Mateus 2:4 - O Novo Testamento na língua Kaingáng

⁴ Kỹ tóg Topẽ tũ to pã'i ag jé prẽr kỹ ag mỹ: “Cristo nẽji hẽ tá mur ke mũ?“ he mũ.

Mateus 2:4 Iomraidhean Croise

Mateus 13:52

Kỹ tóg ag mỹ: “kỹ tóg há tĩ,” he mũ. “Ũ tỹ Topẽ vĩ to ẽg kanhrãn tĩ ẽn, ti tỹ kanhkã tá nĩ ẽn jykre han kỹ tóg ge nĩ, ha mẽ. Ẽg panh ri ke ti nĩ. Kejẽn tóg ẽg mỹ ti tỹ nén sĩnvĩ ven tĩ, ti tỹ ũri mãg mũ ti, ti tỹ vãsỹ mãn ja ẽn ke gé,” he tóg. Ti tỹ ẽg tỹ Topẽ vĩ to vẽnh kanhrãn mág han tón hã vẽ.

Mateus 2:3

Pã'i tỹ Herodes tỹ ag vĩ tag mẽ kỹ tóg ti mỹ e tĩ, kỹ tóg krĩ kufy nĩ sir.

Mateus 2:5

Kỹ ag tóg ti mỹ: “Belém tá ke nẽji, ga tỹ Judéia tá,” he mũ. “Topẽ vĩ tó tĩ ũ vỹ vãsỹ ti to tag rán ja nĩgtĩ, ha mẽ:

Mateus 21:15

Hã ra Topẽ tũ ki rĩr tĩ ag tóg tá nỹtĩ, Topẽ vĩ to ẽg kanhrãn tĩ ag ke gé. Ti tỹ ag tỹ há' he vég ag tóg mũ. Gĩr ag vĩ mẽg ag tóg mũ gé. Topẽ ĩn krẽm ag tóg nỹtĩ, gĩr ag, kỹ ag tóg Jesus mỹ prẽnprẽr mũ. “!..Viva, Davi krẽ'krẽ..!“ he ag tóg mũ, prẽnprẽr kỹ. Kỹ pã'i ag tóg ti to jũgjũ mũ.

Mateus 21:23

Kỹ tóg ẽmã tá jun kỹ Topẽ ĩn kã ra rã mãn mũ sir. Kỹ Topẽ tũ to pã'i ag vỹ ti to kãmũ mũ, kófa ag mré hã. Kỹ ag tóg ti mỹ: “ũ nỹ ã mỹ: tag han nĩ, hé? Ũ nỹ ã jẽnẽ?“ he mũ.

Mateus 26:3

Hã ra Topẽ tũ to pã'i ag vỹ vẽnh mãn mũ sir, Topẽ vĩ to ẽg kanhrãn tĩ ag mré hã, kófa ag ke gé, Pã'i mág tỹ Caifás, he mũ ĩn tá.

Mateus 26:47

Ti tỹ ver vẽmén jẽ ra Judas tóg jun mũ sir, ũ tỹ 12 (ke) ag kã ũ ẽn ti. Hã ra porisa ag tóg ti mré kãmũ mũ, rógro génh kỹ, ka kykyv génh kỹ ke gé. Topẽ tũ to pã'i ag tỹ ag jẽgnẽ vẽ, kófa ag ke gé.

Mateus 27:1

Tỹ vaj kỹ kusãg ki ag tóg Jesus tén ke to jykrén mũ sir, Topẽ tũ to pã'i kar ag.

Mateus 7:29

Ti vĩ tóg vẽnh kar vĩ kãfór nĩ, Topẽ vĩ to ẽg kanhrãn tĩ ag vĩ kãfór ti nĩ, kỹ tóg pã'i vĩ kãfór pẽ nĩ gé, ti vĩ ti. Hã kỹ tóg ki hã tó mũ. Kỹ tóg ag mỹ e tĩ sir, fag mỹ ke gé.

Marcos 8:31

Kỹ tóg: “tỹ sóg ẽprã ke fi kósin nĩ,” he mũ. “Ijagtar jagy han ke vẽ. Kófa ag tỹ iso: “kórég ti nĩ,” henh ke vẽ, Topẽ tũ ki rĩr tĩ ag ke gé, Topẽ vĩ to ẽg kanhrãn tĩ ag ke gé. Ag tỹ isén ke vẽ, kurã tãgtũ tũg kỹ sóg rĩr mãn mũ hã ra,” he tóg.

Lucas 20:19

Kỹ Topẽ tũ to pã'i ag vỹ ti vĩ mẽg mũ. Kỹ ag tóg: “ẽg hã to tóg kãmén ja nĩ, ẽg tỹ Topẽ kato vãsãn tag vỹ ge nỹnh mũ, he mũ ẽn ti,” he mũ. Hã kỹ ag tóg ti se sór mũ. Hã ra ag tóg vẽnh e ẽn kamẽg mũ.

Lucas 23:10

Hã ra pã'i ag vỹ tá nỹtĩ nĩ, kỹ ag tóg ti kato vĩ mág han mũ sir, Topẽ vĩ to ẽg kanhrãn tĩ ag ke gé. Hã ra Jesus tóg ag mỹ vĩ tũg mũ gé.

João 18:3

Kỹ tóg ag nón tá jun mũ sir, soldado ag mré, porisa ag mré hã ke gé, pã'i ag tỹ ag jẽgnẽn kỹ. Fariseu ag vỹ pã'i ag mré porisa ag jẽgnẽ ja nĩ gé. Néj e gé ag tóg kãmũ mũ, pĩ jónhkó ke gé, ka kykyv mré hã.

João 3:10

Kỹ tóg: “Israel ag kanhrãn ã tóg tĩ, hã ra ã tóg sỹ ã mỹ nén tó mũ tag ki kagtĩg nĩ',” he mũ.

João 7:32

Kỹ Fariseu ag tóg ag vĩ tag mẽg mũ. Kỹ ag tóg pã'i ag mré ti senh ke to vẽmén mũ. Kỹ ag tóg porisa ag jẽnẽg mũ, ag tỹ ti se jé.

João 8:3

Kỹ Topẽ vĩ to ẽg kanhrãn tĩ ag vỹ ũn tỹtá fi pére kãmũ mũ. Fi ve ja ag tóg nĩ, fi tỹ fi mén tũ mré nỹn kỹ. Vẽnh kuju kã ag tóg fi fẽg mũ.

Han Kãme 23:9

Kỹ ag tóg jagnẽ to jũgjũ kỹ prẽnprẽr mũ. Fariseu ag kã mĩ ũ ag tóg jẽgnẽgnẽ kỹ, Saduceu ag vĩ kafãn kỹ: “nén ũ kórég han tũ ti nĩ,” he mũ. “Hẽn ri ke mũn ti hỹn nén ũ vé, vẽnh kuprĩg, ke tũ nĩ kỹ Topẽ tỹ jẽnẽ jafã,” he ag tóg.

Han Kãme 4:5

Tỹ vaj kỹ pã'i ag tóg vẽnh mãn mũ, kófa ag mré hã, Topẽ vĩ to ẽg kanhrãn tĩ ag mré hã, Jerusalém tá.

Han Kãme 6:12

Hã kỹ vẽnh kar tóg ti to jũgjũ mũ, kófa ag mré hã, Topẽ vĩ to ẽg kanhrãn tĩ ag mré hã. Kỹ ag tóg ti kãgmĩ kỹ ti ség mũ. Kỹ ag tóg pã'i ag to ti pére kãmũ mũ.