Mateus 15:9 - O Novo Testamento na língua Kaingáng

⁹ “Fagrĩnh mỹ ag tóg iso grĩnhgrĩnh ke tĩ, hã ra ag tóg ẽprã ke ag jykre to: Topẽ tỹ tón hã vẽ, he tĩ,” he ja tóg nĩgtĩ, Isaías ti. Ki hã tóg tó ja nĩ, ãjag to, ãjag jykre régre nỹtĩn kỹ,” he tóg, Jesus ti.

Mateus 15:9 Iomraidhean Croise

Mateus 15:10

Kỹ tóg vẽnh kar jé prẽr mũ sir, ag tỹ ti rã hã nỹtĩ jé, ti vĩ jẽmẽ há han jé. Kỹ tóg ag mỹ: “ha mẽ, sỹ nén tó mũ ti, kỹ to jykrén nĩ gé,” he mũ.

Marcos 7:7

Fagrĩnh mỹ ag tóg iso grĩnh ke tĩ, hã ra ag tóg ẽprã ke ag jykre to: Topẽ tỹ tón hã vẽ, he tĩ,” he ja tóg nĩgtĩ, Isaías ti,” he tóg, Jesus ti. “Hã ra tóg ãjag to ki hã tó ja nĩ, ãjag jykre régre nỹtĩn kỹ.

1 Corinto 15:2

Ti vĩ kri nĩm kỹ ãjag tóg krenkren ke mũ, ãjag tỹ tovãnh tũ nĩn kỹ. Sỹ ãjag mỹ nén tó ja ẽn tỹ tũ' he tũg nĩ, ke tũ nĩ mũ ra ãjag tóg fagrĩnh mỹ kri fi ja nĩnh mũ. Kỹ ãjag tóg tá nén ũ venh ke tũ nĩ gé.

1 Timóteo 1:4

Topẽ jykre tovãnh kỹ ag tóg vyrmỹ nén ũ ũ to jykrén sór mũ, hã vỹ: kanhkã tãn tỹ ó, he mũ, ke tũ nĩ kỹ, ẽg jo ke ag jigji. Nén ũ tũ vẽ. Ẽg pijé tag tỹ Topẽ jykre han tĩ'. Topẽ jykre hã vẽ, hã vỹ: vẽnh kar tỹ ti ki rã, he mũ.

Tito 1:14

Ag mỹ: “Judeu ag tỹ vẽnh ó tó mũ jẽmẽ sór tũg nĩ,” hem nĩ. Ag mỹ ag tóg ẽprã ke jykre tó sór mũ gé, ũ tỹ Topẽ vĩ há mẽ vãnh ag. Ẽg mré ke ag mỹ ké, ag tỹ ũ tỹ ge vĩ jẽmẽg tũ nĩ jé.

Hebreu 13:9

Ũ tỹ ón kỹ ãjag mỹ Topẽ vĩ to nén ũ ũ tó sór mũ ẽn vĩ jẽmẽ tũg nĩ. Ãjag tỹ tỹ prãnh ke han sór jé ag tóg ke mũ. Topẽ vỹ ãjag tar han ki kanhró nĩ, ãjag jagãgtãn kỹ. Ũ tóg: “ã tỹ vẽjẽn tag kon kỹ ã tóg Topẽ jykre to tar nĩ,” he tĩ. Ag ón vẽ. Vẽjẽn pijé ẽg tỹ ti jykre to tar nĩ han ki kanhró nĩ'. Topẽ hã ne ẽg tar han tĩ'.

Tiago 2:20

Ãjag tỹ tag to jykrén tũ nĩn kỹ ãjag tóg krĩ tũ pẽ nỹtĩ. Ẽg tỹ ti vĩ ki króm tũ nĩn kỹ ẽg tóg ón kỹ ti ki ge kỹ nỹtĩ. Nén ũ tũ vẽ sir, ẽg tỹ ti ki ge kỹ nỹtĩ tag ti. Ẽg mỹ tóg nén ũ há han ke tũ nĩ.

Nén Venh Ke 22:18

Vãhã sóg tag tó sór mũ, inh, hã vỹ: João, he mũ, ha mẽ. Ũ tóg kejẽn isỹ nén rán mũ tag ve kỹ pãte ũ rán mãn sór ke mũ gé, hẽn ri ke mũn. Ẽn vóg kónãn tãvĩ han jé tóg ke mũ, Topẽ ti. Kỹ tóg sỹ nén ũ jagy tó mũ ẽn ve kãn ke mũ, ha mẽ.