Mateus 18:6 - O Novo Testamento na língua Kaingáng

⁶ “Ũn sĩ tag tóg inh ki rã kỹ jẽ. Hã ra ũ tóg kejẽn ti tỹ isovãnh han sór mũ. Ẽn jykre vỹ kórég tãvĩ nĩ. Ũ tỹ pó mág tỹ ẽn nunh to sa kỹ, goj nig mág ki ti fón kỹ tóg há nỹnh mũ vẽ, ti tỹ goj ki ter jé. Jagy tãvĩ tóg nĩ,” he tóg.

Mateus 18:6 Iomraidhean Croise

Mateus 17:27

Hã ra ag tóg ẽg to jykrén kónãn sór mũ, ẽg tỹ tỹ Topẽ krẽ nỹtĩ ra. Kỹ ẽg hỹn tóg kajãm ke mũ. Hã kỹ pirã sygsam tĩg, nig ẽn tá. Ã tỹ ũn sam vén mũ ẽn jẽnky kã tá tugnỹm nĩ. Jãnkamy vỹ kã kã nĩ, ã tỹ ijo kajãm jé, vẽnh jo ke gé,” he tóg. Kỹ Pedro tóg tĩ mũ sir. Jãnkamy vég tóg mũ sir. Kỹ tóg tỹ imposto kajãm tĩ mũ.

Mateus 18:10

“Hã kỹ gĩr to é he tũg nĩ. Ũ tỹ ag ki rĩr mũ ag vỹ kanhkã tá nỹtĩ, mỹr, ha mẽ. Topẽ tỹ jẽgnẽ jafã ũ ag vẽ. Inh jóg mré ag tóg nỹtĩ, ti vég ag tóg nỹtĩ.

Mateus 18:14

Hã kỹ tóg Topẽ mỹ kórég nĩ, ũn sĩ pir vãfor kỹ, ti kren tũ nĩn kỹ, gĩr sĩ pir mỹr. Topẽ pijé tag to há nĩ', inh jóg tỹ kanhkã tá nĩ ẽn ti,” he tóg, Jesus ti.

Mateus 18:5

Ãjag hã vỹ tỹ inh mré ke nỹtĩ. Ãjag tỹ isugrĩn gĩr tag to há nỹtĩn kỹ ãjag tóg, iso há nỹtĩ gé,” he tóg, Jesus ti.

Marcos 9:42

Kỹ tóg “ũn sĩ tag vỹ inh ki rã kỹ jẽ,” he mũ. “Kejẽn ũ tóg ti tỹ inh vĩ mranh han sór mũ. Ẽn jykre vỹ kórég tãvĩ nĩ. Ũ tỹ pó mág tỹ ẽn nunh to sa kỹ goj nig ki ti fón kỹ tóg há nĩnh mũ vẽ. Jagy tãvĩ tóg nĩ, ũ tỹ gĩr tỹ isovãnh han kỹ,” he tóg.

Han Kãme 9:5

Kỹ Saulo tóg ẽg Senhor ti mỹ: “ã tỹ ũ nĩ?“ he mũ. Kỹ tóg ti mỹ: “tỹ sóg Jesus nĩ, ã tỹ ũn vóg kónãn sór tĩ ẽn vỹ tỹ inh nĩ,” he mũ.

Roma 14:21

Kỹ tóg kórég nĩ, ẽg régre tỹ ẽg tugnĩn Topẽ vĩ mranh kỹ. Hã jé nén ũ nĩ ko tũg nĩ, ã régre tỹ to tỹ prãnh kenh mẽ tĩn kỹ. Ti rĩnve goj fa kron tũg nĩ gé. Nén ũ tỹ ã régre tỹ Topẽ vĩ mranh han ẽn tovãnh kãn nĩ.