Mateus 18:11 - O Novo Testamento na língua Kaingáng

¹¹ Tỹ sóg ẽprã ke fi kósin nĩ. Ũn vãgfor mũ ẽn ag krenkren han hã jé sóg jun ja nĩ, mỹr, ha mẽ,” he tóg.

Mateus 18:11 Iomraidhean Croise

Mateus 10:6

“Israel ag tãvĩ mỹ tóm nĩ ver. Topẽ mỹ ag tóg tỹ carneiro vãgfor mũ ri ke nỹtĩ, kỹ ag hã mỹ tóm nĩ ver,” he tóg.

Mateus 15:24

Hã ra tóg ag mỹ: “hỹ,” he mũ. “Topẽ vỹ inh jẽnẽ, sỹ Israel ag hã tỹ há' he jé, ũ tỹ Israel kã mĩ Topẽ vĩ mranh mũ ag tỹ,” he tóg. Hã ra fi tóg tỹ fóg nĩ, hã kỹ Jesus tóg fi ve sór tũ nĩ.

Mateus 18:12

“Tag to jykrén nĩ. Ũ tóg carneiro tỹ 100 tỹ mẽg nĩ. Hã ra kejẽn ti mẽg pir tóg vãfor mũ. Kỹ tóg ti mẽg ẽn ag ré kỹ ũn pir ẽn jãvãnh tĩ mũ sir.

Mateus 9:12

Hã ra Jesus tóg mẽg mũ. Kỹ tóg ag mỹ: “ũn kagyga tũ ag vỹ médico venh mũ tũ nĩgtĩ,” he mũ. “Hã ra ũn kagyga ag hã vỹ ti venh mũ tĩ,” he tóg.

Lucas 15:24

Inh kósin vỹ inh mỹ ter ri ke han, hã ra tóg rĩr mãn ri ke han. Vãfor ja ti nĩ vẽ, hã ra tóg kãtĩg mãn mũ,” he tóg. Kỹ tóg ag mỹ sér tĩ sir, ag tỹ fénhta han kỹ.

Lucas 15:32

Hã ra fénhta tag vỹ há nĩ, ha mẽ. Ẽg mỹ tóg sér tãvĩ tĩ. Ã jãvy vỹ inh mỹ ter ri ke han, hã ra tóg rĩr mãn ri ke han. Vãfor ja ti nĩ vẽ, hã ra tóg kãtĩg mãn mũ,” he tóg, ti panh ti, ti kósin sanh mỹ,” he tóg, Jesus ti.

Lucas 19:10

“Tỹ sóg ẽprã ke fi kósin nĩ. Ũn vãfor mũ ẽn jãvãnh jé sóg kãtĩg, sỹ ag krenkren han jé, ũn jykre pãno ẽn,” he tóg.

Lucas 9:56

Kỹ ag tóg ẽmã ũ ra mũ mũ, tá nũgnũr jé sir.

João 10:10

Vẽnh mẽg tỹ carneiro pigju(g) tĩ ẽn vỹ carneiro pigju hã jé kãtĩ tĩ, fag kãgtén jé, fag kókén jé. Ti jãvo sóg fag ki rĩr há han hã jé kãtĩg, fag tỹ jagtar tũ nĩ jé, fag mỹ sér tĩ jé,” he tóg.

João 12:47

Ãjag tỹ ón kỹ inh vĩ mẽg mũ ra sóg ãjag mỹ: kórég ãjag nỹtĩ, henh ke tũ nĩ. Inh pijé ãjag mỹ: kórég ãjag nỹtĩ, he jé kãtĩg'. Sỹ ãjag krenkren han hã jé sóg kãtĩg.

João 3:17

Topẽ vỹ ti kósin jẽnẽ, ti tỹ ãjag krenkren han jé, ẽprã ke kar. Ti pijé isỹ ãjag vóg kónãn jé inh jẽnẽ',” he tóg.

1 Timóteo 1:15

Tag vỹ tỹ vẽnh vĩ há nĩ, ha mẽ. Kỹ vẽnh kar tỹ tag to há nỹtĩ ran jé há tĩ vẽ, hã vỹ: “Jesus Cristo vỹ ga kri mur, ti tỹ Topẽ vĩ mranh tĩ ag krenkren han jé,” he mũ. Ti vĩ mranh tĩ ag kar kórég kãfór vỹ tỹ inh nĩ.