Mateus 18:13 - O Novo Testamento na língua Kaingáng

¹³ Vãhã tóg ti vég mũ sir. Kỹ tóg ti mỹ sér pẽ tĩ sir, ha mẽ. Ti mẽg e ẽn ag tóg ti mỹ há nỹtĩ, ũ tỹ 99 ẽn. Hã ra tóg ti tỹ ũn pir ẽn ve mãn kỹ ti mỹ há tãvĩ tĩ sir, ũn e ẽn tỹ ti mỹ há nỹtĩ kãfór.

Mateus 18:13 Iomraidhean Croise

Mateus 18:12

“Tag to jykrén nĩ. Ũ tóg carneiro tỹ 100 tỹ mẽg nĩ. Hã ra kejẽn ti mẽg pir tóg vãfor mũ. Kỹ tóg ti mẽg ẽn ag ré kỹ ũn pir ẽn jãvãnh tĩ mũ sir.

Mateus 18:14

Hã kỹ tóg Topẽ mỹ kórég nĩ, ũn sĩ pir vãfor kỹ, ti kren tũ nĩn kỹ, gĩr sĩ pir mỹr. Topẽ pijé tag to há nĩ', inh jóg tỹ kanhkã tá nĩ ẽn ti,” he tóg, Jesus ti.

1 Corinto 13:6

Ẽg tỹ vẽjykre pãno ven kỹ ti pijé ẽg mỹ sér tĩnh mũ'. Ẽg tỹ ũ tỹ ki hã tó mũ mẽ kỹ tóg ẽg mỹ sér tĩnh mũ.

Tiago 2:13

Ẽg tỹ jagnẽ jagãgtãn tũ nĩn kỹ tóg ẽg jagãgtãn ke tũ nĩ gé, ẽg Senhor ti. Ẽg tỹ hã ra jagnẽ jagãgtãn kỹ tóg ẽg jagãgtãn ke mũ gé, ti tỹ ẽg jykre tugnỹm ken kỹ, kurã ẽn kã. Kỹ ti pijé ẽg vóg kónãn ke mũ sir'.