Mateus 17:4 - O Novo Testamento na língua Kaingáng

⁴ Kỹ Pedro tóg Jesus mỹ: “Senhor,” he mũ. “Tag ki tóg sér tĩ,” he tóg. “Ẽg mỹ pãjó tãgtũ han mũ', ã mỹ', Moisés mỹ', Elias mỹ ke gé'?“ he tóg.

Mateus 17:4 Iomraidhean Croise

Mateus 17:3

Kỹ vãhã Moisés tóg ag mỹ vẽnh ven mũ sir, Elias ti ke gé. Jesus mré ag tóg vẽmén mũ.

Lucas 9:33

Kỹ ũ tỹ ti mré vẽmén nỹtĩ ẽn ag tóg mũ sór mũ sir. Kỹ Pedro tóg Jesus mỹ: “Senhor',” he mũ. “Tag ki tóg há nĩ,” he tóg. “Ẽg tỹ tag ki pãjó tãgtũ han kỹn hỹn há nĩnh mũ, ã mỹ, Moisés mỹ, Elias mỹ ke gé,” he tóg. Hã ra tóg krĩ tũ nĩ, hã kỹ tóg pãjó tó mũ.

João 17:24

Panh', vãsỹ ã tóg iso há nĩgtĩ vẽ, ẽg tỹ ga tag han tũg ki. Hã kỹ ã tóg isỹ ũn mág pẽ han. Kỹ tóg inh mỹ há tĩnh mũ, ag tỹ inh mré nỹtĩn kỹ, ã tỹ inh mỹ ũn vin mũ ẽn fag. Ag tỹ inh mré nỹtĩn kỹ ag tóg venh ke mũ, ã tỹ isỹ ũn mág han ja ti.

João 7:2

Kejẽn tóg Judeu ag fénhta ũ tá krỹg mũ. Fénhta ẽn kurã ki ag tóg pãjó krẽm nỹtĩ, Jerusalém tá.

Filipos 1:23

Inh kren ke mỹ inh mỹ hán tĩ vỹ, iser ke vó? he sóg tĩ. Iser kỹ sóg Cristo mré nĩnh mũ. Kỹ tóg inh mỹ hapẽ nĩ, isỹ ti venh há tĩn kỹ.

1 João 3:2

Ãjag to inh há tãvĩ nĩ. Ũri ẽg tóg tỹ Topẽ krẽ nỹtĩ. Kãnhmar ẽg tóg ti mré nỹtĩnh mũnh mũ. Kỹ ẽg hỹn hẽ ri ke nỹtĩnh mũ, kanhkã tá? Ha'. Kar kỹ ẽg venh ke mũ, ti kãtĩg kar kỹ. Ẽn kã ẽg tóg tỹ ti hã nỹtĩnh mũ, ẽg tỹ ẽg kanẽ tỹ ti ve kỹ. Ti ve jé ẽg tóg ke mũ, kurã ẽn kã.

Nén Venh Ke 21:23

Kỹ rã tóg tá tũ nĩ gé, kysã ke gé. Topẽ tỹ jẽngrẽ vỹ ki kurã han tĩ. Kỹ tóg tá kutyg vãnh nĩ sir. Cordeiro ẽn vỹ ẽmã ẽn tá rã ri ke nĩ.