Mateus 15:11 - O Novo Testamento na língua Kaingáng

¹¹ “Ẽg jẽn pijé ẽg kavénh tĩ'. Ẽg jẽnky kã ra ẽg tóg rãg tĩ, vẽjẽn tỹ. Nén ũ tỹ ẽg ki kãpa hã vỹ ẽg kavénh tĩ, ha mẽ,” he tóg.

Mateus 15:11 Iomraidhean Croise

Mateus 15:10

Kỹ tóg vẽnh kar jé prẽr mũ sir, ag tỹ ti rã hã nỹtĩ jé, ti vĩ jẽmẽ há han jé. Kỹ tóg ag mỹ: “ha mẽ, sỹ nén tó mũ ti, kỹ to jykrén nĩ gé,” he mũ.

Mateus 15:12

Kỹ ti mré mũ tĩ ag tóg ti to kãmũ kỹ ti mỹ: “ha mẽ,” he mũ. “Pã'i ag vỹ ã to jũ nỹtĩ, ã tỹ ag mỹ: vẽjẽn pijé ẽg kavénh tĩ', hen kỹ,” he ag tóg ti mỹ.

Marcos 7:15

“Vẽjẽn pijé ẽg kavénh tĩ'. Nén tỹ ẽg ki kãpa mũ hã vỹ ẽg kavénh tĩ. Ẽg tỹ nén ũ vẽnh mỹ han mũ hã vỹ ẽg kavénh tĩ.

Roma 14:14

Tag ki kanhró inh nĩ, ha mẽ: vẽjẽn pijé ẽg kavénh tĩ'. Jesus tỹ tón hã vẽ. Nén ũ tũ vẽ, vẽjẽn ti. Ẽg tỹ ko jafã tãvĩ vẽ. Hã ra ũ tóg nén ũ nĩ to: “vẽnh kãgrá mỹ ag tóg pũn ja nĩ, vẽnh mẽg ẽn nĩ ti. Hã kỹ sóg ko kỹ Topẽ vĩ mranh tĩ,” he tĩ. Ũ tỹ tag tó mũ jykre kavénh ti tĩ, ti tỹ ge ra kon kỹ.

Roma 14:17

Topẽ tỹ tỹ ẽg Senhor nĩn kỹ ẽg jẽn tóg tỹ nén ũ tũ nĩ ha mỹr. Kỹ tóg ẽg tỹ nén ũ nĩ ko tũ ra ẽg mỹ tỹ nén ũ tũ nĩ. Nén ũ ũ to ẽg jykrén ke mũ ha, hã vỹ: vẽjykre kuryj, he mũ, vẽjykre kusa, vẽjykre sér, Topẽ kuprĩg tỹ mỹr, ẽg jagrẽ tãg tỹ, he tóg.

Roma 14:20

Kỹ tóg ẽg tỹ nén ũ nĩ ko to ẽg régre tỹ tỹ prãnh ke han kỹ kórég nĩ. Vẽjẽn kar vỹ há nĩ. Hã ra ũ tóg vẽjẽn ũ to jykrén kónãn sór mũ, ti tỹ to Topẽ vĩ mranh kỹ. Ti tỹ ge ra kon kỹ tóg tỹ prãnh ke mũ sir.

1 Timóteo 4:3

“Prũg tũg ra, mén tũg ra,” he ag tóg tĩ. “Tag ko tũg ra,” he ag tóg tĩ gé, Topẽ tỹ nén han ja to. Ẽg tỹ Cristo ki ge há han kỹ, ẽg tỹ ti vĩ kri fi kỹ ẽg tóg ti hã mỹ to vĩ há han ke mũ, vẽjẽn kar to. Kỹ ẽg tóg nén kar konh ke mũ.

Tito 1:15

Ha vé, ũ tỹ vẽjykre kuryj han mũ mỹ tóg kuryj kar nĩ. Jãvo ũ tỹ vẽjykre pãno han mũ mỹ tóg pãno kar nĩ gé. Kỹ ag tóg ag jykre pãno to: “há ti nĩ,” he tĩ. Jãvo ag tóg vẽjykre há to: “kórég ti nĩ,” he tĩ gé.

Hebreu 13:9

Ũ tỹ ón kỹ ãjag mỹ Topẽ vĩ to nén ũ ũ tó sór mũ ẽn vĩ jẽmẽ tũg nĩ. Ãjag tỹ tỹ prãnh ke han sór jé ag tóg ke mũ. Topẽ vỹ ãjag tar han ki kanhró nĩ, ãjag jagãgtãn kỹ. Ũ tóg: “ã tỹ vẽjẽn tag kon kỹ ã tóg Topẽ jykre to tar nĩ,” he tĩ. Ag ón vẽ. Vẽjẽn pijé ẽg tỹ ti jykre to tar nĩ han ki kanhró nĩ'. Topẽ hã ne ẽg tar han tĩ'.

2 Pedro 2:18

“Ũn mág vỹ tỹ inh nĩ,” he ag tóg tĩ, ón kỹ. Krĩ tũ ag nỹtĩ. Nén ũ vẽnhmỹ kar to én ag tóg tĩ. Nén ũ tỹ ẽg kavénh tĩ ẽn to én ag tóg tĩ. Vẽjykre pãno han kỹ ag tóg ũ tỹ ũri Topẽ ki ge sór mũ ag krĩn kónãn tĩ.