Mateus 16:12 - O Novo Testamento na língua Kaingáng

¹² Kỹ ag tóg vãhã to jykrén há han mũ sir. Ti tỹ fermento pẽ tó pijé'. Ti tỹ Fariseu mré Saduceu ag jykre tó ja vẽ. Ag jykre régre nỹtĩ hã to tóg: “ẽn kamẽg nĩ,” he ja nĩ, Jesus ti.

Mateus 16:12 Iomraidhean Croise

Mateus 16:11

Kỹ tóg ag mỹ: “kỹ inh vĩ to jykrén nĩ,” he mũ. “Ẽmĩ tó tũ sóg nĩ. Fermento pẽ tó tũ sóg nĩ gé. To jykrén há han nĩ, ha mẽ. Fariseu mré Saduceu ag tỹ fermento há kamẽg nĩ,” he tóg, Jesus ti.

Mateus 3:7

Kỹ pã'i tỹ Fariseu ag vỹ ti tá junjun mũ gé sir, pã'i tỹ Saduceu ag ke gé. Ón kỹ ag tóg ti to kãmũ mũ, ti tỹ ag kygpe jé. Kỹ tóg ag jyvẽn tar han mũ sir. “Pỹn ri ke ãjag nỹtĩ, ãjag jykre pãno nỹtĩn kỹ,” he tóg ag mỹ. “Ũ nỹ ãjag mỹ: Topẽ vỹ ãjag to jũnh ke tũ nĩ, he tĩ'?

Mateus 5:20

“Fariseu ag ri ke nỹtĩ sór tũg nĩ. Ón kỹ ag tóg Topẽ vĩ ki króm sór tĩ, hã ra ag tóg, ki króm há han tũ nĩgtĩ. Ag jykre pijé kuryj nỹ'. Ãjag tỹ kanhkã ve sór nỹtĩn kỹ vẽjykre kuryj han nĩ,” he tóg, Jesus ti.

Han Kãme 23:8

Saduceu ag mỹ tóg tũ tĩ, Topẽ tỹ ẽg ter mũ rĩn mãn mũ ti. Topẽ tỹ jẽnẽ jafã tóg ag mỹ tũ tĩ gé. Kỹ vẽnh kuprĩg tóg ag mỹ tũ tĩ gé. Hã ra tóg Fariseu ag mỹ nỹtĩ, vẽnh kuprĩg, Topẽ tỹ jẽnẽ jafã, ti tỹ ẽg rĩn mãn ke ti. Hã kỹ ag tóg jagnẽ vĩ kafãn mũ sir.

1 Corinto 5:6

Ãjag tỹ vẽso: “há ẽg nỹtĩ,” he mũ ra ti pijé há nĩgtĩ'. Ha mẽ, fermento sĩ tỹ ẽmĩ jãgja kỹ tóg són ke kỹ mog tĩ. Tag to jykrén.