Mateus 16:16 - O Novo Testamento na língua Kaingáng

¹⁶ Kỹ Simão Pedro tóg ti mỹ: “tỹ ã Cristo nĩ. Topẽ kósin vỹ tỹ ã nĩ. Ũn rĩr nĩ ẽn kósin vỹ tỹ ã nĩ,” he mũ.

Mateus 16:16 Iomraidhean Croise

Mateus 1:16

Kỹ Jacó hã vỹ José han, Maria fi mén ẽn ti. Maria ẽn fi ki Jesus tóg mur ja nĩ, hã vỹ: Cristo, he mũ.

Mateus 14:33

Kỹ tóg ag mỹ há tĩ. Kỹ ag tóg Jesus ki ge há han kỹ ti mỹ: “Topẽ kósin vỹ tỹ ã nĩ, mỹr,” he mũ.

Mateus 16:15

Kỹ tóg ag mỹ: “ag jãvo ãjag hẽ ri ke tĩ, iso?“ he mũ.

Mateus 26:63

Hã ra Jesus tóg nén ũ tó tũ nĩ. Kỹ pã'i mág tóg ti mỹ: “Topẽ vỹ rĩr nĩ,” he mũ. “Ti rĩnve sóg ã ki jẽmẽg mũ. Ã mỹ tỹ Cristo nĩ', ã mỹ tỹ Topẽ kósin nĩ'? Ha ẽg mỹ tó,” he tóg, pã'i mág ti.

Mateus 27:54

Hã ra capitão tóg, porisa ag mré Jesus ki rĩr jẽ nĩ. Ga tỹ ragra ke ẽn vég ag tóg mũ, nén kar ti, Jesus ter ẽn kã. Kỹ tóg ag mỹ e tĩ. Kỹ ag tóg: “Topẽ kósin ja vẽ mỹr,” he mũ.

Mateus 4:3

Kỹ Japo tóg, ti to kãtĩ mũ sir, ũ tỹ ẽg tỹ Topẽ vĩ mranh han sór tĩ ẽn ti. Kỹ tóg ti mỹ: “Topẽ kósin vỹ tỹ ã nĩ,” he mũ. “Hã kỹ pó tag tỹ ẽmĩ han, ã tỹ ko jé,” he tóg ti mỹ.

Marcos 14:61

Hã ra tóg hun ke kỹ jẽ nĩ, nén ũ tó mẽ kã. Kỹ pã'i mág ẽn tóg ti mỹ: “ã mỹ tỹ Cristo nĩ'? Ã mỹ tỹ Topẽ kósin nĩ'?” he mãn mũ.

Lucas 2:11

Ãjag krenkren han tĩ vỹ ũri mur, hã vỹ: Cristo, he mũ. Davi jamã ja tá tóg mur. Tỹ tóg ẽg Senhor nĩ ha mỹr.

João 1:49

Kỹ tóg ti mỹ e tĩ. “Topẽ kósin vỹ tỹ ã nĩ, Rabi',” he tóg. “Ẽg povo tỹ Israel kri pã'i vỹ tỹ ã nĩ,” he tóg.

João 11:27

“Hỹ, Cristo vỹ tỹ ã nĩ, Topẽ kósin ti, ũ tỹ ga kri jun ke mũ ẽn ti. Tag vỹ inh mỹ tỹ hã nĩ,” he fi tóg.

João 20:31

Sỹ vẽnh rá tag han vẽ, ũ tỹ vég mũ kar ẽn tỹ Jesus ki ge sór jé, ti to: “Cristo vỹ tỹ ti nĩ, Topẽ kósin vỹ tỹ ti nĩ,” he jé. Kỹ ag tóg ti ki ge kỹ rĩr krỹg ja tũ ẽn venh ke mũ, ti tugrĩn, fag mré hã, mỹr, ha mẽ.

João 6:57

Inh panh vỹ rĩr nĩ. Ti hã vỹ inh jẽnẽ. Ti tugrĩn sóg rĩr jẽ. Kỹ ũ tỹ inh ki rã mũ ẽn vỹ isugnĩn rĩr ke mũ gé.

João 6:68

Kỹ Simão tóg ti mỹ: “ẽg tỹ ã tovãnh mũ ra ẽg hỹn ũ mré mũnh ke mũ'? Ã hã vỹ ẽg mỹ Topẽ vĩ tó tĩ, kỹ ẽg tóg rĩr krỹg ja tũ vẽnh ke mũ, ẽg tỹ ã vĩ kri fi kỹ,” he mũ.

João 6:69

“Ã ki ẽg ge kỹ nỹtĩ, kỹ ẽg tóg ã ki kanhró nỹtĩ. Cristo vỹ tỹ ã nĩ, Topẽ hã vỹ ã jẽnẽ ẽg to,” he tóg.

Han Kãme 14:15

“ne nẽ?” he mũ. “Tỹ ẽg ẽprã ke nỹtĩ, ãjag ri ke. Hã ra ẽg tóg ãjag mỹ kãmén sór mũ, ãjag tỹ ón kỹ topẽ tag ag tugvãnh jé. Topẽ pẽ ki gem nĩ, ũn rĩr nĩ ẽn ki. Kanhkã han tóg, ga ke gé, goj ke gé, mĩ mũ kar ke gé,” he tóg.

Han Kãme 8:36

Ge ag tóg mũ mũ, ẽpry jagma. Kỹ ag tóg goj tá junjun mũ. Kỹ pã'i ẽn tóg: “tag ki tóg goj nĩ. Ã tỹ ki inh kype jé tóg há nĩ,” he mũ.

Han Kãme 8:37

Kỹ Filipe tóg ti mỹ: “ã tỹ ã fe tỹ ti ki rã kỹ nĩn kỹ tóg há nĩ,” he mũ. Kỹ tóg: “ti ki sóg rã kỹ nĩ. Jesus Cristo tóg tỹ Topẽ kósin nĩ mỹr,” he mũ.

Han Kãme 9:20

Kỹ tóg vẽsỹmér Jesus kãmén mũ, Judeu ag vẽnh kanhrãn jafã krẽm. “Tỹ tóg Topẽ kósin nĩ,” he tóg mũ vãhã, Jesus to.

Roma 1:4

Kỹ tóg tỹ ẽprã ke nĩ, Davi ri ke. Hã ra tóg tỹ Topẽ kósin nĩ gé, hã kỹ tóg ti ter kar kỹ ti rĩn mãn ja nĩ. Topẽ vỹ ti tỹ ũn mág han mũ gé sir, ẽg Senhor tỹ Jesus tỹ.

2 Corinto 1:19

Ti kósin jykre hã han sóg tĩ, Jesus Cristo jykre ti. Inh hã ne ãjag mỹ ti kãmén ja nĩ', Silas mré, Timóteo mré ke gé. Ti pijé ti tỹ: “he,” he mũ ra han ke tũ nĩ'.

2 Corinto 3:3

Ãjag mỹ sóg Cristo jykre kãmén ja nĩ, kỹ ãjag tóg mĩ mũgtĩ. Kỹ vẽnh kar tóg ãjag jykre há vég mũ sir. Kỹ ãjag tóg tỹ Cristo tỹ carta rá ri ke nỹtĩ. Hã ra ti pijé caneta tỹ rán kỹ nĩ'. Ti pijé pó kri rán kỹ nĩ'. Topẽ kuprĩg tỹ tóg rán kỹ nĩ, ũn rĩr nĩ ẽn kuprĩg tỹ.

2 Corinto 6:16

Kỹ Topẽ ĩn pijé tỹ ón kỹ topẽ ĩn nĩ'. Ha vé, Topẽ ĩn vỹ tỹ ẽg nỹtĩ, ũn rĩr nĩ ẽn ĩn. Ti hã ne: “ag ki sóg ijamã han ke mũ,” he ja nĩgtĩ.

1 Tessalônica 1:9

Kỹ ag tóg inh mỹ: “ã vĩ kri fig ag nẽji mũ, Tessalônica tá ke ag,” he tĩ. “Topẽ ki ge kỹ ag nẽji nỹtĩ, vẽnh kãgrá tỹ topẽ tovãnh kỹ, ag tỹ Topẽ vĩ hã han jé sir, ũn rĩr nĩ ẽn vĩ ti, hã vỹ: Topẽ pẽ, he mũ.

1 Timóteo 3:15

Hẽn ri ke mũn sóg kãtĩg vãnh han ke mũ. Hã ra sóg ã mỹ rán mũ. Topẽ vỹ rĩr jẽ. Ti tũ vỹ tỹ ẽg nỹtĩ, ũ tỹ ti ki ge kỹ nỹtĩ ag. Ẽg hã vỹ vẽnh vĩ há hã tó tĩ, Topẽ vĩ to.

1 Timóteo 4:10

Vẽjykre kuryj ẽn ve jé sóg inh rãnhrãj to vãsãn mũ. Topẽ hã ki ẽg tóg nén ũ kar vég tĩ. Hã kỹ sóg ti hã to vãsãn mũ. Rĩr ti nĩ, ẽg jóg tỹ Topẽ ti. Ti hã ne ẽg kren han tĩ', vẽnh kar ag, ũ tỹ ti ki ge kỹ nỹtĩ ag, fag mré hã.

Hebreu 10:31

Rĩr ti nĩ, Topẽ ti. Ti tỹ ẽg to jũ nĩn kỹ tóg jagy tãvĩ nĩ. Nén ũ jagy kar kãfór ti nĩ.

Hebreu 12:22

Hã ra tóg ag tỹ nén ve ja ẽn ri ke tũ nĩ, ẽg tỹ ũri Topẽ rĩnja tá jun ke ti. Pãnónh ẽn ri ke tũ ti nĩ, ẽg tỹ kanhkã tá nén venh ke ti. Ẽg tỹ tá jun kỹ ẽg ter mãn ke tũ nĩ gé, ẽg tỹ kanhkã tá pãnónh tỹ Sião he mũ ẽn tá jun kỹ. Topẽ jamã tá ke vẽ, ũn rĩr nĩ ẽn jamã tá, hã vỹ: Jerusalém, he mũ. Topẽ tỹ jẽgnẽ jafã ag vỹ tá nỹtĩ. E tãvĩ ag nỹtĩ. Fénhta mág pẽ vẽ, tá.

Hebreu 3:12

Inh kanhkã, tag to jykrén, ãjag tỹ Topẽ kato vãsãn sór tũ nĩ jé, ãjag tỹ ti vĩ mranh sór tũ nĩ jé gé, ãjag tỹ Topẽ tovãnh sór tũ nĩ jé. Ti hã ne ẽg rĩnrĩr han ki kanhró nĩ'. Hã kỹ ti tovãnh tũg nĩ.

Hebreu 9:14

Hã ra Cristo vỹ, ti kyvénh hã tỹ ẽg jãnhkri pẽ han. Topẽ kuprĩg tỹ ti krĩn kỹ tóg Topẽ mỹ vẽnh fẽg. Kygnẽ ja tũ pẽ ti nĩ, hã kỹ tóg há kar nĩ. Kỹ ẽg tóg vẽjykre kórég han mãn ke tũ nĩ sir, ẽg tỹ ẽg jykre si tugrĩn ter ke mũ ẽn ti. Vãhã ẽg tóg Topẽ tũ han há nỹtĩ, ũn rĩr nĩ ẽn tũ ti.

1 João 4:15

Ũ tóg Jesus to: “Topẽ kósin vẽ,” he tĩ. Topẽ vỹ ti kã kã ẽmã nĩ, ũ tỹ tag tó mũ ẽn kã kã, kỹ tóg Topẽ ki rã kỹ jẽ gé.

1 João 5:20

Topẽ kósin vỹ kãtĩg ja nĩgtĩ, ẽg tỹ ti ki kanhrãn jé. Tag ki kanhró ẽg tóg nỹtĩ. Jesus Cristo ki ge kỹ ẽg nỹtĩ. Kỹ ti hã vỹ tỹ ẽg jykre nĩ. Ti panh hã vỹ tỹ Topẽ pẽ nĩ. Ti hã vỹ ẽg tỹ ẽg rĩr krỹg ja tũ venh ke han tĩ.

1 João 5:5

Ẽg tỹ Jesus to: “Topẽ kósin vỹ tỹ ti nĩ,” hen kỹ ẽg tóg fĩn rãm ke mũ, ũ tỹ ti ki ge tũ ag jykrén fĩn.

Nén Venh Ke 7:2

Rã jur ja tá sóg Topẽ tỹ jẽnẽ jafã ũ kãtĩg vég mũ gé. Topẽ tỹ ẽg ránrán jafã ma tóg kãtĩ mũ. Kỹ tóg kanhkã ra tãpry mũ. Kỹ tóg Topẽ tỹ jẽgnẽ jafã tỹ 4 (ke) ẽn ag mỹ vĩ mũ. Topẽ vỹ ag mỹ: “ga mré goj kókén nĩ,” he ja nĩ, ũ tỹ 4 (ke) ẽn ag mỹ.