Mateus 19:25 - O Novo Testamento na língua Kaingáng

²⁵ Kỹ tóg ti mré mũ tĩ ag mỹ e tĩ, ti vĩ tag. Kỹ ag tóg to kanẽ jur mũ. “Kỹ ũ hỹn kren ke tũ nĩ,” he ag tóg.

Mateus 19:25 Iomraidhean Croise

Mateus 19:24

“Kãvãru pãnĩ sór vỹ préj nor fĩn kutẽ tũ nĩgtĩ mỹr. Ti tỹ fĩn kutẽ há nĩ ra tóg há tĩ vẽ, ũn riko tỹ Topẽ tỹ tỹ ẽg pã'i nĩ venh ke ti,” he tóg.

Mateus 19:26

Kỹ Jesus tóg ag ki ẽvãnh mũ, kỹ tóg ag mỹ: “ẽprã ke ag vỹ vẽsóg ki tá jun ke tũ nĩ,” he mũ. “Topẽ hã tóg ãjag tỹ tá jun han ki kanhró nĩ, ti tỹ nén ũ kar tỹ hẽ ri ken há nĩn kỹ,” he tóg, Jesus ti.

Mateus 24:22

Ẽg tỹ kurã ki jagtar ke mũ ẽn vỹ e nỹtĩnh mũ vẽ, hã ra tóg térem kỹ nỹtĩ nĩ, Topẽ tỹ ũn kuprẽg ja ẽn ag tugrĩn. Ti tỹ térem tũ nĩ ra ũ vỹ, kren ke tũ pẽ nĩ vẽ, vẽnh jagtar mág ẽn to,” he tóg, Jesus ti.

Marcos 13:20

Ẽg tỹ kurã ki vẽsỹrénh ke mũ vỹ e nỹtĩ vẽ, hã ra tóg térem kỹ nỹtĩ nĩ, Topẽ tỹ ũn kuprẽg ja ẽn ag tugrĩn. Ti tỹ térem tũ nĩ ra ũ vỹ kren ke tũ nĩ vẽ, ag vẽsỹrénh ẽn to,” he tóg.

Roma 10:13

Tag hã vỹ rán kỹ nĩ gé, ha mẽ: “ẽg tỹ ẽg Senhor mỹ: inh kren han nĩ, hen kỹ tóg ẽg krenkren han ke mũ, ẽg kar,” he ja tóg nĩ, Topẽ vĩ tỹ rán kỹ nĩ ki.