Mateus 15:5 - O Novo Testamento na língua Kaingáng

⁵ Ti jãvo ãjag tóg tag tó tĩ, ha mẽ: “ã panh mỹ nén ũ nĩm tũg nĩ, ã mỹnh fi mỹ nĩm tũg nĩ gé, ã tỹ fag mỹ: “sỹ ãjag mỹ nén ũ nĩm ke vẽ vẽ, hã ra sóg Topẽ mỹ nĩm sór mũ,” hen kỹ. “Ũ tỹ tag han kỹ tóg há tĩ,” he ãjag tóg tĩ.

Mateus 15:5 Iomraidhean Croise

Mateus 15:4

“Topẽ tỹ ẽg mỹ tón hã vẽ, ha mẽ: “ã mỹnh fi mré ã panh kamẽg nĩ, fag jagãgtãn nĩ,” he ja tóg nĩ. Kỹ tóg tag tó mũ gé, ha mẽ: “ũ tỹ ti han mũ fag mỹ vĩ kónãn mũ ẽn tén jé ã tóg ke mũ,” he ja tóg nĩ gé, Topẽ ti.

Mateus 15:6

Hã kỹ ãjag tóg Topẽ vĩ tỹ tũ' he tĩ, ãjag tỹ ãjag jykre si hã han kỹ,” he tóg.

Han Kãme 4:19

Hã ra Pedro tóg João mré ag mỹ: “Topẽ tóg ẽg mỹ: ha vẽnh kar mỹ tó, he ja nĩ. Hã ra ãjag tóg: “ker tó hẽ',” he mũ. Ẽg hỹn ũ tỹ hẽ vĩ han mũ', Topẽ vĩ vó, ãjag vĩ vó? Ne nỹ hỹn Topẽ mỹ há nĩnh mũ? Ẽg mỹ tó.

Han Kãme 5:29

Kỹ Pedro tóg: “Topẽ tỹ ẽg mỹ nén tó mũ ẽn han jé ẽg tóg ke mũ, ẽprã ke ag tỹ ẽg mỹ: ke tũg nĩ, he mũ ra,“ he mũ.