Mateus 20:12 - O Novo Testamento na língua Kaingáng

¹² Kỹ ag tóg ti mỹ: “kurã kar ki ẽg tóg rãnhrãj mỹr, to ẽg ron, ti rỹ jagy ra ẽg tóg to krónh ke ja tũ nĩ. Jãvo tag ag vỹ óra pir hã ki rãnhrãj, hã ra ã tóg ag mỹ ẽg kaja ri ke nĩm,” he ag tóg, ag patrão mỹ.

Mateus 20:12 Iomraidhean Croise

Mateus 20:11

Kỹ ag tóg ag patrão ti to jũ mũ.

Lucas 12:55

Kar ãjag tóg kãka ki kanhró nỹtĩ gé. “Tag tán kãtĩ mũ, kãka ti, kỹn jũ jagy han mũ, ha vem nĩ,” he ãjag tóg tĩ gé.

Roma 3:27

Kỹ Judeu ag hỹn inh mỹ: “kỹ ẽg mỹ Topẽ mỹ há tũ nỹtĩ, ẽg tỹ ti vĩ ki króm sór mũ ra?“ he sór mũ. Hỹ, hã vẽ. Kórég ẽg nỹtĩ, hã kỹ ẽg tóg ti vĩ ki króm sór mũ ra mranh tĩ. Ẽg tỹ ti ki ge kỹ tóg ẽg mỹ vẽnh pãte fón tĩ. Kỹ ẽg há nỹtĩ.

Roma 3:30

Pir ti nĩ, Topẽ ti. Hã kỹ tóg ũ tỹ ti ki ge mũ ag mỹ vẽnh pãte fón tĩ, Judeu ag mré hã, fóg ag mré hã, kanhgág ag mré hã. Ẽg kar mỹ tóg vẽnh pãte fón tĩ, ag mỹ, fag mỹ ke gé.

1 Corinto 4:11

Hã kỹ sóg kókĩr mũ, ũri. Kur tũ sóg nĩ gé. Iso kry ag tóg ke gé. Jamã tũ sóg nĩ gé.

Éfeso 3:6

Ti tỹ ẽg mỹ nén ũ tãg tó mũn hã vẽ, ha mẽ. Vãsỹ Topẽ tóg Judeu ag hã mỹ vĩ há han ja nĩ. Ũri tóg fóg ag mỹ, kanhgág ag mỹ vĩ há han mũ ha, Judeu ag mré. Ẽg kar vỹ tỹ Jesus Cristo há ri ke nỹtĩ ha, ẽg tỹ ti ki ge kỹ nỹtĩn kỹ. Kỹ ẽg tóg ẽg tỹ Jesus Cristo tugrĩn nén venh ke mũ ẽn ve kãn ke mũ gé.

Tiago 1:11

Rã tỹ jun ke kỹ tóg rỹ jagy tĩ. Kỹ re tóg tugtóg tĩ. Kỹ ti fej tóg kógungun tĩ gé. Kỹ ti sĩnvĩ ẽn tóg tũ' he tĩ sir. Ẽn kãgter ri ke ẽg tóg nỹtĩ gé. Kỹ ũn riko ag tóg ke tĩ gé, kãgter kỹ. Kỹ ag há ẽn tóg tũ' he mũ gé sir, ag rãnhrãj tỹ ag mỹ sér nĩ ra.