Mateus 2:6 - O Novo Testamento na língua Kaingáng

⁶ “Sĩ ti nĩ, ẽmã tỹ Belém ti, ga tỹ Judéia tá. Ti sĩ nĩ ra tóg ẽmã mág kar kãfór nĩ, pã'i mág ẽn tỹ tá mur ke tugrĩn. Tỹ tóg ẽg povo kri pã'i mág jẽnh ke mũ,” he ja tóg nĩ,” he ag tóg.

Mateus 2:6 Iomraidhean Croise

Mateus 2:1

Fi tỹ Jesus ve ẽn kã fag tóg ẽmã tỹ Belém tá nỹtĩ, ga tỹ Judéia tá. Ẽn kã Herodes vỹ tỹ pã'i mág nĩ. Kỹ kejẽn ũ ag tóg kuvar há tá kãmũ mũ, rã jur ja tá. Ũn estudo mág ag vẽ, krĩg to ag tóg estudar he mág han tĩ.

Mateus 28:18

Kỹ Jesus tóg, ag rã hã jẽ kỹ, ag mỹ: “nén kar vỹ tỹ, inh krẽm ke nĩ ha, kanhkã tá ke kar, ga tá ke kar ke gé,” he mũ.

João 21:16

Kỹ tóg ti mỹ: “Simão', João kósin', ã mỹ iso há nĩ?“ he mãn mũ gé. Kỹ tóg ti mỹ: “hỹ, hã vẽ. Ki kanhró ã tóg nĩ, isỹ ã to há nĩn ki,” he mãn mũ. Kỹ Jesus tóg: “kỹ ũ tỹ inh ki ge kỹ nỹtĩ ag mỹ inh vĩ tóm nĩ,” he mãn mũ gé.

João 7:42

“Topẽ vĩ rá ki tóg: “Davi krẽ'krẽ vỹ tỹ ti nĩ, Cristo ti,” he mũ, “ẽmã tỹ Belém tá ke vỹ tỹ ti nĩ, Davi jamã ja ẽn tá,” he tóg, Topẽ vĩ tỹ rán kỹ nĩ ki. Hã kỹ tóg ẽg mỹ tỹ Cristo tũ nĩ,” he ag tóg.

Éfeso 1:22

Kỹ Topẽ tóg ti krẽm vẽnh kar vin kãn. Kỹ tóg tỹ vẽnh kar kri ke jẽ sir, Cristo ti. Kỹ tóg tỹ ẽg kri ke jẽ gé sir, ẽg tỹ tỹ ti tũ nỹtĩn kỹ.

Colossos 1:18

Ti ki ge kỹ nỹtĩ kar ag krĩ ri ke ti nĩ, kỹ ẽg tóg ti há ri ke nỹtĩ. Ũn ve vỹ tỹ ti nĩ. Kỹ tóg rĩr mãn gé, ti ter kar kỹ, ẽg rĩr mãn ken jo. Nén ũ kar kri ke vỹ tỹ ti nĩ.

Nén Venh Ke 11:15

Kỹ Topẽ tỹ jẽgnẽ jafã tỹ 7 (ke) ẽn ag kã ũ tóg trombeta kyn mũ gé sir. Trombeta tỹ 7 (ke) vẽ sir. Kỹ kanhkã tá vẽnh vĩ tỹ hẽn ri ke tóg mẽ há tĩ. “Vãhã tóg ẽprã ke kar ag kri tỹ ũn mág jẽ, Topẽ ti, ẽg Senhor ti ke gé,” he ag tóg. “Vãhã ag tóg nén ũ kar ki rĩr nỹtĩ ha. Kỹ tóg tũ' henh ke tũ nĩ, ag rãnhrãj ti,” he ag tóg.

Nén Venh Ke 2:27

ãjag tỹ inh kóm tỹ povo kri pã'i nỹtĩ jé. Kỹ ãjag tóg ag to vãsãn ke mũ, ferro tỹ ag mrãnmrãn kỹ, ẽg tỹ go'or tỹ kukrũ há gãm mũ ẽn ri ke.

Nén Venh Ke 7:17

cordeiro tỹ ag ki rĩr kỹ, ũ tỹ nĩgja sĩnvĩ tá jẽ ẽn ti. Ag tatĩ tĩg jé tóg ke mũ, goj nĩhỹg ja ra. Goj tỹ ag rĩnrĩr han mũ ẽn ra tóg ag tatĩ tĩg ke mũ. Topẽ vỹ ag kygfỹ tỹ tũ' henh ke mũ,” he tóg inh mỹ, kófa ti, ũn e ẽn ag to.