Mateus 16:11 - O Novo Testamento na língua Kaingáng

¹¹ Kỹ tóg ag mỹ: “kỹ inh vĩ to jykrén nĩ,” he mũ. “Ẽmĩ tó tũ sóg nĩ. Fermento pẽ tó tũ sóg nĩ gé. To jykrén há han nĩ, ha mẽ. Fariseu mré Saduceu ag tỹ fermento há kamẽg nĩ,” he tóg, Jesus ti.

Mateus 16:11 Iomraidhean Croise

Mateus 16:1

Kỹ pã'i ũ ag tóg Jesus tá junjun mũ. Ag tỹ ón kỹ ti ki jẽmẽ sór vẽ, ag tỹ kar kỹ ti kato vĩ jé. Kỹ ag tóg ti mỹ milagre to vĩ mũ. Ag tỹ ti jykre to: “Topẽ jykre mỹ vỹ?“ he sór vẽ.

Mateus 16:12

Kỹ ag tóg vãhã to jykrén há han mũ sir. Ti tỹ fermento pẽ tó pijé'. Ti tỹ Fariseu mré Saduceu ag jykre tó ja vẽ. Ag jykre régre nỹtĩ hã to tóg: “ẽn kamẽg nĩ,” he ja nĩ, Jesus ti.

Mateus 16:6

Kỹ Jesus tóg tag to ag kanhrãn mũ. “Fariseu mré Saduceu ag tỹ fermento há kamẽg nĩ,” he tóg mũ.

Mateus 3:7

Kỹ pã'i tỹ Fariseu ag vỹ ti tá junjun mũ gé sir, pã'i tỹ Saduceu ag ke gé. Ón kỹ ag tóg ti to kãmũ mũ, ti tỹ ag kygpe jé. Kỹ tóg ag jyvẽn tar han mũ sir. “Pỹn ri ke ãjag nỹtĩ, ãjag jykre pãno nỹtĩn kỹ,” he tóg ag mỹ. “Ũ nỹ ãjag mỹ: Topẽ vỹ ãjag to jũnh ke tũ nĩ, he tĩ'?

Marcos 4:40

Kỹ tóg ag mỹ: “ãjag tỹ ne jé kanẽ junjur nẽ? Ãjag mỹ inh ki ge há han tũ?“ he mũ.

Marcos 8:15

Hã ra tóg ag mỹ: “ha mẽ, Fariseu tỹ fermento há kamẽg nĩ. Herodes tỹ fermento há kamẽg nĩ gé,” he mũ.

Marcos 8:21

Kỹ tóg ag mỹ: “ge ra ãjag tóg ki kagtĩg nỹtĩ,” he mũ. Ti tỹ ag mỹ Fariseu ag jykre tó jan hã vẽ, Herodes jykre ti. Ag jykre hã to tóg: ag tỹ fermento há, he ja nĩ.

Lucas 12:1

Hã ra ũ tỹ hẽn ri ke mil (ke) ag vỹ, vẽnh mãn kỹ nỹtĩ. Kỹ ag tóg, jagnẽ sãnsãn mũ sir. Kỹ Jesus tóg ag kanhrãn mũ. Ti mré mũ tĩ ag kanhrãn vén tóg mũ, kỹ tóg ag mỹ: “Fariseu ag jykre han sór tũg nĩ,” he mũ. “Ẽmĩ jãgja jafã ri ke ti nĩ, ag jykre ti. Hã kỹ tóg Topẽ mỹ kórég tãvĩ nĩ,” he tóg.

Lucas 12:56

Ki kanhró ãjag tóg nỹtĩ, ta jykre ti, kãka jykre ti. Hã ra ãjag tóg inh jykre ki kanhrãnrãn sór tũ nĩ, sỹ ũri ãjag mỹ tó mũ tag ti. Kutu ãjag nỹtĩ,” he tóg.

João 8:43

Hã ra ãjag tóg inh vĩ ki kagtĩg nỹtĩ. Mẽ sór tũ ãjag nỹtĩ, hã kỹ ãjag tóg ki kagtĩg nỹtĩ.