Mateus 18:5 - O Novo Testamento na língua Kaingáng

⁵ Ãjag hã vỹ tỹ inh mré ke nỹtĩ. Ãjag tỹ isugrĩn gĩr tag to há nỹtĩn kỹ ãjag tóg, iso há nỹtĩ gé,” he tóg, Jesus ti.

Mateus 18:5 Iomraidhean Croise

Mateus 18:4

“Gĩr pijé ũn sanh kãfór nĩ sór tĩ'. Hã kỹ jagnẽ kãfór nĩ sór tũg nĩ. Ũn sĩ vỹ tỹ inh nĩ, gĩr ri ke, hem nĩ, ãjag tỹ kar kỹ tỹ ũn mág nỹtĩ jé, Topẽ tỹ tỹ ẽg pã'i nĩn kỹ.

Mateus 18:6

“Ũn sĩ tag tóg inh ki rã kỹ jẽ. Hã ra ũ tóg kejẽn ti tỹ isovãnh han sór mũ. Ẽn jykre vỹ kórég tãvĩ nĩ. Ũ tỹ pó mág tỹ ẽn nunh to sa kỹ, goj nig mág ki ti fón kỹ tóg há nỹnh mũ vẽ, ti tỹ goj ki ter jé. Jagy tãvĩ tóg nĩ,” he tóg.

Mateus 25:40

Kỹ sóg ag mỹ: ũn jagtar ag jagãgtãn ja ãjag tóg nĩgtĩ, inh mré ke ag, fag mré hã, kỹ tóg tỹ ãjag tỹ inh jagãgtãn ri ke nĩ, henh ke mũ, isỹ tỹ pã'i mág nĩ kurã ẽn kã,” he tóg.

Mateus 25:45

Kỹ sóg ag mỹ: ũn jagtar ag jagãgtãn ja tũ ãjag tóg nĩgtĩ, fag ke gé, hã kỹ tóg tỹ, ãjag tỹ inh jagãgtãn tũ ri ke nĩ, mỹr, ha mẽ, henh ke mũ.

Mateus 7:8

Hỹ, hã vẽ. Ãjag tỹ ti mỹ nén ũ to vĩn kỹ tóg, ãjag mỹ han mũ sir. Ãjag tỹ jãvãnh kỹ ãjag tóg, venh ke mũ sir,” he tóg.

Marcos 9:37

“Gĩr tỹ ge ri ke nỹtĩm nĩ. Ãjag tỹ isugrĩn ũn sĩ to há nỹtĩn kỹ tóg inh mỹ há tĩ, kỹ ãjag tóg ũ tỹ ijẽnẽg mũ ẽn to há nỹtĩ gé sir. Tỹ ũn mág nĩ to ken hã vẽ,” he tóg.

Marcos 9:41

“Sỹ ke há vẽ. Kejẽn ũ tóg ãjag mỹ, nén ũ sĩ ven mũ, goj hẽn ri ke mũn, ãjag tỹ tỹ inh mré ke nỹtĩ tugrĩn. Ẽn tóg vẽnh kato nén ũ há venh ke mũ gé, ha vem nĩ,” he tóg.

Lucas 9:48

Kỹ tóg ag mỹ: “gĩr tỹ ge to há nỹtĩm nĩ, isugrĩn,” he mũ. “Ãjag tỹ isugrĩn ti to há nỹtĩn kỹ ãjag tóg iso há nỹtĩ gé sir. Ãjag tỹ iso há nỹtĩn kỹ ãjag tóg ũ tỹ inh jẽnẽg mũ to há nỹtĩ gé sir. Kỹ ãjag kã ũn sĩ ẽn vỹ tỹ ãjag kãfór kar nĩnh mũ, ha mẽ,” he tóg.

João 13:20

Ki hã sóg tó mũ, ha mẽ. Isỹ ãjag jẽgnẽnh ke vẽ. Kỹ ũ tỹ ãjag mỹ vĩ há han kỹ tóg inh mỹ vĩ há han ke mũ gé, hã ra tóg ũ tỹ inh jẽnẽg mũ ẽn mỹ vĩ há han ke mũ gé,” he tóg.

Galácia 4:14

Kỹ tóg ãjag mỹ e tĩ ja nĩgtĩ, ãjag tỹ inh kaga ven kỹ. Ge ra ãjag tóg iso é he ja tũ nĩgtĩ. Ti pijé ãjag tỹ jẽgry ja nĩgtĩ', inh kaga ti. Inh mỹ ãjag tóg vĩ há han ja nĩgtĩ, sỹ tỹ Topẽ tỹ jẽnẽ jafã nĩn kỹ. Ãjag tỹ Jesus Cristo ki rĩr mũ ẽn ri ke han ja ãjag tóg nĩgtĩ, isỹ.