Mateus 18:10 - O Novo Testamento na língua Kaingáng

¹⁰ “Hã kỹ gĩr to é he tũg nĩ. Ũ tỹ ag ki rĩr mũ ag vỹ kanhkã tá nỹtĩ, mỹr, ha mẽ. Topẽ tỹ jẽgnẽ jafã ũ ag vẽ. Inh jóg mré ag tóg nỹtĩ, ti vég ag tóg nỹtĩ.

Mateus 18:10 Iomraidhean Croise

Mateus 1:20

Ti tỹ ver fi tovãnh to jykrén kỹ Topẽ tỹ jẽnẽ jafã tóg ti mỹ vẽnh ven mũ sir, ti vẽnh péti kỹ. Kỹ tóg ti mỹ: “José,” he mũ. “Tỹ ã Davi krẽ'krẽ ag kã ũ nĩ,” he tóg. “Maria fi to jykrén kónãn tũg nĩ. Fi tovãnh sór tũg nĩ. Ũ tũ pijé', Topẽ kuprĩg tỹ fi mỹ gĩr han ja vẽ.

Mateus 12:20

Ẽprã ke ag tỹ inh vĩ mranh kỹ ag tóg vãn tóg tỹ kamkam ke ẽn ri ke nỹtĩ. Hã ra ti pijé ag tỹ kamkam ke kãn ke mũ', isỹ ũ to: inh fe, he mũ ẽn ti. Néj gru tỹ nhyn ke sór ẽn ri ke ag nỹtĩ gé. Ti pijé ag tỹ nhyn kenh ke mũ'. Ag mỹ tóg vĩ há han ke mũ. Tag kar kỹ sóg kejẽn vẽnh kar jykre tugnỹm ke mũ.

Mateus 18:14

Hã kỹ tóg Topẽ mỹ kórég nĩ, ũn sĩ pir vãfor kỹ, ti kren tũ nĩn kỹ, gĩr sĩ pir mỹr. Topẽ pijé tag to há nĩ', inh jóg tỹ kanhkã tá nĩ ẽn ti,” he tóg, Jesus ti.

Mateus 18:6

“Ũn sĩ tag tóg inh ki rã kỹ jẽ. Hã ra ũ tóg kejẽn ti tỹ isovãnh han sór mũ. Ẽn jykre vỹ kórég tãvĩ nĩ. Ũ tỹ pó mág tỹ ẽn nunh to sa kỹ, goj nig mág ki ti fón kỹ tóg há nỹnh mũ vẽ, ti tỹ goj ki ter jé. Jagy tãvĩ tóg nĩ,” he tóg.

Mateus 2:13

Ag mũ kar kỹ José tóg kejẽn Topẽ tỹ jẽnẽ jafã vég mũ, ti vẽnh péti kỹ. Kỹ tóg ti mỹ: “ũn sĩ va tĩg, ga tỹ Egito ra, ti mỹnh fi mré. Herodes vỹ ti tén sór mũ. Kejẽn sóg ã mỹ: ha vỹn ké, henh ke mũ. Egito tá inh vĩ jãvãnh nĩ,” he tóg.

Mateus 2:19

Kejẽn Herodes ẽn vỹ ter mũ sir. Kỹ Topẽ tỹ jẽnẽ jafã vỹ José mỹ vẽnh ven mũ, ti vẽnh péti ki.

Mateus 24:31

Kỹ sóg isỹ jẽgnẽ jafã ag jẽgnẽnh mũ, ag tỹ téntén kynkyn jé, kỹ ag tóg isỹ ũn kuprẽg mũ ag jé prẽnprẽr kãn ke mũ sir, ga kar mĩ hã, kanhkã fyr mĩ hã,” he tóg, Jesus ti.

Lucas 1:19

Kỹ tóg ti mỹ: “tỹ sóg Gabriel nĩ,” he mũ. “Topẽ nĩgja tá inh jẽgtĩ. Hã ra tóg inh jẽnẽ, sỹ ã mỹ vẽnh vĩ sér tag tó jé,” he tóg.

Lucas 10:16

Kỹ tóg ti mré ke ag mỹ: “ũ tóg ãjag vĩ mẽ sór mũ, ha vem nĩ,” he mũ. “Kỹ tóg sir inh vĩ mẽg mũ. Ũ tóg ãjag vĩ mẽ sór ke tũ nĩ, ha vem nĩ. Kỹ tóg inh vĩ mẽ sór ke tũ nĩ gé. Ti tỹ inh vĩ mẽ sór tũ nĩn kỹ tóg ũ tỹ inh jẽnẽg mũ ẽn vĩ mẽ sór ke tũ nĩ gé sir, Topẽ vĩ ti,” he tóg.

Lucas 16:22

Kejẽn tóg ter mũ, ũn jagtar ẽn ti. Kỹ Topẽ tỹ jẽgnẽ jafã ag vỹ ti va mũ mũ, ti kuprĩg ti, kanhkã ra. Tá Abraão tóg nĩ nĩ, ẽg jóg' jóg ve ti, kỹ tóg ti mré nĩ nĩ sir, ti tỹ tỹ ti krẽ'krẽ nĩn kỹ. Kar ũn riko tóg ter mũ gé sir. Kỹ ag tóg ga kã tá ti péju mũ.

Han Kãme 10:3

Ẽn tóg nén nẽ vég mũ, 3 óra ki, ti nũr tũ ra. Kỹ tóg Topẽ tỹ jẽnẽ jafã jun vég mũ. Kỹ tóg ti mỹ: “Cornélio',” he mũ, Topẽ tỹ jẽnẽ jafã ti.

Han Kãme 12:15

Kỹ ag tóg fi mỹ: “krĩ vẽnh mỹ ã nĩ,” he mũ. Hã ra fi tóg: “vó, ti hã vẽ,” he mũ. Kỹ ag tóg fi mỹ: “ti ki rĩr tĩ ẽn hỹn,” he mũ.

Han Kãme 12:23

Kỹ vẽsỹmér Topẽ tỹ jẽnẽ jafã tóg ti vóg kónãn mũ sir, ti tỹ ag mỹ: “vó,” he tũ nĩn kỹ. “Inh pijé tỹ Topẽ nĩ',” he ja tũ tóg nĩ. Kỹ ti nug ga vỹ ti kagrãg mũ, hã kỹ tóg ter mũ.

Han Kãme 27:23

Kuty tag kã Topẽ tỹ jẽnẽ jafã tóg inh mré vĩ mũ. Inh Senhor hã vẽ, ũ tỹ ti jẽnẽg mũ ti, hã vỹ: Topẽ, he mũ,” he tóg.

Han Kãme 5:19

Hã ra kuty tá Topẽ tỹ jẽnẽ jafã tóg tére kỹ vẽse ja jãnkã nugnón mũ. Ag gé tóg tĩ mũ, ag kygvãn kỹ, kỹ tóg ag mỹ:

Roma 14:10

Kỹ ãjag tỹ hẽ ri ken kỹ jagnẽ to vĩ sór nẽ? Ãjag tỹ hẽ ri ken kỹ jagnẽ to é he nẽ? Topẽ hã vỹ ẽg jykre ve kãn ke mũ, ẽg kar, ti tỹ ẽg jé prẽr ken kỹ.

Roma 14:21

Kỹ tóg kórég nĩ, ẽg régre tỹ ẽg tugnĩn Topẽ vĩ mranh kỹ. Hã jé nén ũ nĩ ko tũg nĩ, ã régre tỹ to tỹ prãnh kenh mẽ tĩn kỹ. Ti rĩnve goj fa kron tũg nĩ gé. Nén ũ tỹ ã régre tỹ Topẽ vĩ mranh han ẽn tovãnh kãn nĩ.

Roma 15:1

Ha vé, tar ẽg nỹtĩ. Hã kỹ tóg ẽg tỹ ũn krój nỹtĩ ag to fen nỹtĩnh há tĩ. “Ẽn tóg inh mỹ há nĩ, hã kỹ sóg han sór mũ,” henh ke tũ ẽg tóg nĩ.

1 Corinto 11:22

Ha mẽ, vẽnh mỹ ti nĩ. Topẽ mré ke ag to é he ve ãjag tóg nĩ mỹr', ãjag tỹ ag jẽn kagran kỹ, ag junjun to hã. Tag tỹ inh hỹn hẽ ri kenh mũ? Inh mỹ ãjag mỹ vĩ há han ke mũ', tag to'? Vó', kenh ke tũ inh nĩ. Kórég ti nĩ, ãjag tỹ han mũ tag ti. Ãjag ĩn hã tá vẽjẽn tỹ vẽnh fãn nĩ.

1 Corinto 16:11

Kỹ ti to é he tũg nĩ, ti kyrũ hã ra. Kỹ ti tĩg ken kỹ ti jagãgtãn nĩ gé, ti tỹ jatun mỹ inh ki jun jé. Sỹ ti jãvãnh vẽ, ẽg régre ag mré hã.

1 Corinto 9:22

Kỹ sóg ũn krój ag mỹ komẽr hã vĩ tĩ, ag tỹ isugnĩn Jesus to vãsãnsãn mãn jé. Isỹ ũ jykre ve kỹ sóg ti jykre ri ke han tĩ, ag tỹ Jesus ki ge jé.

2 Corinto 10:1

Ha vé, ãjag jyvẽn sór inh mũ, inh, hã vỹ: Paulo, he mũ. Sỹ ãjag mré nĩn kỹ sóg nẽji komẽr hã vĩ tĩ. Kỹ, isỹ kór há tá nĩn kỹ isóg nẽji vĩ jũ han tĩ, ãjag mỹ. Cristo ne komẽr hã vĩ tĩ'. Ũn há vẽ, Cristo ti. Ti jykre hã han sór inh nĩgtĩ.

2 Corinto 10:10

Inh vẽnh rá ki inh nẽji ãjag mỹ vĩ tar han tĩ. Sỹ ãjag mré nĩn kỹ sóg nẽji krój nĩ ve nĩ.

Galácia 6:1

Inh kanhkã', kejẽn ãjag kã mĩ ũ tóg kygnẽg tĩ, vẽnh vatánh tá. Kỹ ti mỹ: “ã mỹ kygnẽ ja tũ?“ hem nĩ, ãjag tỹ Topẽ kuprĩg tỹ jagrẽ nỹtĩn kỹ. Komẽr hã ti mỹ tóm nĩ. Kỹ vẽso jykrén há han nĩ gé, ãjag tỹ ti kóm kygnẽg tũ nĩ jé.

1 Tessalônica 4:8

Ẽprã ke vĩ pijé', sỹ ãjag mỹ nén tó mũ tag ti'. Topẽ vĩ vẽ mỹr. Ãjag tỹ inh vĩ tag han tũ nĩn kỹ ãjag tóg Topẽ vĩ mranh mũ. Ti kuprĩg tỹ tóg inh jagrẽ han ja nĩ', kỹ tóg tỹ ãjag jagrẽ han ja nĩ gé.

1 Timóteo 4:12

Kyrũ ã tóg jẽ. Ũ jé ã to é he tũg. Nén kar há ẽn han nĩ, ag tỹ ve jé, ag tỹ ã kóm han sór jé, ã vĩ ri ke ẽn ti, ã tỹ vẽnh kar to há nĩ ri ke, ã tỹ Jesus ki rã kỹ jẽ ri ke, ã tỹ nén ũ jãnhkri han ri ke ke gé.

Hebreu 1:14

Ti tỹ jẽgnẽ jafã ag vỹ vẽnh kuprĩg ri ke nỹtĩ. Topẽ vỹ ag jẽgnẽg tĩ, ag tỹ ti tũ ag jy nĩgãn jé, ũn krenkren ke mũ ẽn ag jy.

Hebreu 9:24

Cristo hã vỹ ẽg tỹ tá jun han ke mũ. Topẽ rĩnja tá tóg nĩ nĩ, Topẽ mré vẽmén jé, ẽg jagfy.

Nén Venh Ke 8:2

Kỹ sóg Topẽ tỹ jẽgnẽ jafã tỹ 7 (ke) ag vég mũ. Ag mỹ ag tóg trombeta tỹ 7 (ke) junjun mũ. Topẽ nĩgja sĩnvĩ jo ag tóg nỹtĩ.