Mateus 15:3 - O Novo Testamento na língua Kaingáng

³ Kỹ Jesus tóg ag mỹ: “ãjag hã vỹ Topẽ vĩ mranh tĩ, inhhã, ãjag tỹ ãjag jykre si han kỹ,” he mũ.

Mateus 15:3 Iomraidhean Croise

Mateus 15:2

“ã mré mũ tĩ ag ne tóg ẽg jykre si mranh tĩ',” he mũ. “Ẽg jykre si ki ẽg tóg ẽg jẽn ke jo nĩgpég tĩ. Jãvo ag tóg ag nĩgpég tũ ra jẽg tĩ, ã mré mũ tĩ ag“ he ag tóg.

Mateus 15:4

“Topẽ tỹ ẽg mỹ tón hã vẽ, ha mẽ: “ã mỹnh fi mré ã panh kamẽg nĩ, fag jagãgtãn nĩ,” he ja tóg nĩ. Kỹ tóg tag tó mũ gé, ha mẽ: “ũ tỹ ti han mũ fag mỹ vĩ kónãn mũ ẽn tén jé ã tóg ke mũ,” he ja tóg nĩ gé, Topẽ ti.

Marcos 7:13

Kỹ tóg ag mỹ: “Topẽ vĩ mranh ãjag tóg tĩ, ti jẽgja ki ãjag tóg ẽprã ke ag jykre hã ki króm sór tĩ. Ge tỹ hẽn ri ke han ãjag tóg tĩ, ón kỹ,” he mũ.

Colossos 2:23

Ag jykre vỹ há nĩ ve nĩ. Krĩ há nỹtĩ ve ag nĩ. Kanhkã tãn to ag há nỹtĩ, ag to ag jãn tĩ. Tag hã to jykrén kỹ ag tóg vẽsỹ ũn mág han sór mũ, jãvo. Ag tỹ nén to én mũ ẽn han ag tóg tĩ. Hã kỹ ag vĩ jẽmẽ sór tũg nĩ.

Colossos 2:8

Ha vé, vẽso jykrén. Inh mỹ tóg ũ tỹ ón kỹ ãjag krĩn kónãn sór ha mẽ tĩ. Ũ tóg krĩg tãn tó tĩ. Ũ tóg nén ũ tãn tó tĩ gé. Kỹ ũ tóg ẽprã ke jykre tó tĩ gé. Cristo jykre tũ vẽ, ẽprã ke jykre kar ti. Hã kỹ ũ tỹ ãjag mỹ tag tó sór mũ ag vĩ jẽmẽ tũg nĩ.

Tito 1:14

Ag mỹ: “Judeu ag tỹ vẽnh ó tó mũ jẽmẽ sór tũg nĩ,” hem nĩ. Ag mỹ ag tóg ẽprã ke jykre tó sór mũ gé, ũ tỹ Topẽ vĩ há mẽ vãnh ag. Ẽg mré ke ag mỹ ké, ag tỹ ũ tỹ ge vĩ jẽmẽg tũ nĩ jé.