Mateus 2:23 - O Novo Testamento na língua Kaingáng

²³ Kỹ tóg ẽmã tỹ Nazaré tá ẽmãn mũ. Hã ra tóg rán kỹ nĩ gé: “ti to ag tóg: Nazaré tá ke vẽ, henh ke mũ,” he ja tóg nĩ, Jesus to.

Mateus 2:23 Iomraidhean Croise

Mateus 1:22

Hã ra Topẽ tóg vãsỹ ti vĩ tó tĩ ũ mỹ:

Mateus 21:11

Kỹ ag tóg ag mỹ: “Topẽ vĩ tó tĩ ẽn vẽ,” he mũ. “Jesus vẽ, Nazaré tá ke ẽn vẽ, Galiléia tá ke ẽn,” he ag tóg mũ sir.

Mateus 26:71

Kar kỹ tóg jãnkã ra rã sór mũ. Hã ra ũ fi tóg ti vég mũ gé, kỹ fi tóg ag mỹ: “Jesus mré ke ũ vẽ, Nazaré tá ke ẽn mré,” he mũ gé.

Marcos 1:24

Kỹ tóg prẽr mũ. “Ã tỹ ẽg tỹ hẽ ri ke nẽ, Nazaré tá Jesus'?“ he tóg. “Ã mỹ ẽg kókén sór tũ'? Ã ki sóg kanhró nĩ. Tỹ ã tóg ã pir mỹ Topẽ mré ke nĩ. Ti tũ pẽ vỹ tỹ ã nĩ,” he tóg.

Marcos 1:9

Kejẽn Jesus tóg ẽmã tỹ Nazaré tá kãtĩ mũ, ga tỹ Galiléia tá. Kỹ tóg João tá jun mũ, kỹ João tóg ti kypég mũ sir, goj tỹ Jordão ki.

Lucas 1:26

Isabel fi kufy nĩ ki kysã tỹ 6 (ke) vẽ sir. Kỹ Topẽ vỹ ti tỹ jẽnẽ jafã tỹ Gabriel jẽnẽ mãn mũ, ti tỹ Jesus mur ke tónh tĩg jé. Kỹ tóg ga tỹ Galiléia ra tĩ mũ, ẽmã tỹ Nazaré ra.

Lucas 18:37

Kỹ ag tóg ti mỹ: “Jesus vẽ, Nazaré tá ke ẽn vẽ,” he mũ.

Lucas 2:39

Kỹ fag tóg Moisés tỹ vẽnh kykũnh to nén rán ja ẽn han kãn mũ sir. Kar kỹ fag tóg sir fag jamã ra vỹnvỹn ke mũ, Nazaré ra.

João 18:5

Kỹ ag tóg ti mỹ: “Jesus ti, Nazaré tá ke ẽn,” he mũ. Kỹ tóg ag mỹ: “inh hã vẽ,” he mũ. Hã ra Judas tóg ag mré kãtĩg ja nĩ gé.

João 18:7

Kỹ tóg ag mỹ vĩ mãn mũ. “Ãjag tỹ ũ ve sór nẽ?“ he tóg. Kỹ ag tóg ti mỹ: “Jesus ti, Nazaré tá ke ẽn,” he mãn mũ.

João 19:19

Hã ra Pilatos tóg Jesus to vẽnh rá han ja nĩ, kỹ ag tóg ti krĩg mỹ vẽnh rá ẽn sa ja nĩ, hã vỹ: “Nazaré tá Jesus vẽ, Judeu ag pã'i tỹ rei vẽ,” he mũ, vẽnh rán ki. Hebreu vĩ ki tóg rán kỹ nĩ, Latim vĩ ki ke gé, Grego vĩ ki ke gé.

Han Kãme 2:22

“Inh kanhkã', Nazaré tá Jesus ẽn vẽ mỹr. Ti hã tóg nén han vãnh hynhan ja nĩgtĩ. Topẽ jykre hynhan ja tóg nĩgtĩ, Topẽ tỹ ti jẽnẽn kỹ. Hã ra Topẽ tóg ti mỹ tó ja nĩ, ti tỹ milagre ẽn hynhan jé, ãjag tỹ ve kỹ ti to jykrén há han jé,“ he tóg.

Han Kãme 24:5

“Tag ti vỹ vĩ kónãn tĩ. Judeu kar ag krĩn kónãn tóg tĩ, kỹ ag tóg tĩ tugrĩn vẽnh kãpugpóv kỹ nỹtĩ. Ga kar mĩ tóg ke tĩ. Kỹ tóg tỹ Nazaré tá ke ẽn mré ke ag pã'i mág nĩ gé,” he tóg, Paulo to.