Mateus 2:2 - O Novo Testamento na língua Kaingáng

² Ag tỹ Jerusalém tá junjun kỹ ag tóg sir: “ũ tỹ ũri mur mũ tag vỹ tỹ Israel ag pã'i mág nĩnh ke mũ,” he mũ. “Ti kri ẽg krĩg vé, ẽg tỹ ẽg jamã tá nỹtĩn kỹ. Ẽg tỹ ti mỹ nén ũ há gé kãmũ vẽ,” he ag tóg.

Mateus 2:2 Iomraidhean Croise

Mateus 2:3

Pã'i tỹ Herodes tỹ ag vĩ tag mẽ kỹ tóg ti mỹ e tĩ, kỹ tóg krĩ kufy nĩ sir.

Mateus 21:5

“Sião tá ke fag mỹ: “ha vé, ãjag pã'i mág tóg ãjag ki jun ke mũ,” hem nĩ. Vẽnh kar to tóg fe há nĩ, jũ vãnh nĩn kỹ, ãjag Senhor ti. Burrica kri tóg nĩ nĩ, fi kósin kri, ẽg tu tĩ ẽn fi kósin kri mỹr,” he tóg, Topẽ vĩ tỹ rán kỹ nĩ ki.

Mateus 27:11

Hã ra Jesus tóg, fóg tỹ pã'i mág rã hã jẽ nĩ. Kỹ tóg ti ki jẽmẽg mũ, kỹ tóg: “ã mỹ tỹ Judeu ag pã'i nĩ'?“ he mũ. Kỹ Jesus tóg ti mỹ: “ki hã ã tóg tó mũ,” he mũ.

Lucas 19:38

“!..Sér tóg tĩ, ẽg mỹ..!“ he fag tóg mũ.“!..Ẽg Senhor vỹ ẽg ki jun..! !..ẽg jóg mág tỹ ti jẽnẽn kỹ..!“ he ag tóg. “!..Kanhkã tá ke ag mỹ tóg sér te..! !..Topẽ mỹ ẽg tóg vĩ há han sór mũ, kynhmỹ nĩ ẽn mỹ..!“ he ag tóg, prẽnprẽr kỹ.

Lucas 2:11

Ãjag krenkren han tĩ vỹ ũri mur, hã vỹ: Cristo, he mũ. Davi jamã ja tá tóg mur. Tỹ tóg ẽg Senhor nĩ ha mỹr.

Lucas 23:3

Kỹ Pilatos tóg ti mỹ: “ã mỹ tỹ Judeu ag pã'i mág nĩ'?“ he mũ. Kỹ tóg ti mỹ: “ki hã ã tóg tó mũ,” he mũ.

Lucas 23:38

Hã ra ag tóg ti to rán ja nĩ, ti tỹ krunh to sa ẽn ti. Ti to rán hã vẽ, hã vỹ: “Judeu ag pã'i mág hã vẽ,” he mũ. Ti kri tóg krunh to rán kỹ sa.

João 1:49

Kỹ tóg ti mỹ e tĩ. “Topẽ kósin vỹ tỹ ã nĩ, Rabi',” he tóg. “Ẽg povo tỹ Israel kri pã'i vỹ tỹ ã nĩ,” he tóg.

João 12:13

Kỹ ag tóg ti ve jé kãpa mũ. Tãnh féj génh kỹ ag tóg ti venh kãmũ mũ. Kỹ ag tóg: “!..Viva..!“ he mũ. “!..Sér tóg tĩ ẽg mỹ..! !..Ẽg jóg mág vỹ ti jẽnẽ..! !..Israel kri pã'i mág pẽ vẽ..!“ he ag tóg, prẽnprẽr kỹ.

João 18:37

Kỹ Pilatos tóg: “kỹ ã mỹ hã ra tỹ pã'i mág nĩ'?“ he mũ. Kỹ tóg: “ki hã ã tóg tó mũ,” he mũ. “Isỹ ki hã tó hã jé sóg ga kri mur kỹ, ga kri tĩ nĩ. Kỹ ũ tỹ ki hã tó to há nỹtĩ ẽn ag kar vỹ inh vĩ jẽmẽg mũ,” he tóg.

João 19:19

Hã ra Pilatos tóg Jesus to vẽnh rá han ja nĩ, kỹ ag tóg ti krĩg mỹ vẽnh rá ẽn sa ja nĩ, hã vỹ: “Nazaré tá Jesus vẽ, Judeu ag pã'i tỹ rei vẽ,” he mũ, vẽnh rán ki. Hebreu vĩ ki tóg rán kỹ nĩ, Latim vĩ ki ke gé, Grego vĩ ki ke gé.

João 20:28

Kỹ Tomé tóg ti mỹ: “inh Senhor,Topẽ',” he mũ.

João 5:23

vẽnh kar tỹ ti to: “ũn mág vỹ tỹ ti nĩ,” he jé, ag tỹ ẽg jóg mág to: “ũn mág vỹ tỹ ti nĩ,” he mũ tag ri ke. Ũ tỹ ti kósin mỹ: “ũn mág vỹ tỹ ã nĩ,” he tũ nĩn kỹ tóg ẽg jóg mág mỹ tag tónh ke tũ nĩ gé. Ti hã vỹ ti kósin jẽnẽ ja nĩgtĩ. Inh hã vẽ, ti kósin ti,” he tóg, Jesus ti.

João 9:38

Kỹ ũn kyvó ja tóg ti mỹ: “Senhor,” he mũ. “Ã ki rã kỹ inh jẽ nĩ,” he tóg. Kỹ tóg ti krẽm mũg ke kỹ ti mỹ: “Topẽ kósin vỹ tỹ ã nĩ,” he mũ.

Hebreu 1:6

Ti kósin ve ẽn jẽnẽ ja ti nĩ, ẽg to, Topẽ ti. Ti tỹ ti jẽnẽn kỹ tóg tag tó gé, ha mẽ: “isỹ jẽgnẽ jafã ag vỹ ti krẽm mũg ke kãn ke mũ, ha vem nĩ,” he ja ti nĩ.

Nén Venh Ke 22:16

Kỹ Jesus tóg: “isỹ jẽnẽ jafã jẽnẽ inh,” he mũ, “ti tỹ ãjag mỹ ãjag tỹ nén venh ke mũ kar tó jé, ũ tỹ inh vĩ jẽmẽ jé vẽnh mãn tĩ ag kar mỹ. Davi krẽ'krẽ ag kã ũ ẽn vỹ tỹ inh nĩ. Krĩg mág hã sóg nĩ,” he tóg.