Mateus 17:5 - O Novo Testamento na língua Kaingáng

⁵ Pedro tỹ ver vẽmén jẽ ra kanhkã góg kókov tóg ag kri rũm ke mũ. Kỹ vãhã vẽnh vĩ tóg mẽ há tĩ', kanhkã góg ẽn kã tá, kỹ tóg: “inh kósin pir hã vẽ,” he mũ. “Ti vĩ jẽmẽ ra,” he tóg, Topẽ ti.

Mateus 17:5 Iomraidhean Croise

Mateus 12:18

ha mẽ: “sỹ ũn kuprẽg mũ ẽn, he tóg, Topẽ ti. Inh mỹ rãnhrãj tĩn hã vẽ. Inh fe pẽ vẽgtĩ, sỹ ti ve kỹ tóg inh mỹ sér tĩ. Ti hã mỹ sóg inh kuprĩg jẽnẽnh ke mũ, kỹ tóg inh vĩ tónh ke mũ sir, fóg ag mỹ, kanhgág ag mỹ ke gé, isỹ ag jykre tugnỹm ke ti, he tóg, Topẽ ti.

Mateus 17:6

Kỹ Jesus mré mũ tĩ ag tóg mẽg mũ, kỹ tóg ag mỹ e tĩ. Kỹ ag tóg mũgmũg ke mũ sir.

Mateus 3:17

Kỹ vẽnh vĩ tóg mẽ há tĩ, kanhkã tá, kỹ tóg: “inh kósin pir vẽgtĩ,” he mũ. “Inh fe pẽ vẽgtĩ,” he tóg.

Marcos 1:11

Kỹ tóg kanhkã tá vẽnh vĩ mẽg mũ gé sir, kỹ tóg: “tỹ ã inh kósin pir jẽ, tỹ ã inh fe pẽ jẽgtĩ,” he mũ, vẽnh vĩ ẽn ti.

Marcos 9:7

Kỹ vẽsỹmér kanhkã góg vỹ ag kri rũm ke mũ sir. Kỹ vẽnh vĩ tóg mẽ há' he mũ, kanhkã góg kã tá. Kỹ tóg: “inh kósin hã vẽ. Inh fe pẽ vẽ. Ti vĩ jẽmẽ ra,” he mũ.

Lucas 3:22

Kỹ Topẽ kuprĩg vỹ kanhkã tá kãtére mũ, ti kri. Tỹ tóg sórãg ve nĩ. Kỹ kanhkã tá vẽnh vĩ tóg mẽ há tĩ. Kỹ tóg: “tỹ ã inh kósin pir jẽ, tỹ ã tóg inh fe pẽ jẽgtĩ,” he mũ.

João 3:16

Topẽ vỹ ga kri mũ ag to há nĩ. Hã kỹ tóg ti kósin pir fẽg, vẽnh kar tỹ ti ki ge jé, ãjag tỹ tũ' he tũ nĩ jé, ãjag tỹ ẽg rĩr krỹg ja tũ ẽn ve jé.

João 3:35

Topẽ vỹ ti kósin to há tãvĩ nĩ, kỹ tóg ti mỹ nén (ũ) kar tovãnh, ti hã tỹ ki rĩr jé.

João 5:37

Kar kỹ ẽg jóg mág vỹ, inh kãmén tĩ gé. Ti vĩ jẽmẽg tũ ãjag nĩ. Kỹ ãjag tóg ti vég tũ nĩ gé.

Han Kãme 1:9

Ti tỹ tag tó kar kỹ tóg vãhã kynhmỹ tãpry mũ sir ag rĩnve, kỹ kanhkã góg vỹ ti kri rũm ke mũ sir, ti ve mãn tũ ag tóg nĩ sir.

Han Kãme 7:37

“Moisés tóg povo tỹ Israel ag mỹ: Topẽ vỹ ãjag mỹ ti vĩ tó tĩ ũ jẽnẽnh mũ, ãjag mré ke ũ, ti tỹ ãjag mỹ Topẽ vĩ tó jé, inh ri kén, he ja nĩgtĩ.

Éfeso 1:6

ẽg tỹ ti mỹ vĩ há han jé. Ũn mág vỹ tỹ ti nĩ, ẽg jagãgtãn tóg tĩ. Hã kỹ tóg há tĩnh mũ, ẽg tỹ ti mỹ vĩ há han kỹ.

Colossos 1:13

Ẽg kygva tóg huri, hã kỹ ẽg tóg tỹ kuty tãn ag mré ke tũ nỹtĩ ha. Topẽ kósin mré ke vỹ tỹ ẽg nỹtĩ, ũri, Topẽ tỹ ũ to: inh fe, he mũ ẽn mré.

Hebreu 5:9

Ti tỹ vẽnh kanhrãn kãn kỹ tóg ẽg kren han ki kanhró nĩ gé sir. Ẽg jagfy tóg ter ja nĩ, kỹ tóg ẽg kren han mũ, ẽg tỹ ti vĩ ki króm kỹ.

Nén Venh Ke 1:7

Ha vé, kãtĩg mãn jé tóg ke mũ, kanhkã góg kã mĩ. Vẽnh kar vỹ ti venh ke mũ, ẽn kã, ũ tỹ ti kusón mũ ag mré hã. Kỹ povo kar vỹ ti tugrĩn jagtar kãn ke mũ. Vẽsỹrénh jé ag tóg ke mũ, ha vem nĩ. Hã vẽ.

Nén Venh Ke 14:14

Kỹ sóg kanhkã góg kupri vég mũ gé sir. Ũ tóg kri nĩ nĩ, tỹ tóg ẽprã ke nĩ ve nĩ. Krĩ tógfĩ tỹ ouro tóg nĩ, kỹ tóg ẽg tỹ tỹ trigo kre jafã ri ke vyn kỹ nĩ nĩ gé.