ũ kãgrá nỹ kã nĩ?“ he tóg. Kỹ ag tóg ti mỹ: “pã'i mág kãgrá vẽ,” he mũ.

2 Timóteo 3:15

à sĩ kã ã tóg Topẽ vĩ mẽ, ti vĩ tỹ rán kỹ nĩ ẽn. Ẽn to jãn kỹ ã tóg ki kanhrãn mũ, ẽg tỹ Jesus Cristo ki rã tugrĩn krenkren ke mũ ti.

Nén Venh Ke 6:6

Kỹ sóg nén nẽ tỹ 4 (ke) ẽn ag kã ũ vĩ mẽg mũ gé, kỹ tóg: “trigo tỹ quilo pir mãn jé ag tóg ke mũ ha, por dia kaja to,” he mũ, kỹ tóg kaja e tĩ. “Ke tũ nĩn kỹ ag tóg cevada tỹ quilo tãgtũ mãn ke mũ, por dia kaja ẽn to, (kỹ tóg kaja e tĩ gé). Azeite vóg tũg nĩ hã ra, vinho vóg tũg nĩ gé, kaja si ẽn to ti fón nĩ,” he tóg mũ, vẽnh vĩ ti.