Mateus 15:10 - O Novo Testamento na língua Kaingáng

¹⁰ Kỹ tóg vẽnh kar jé prẽr mũ sir, ag tỹ ti rã hã nỹtĩ jé, ti vĩ jẽmẽ há han jé. Kỹ tóg ag mỹ: “ha mẽ, sỹ nén tó mũ ti, kỹ to jykrén nĩ gé,” he mũ.

Mateus 15:10 Iomraidhean Croise

Mateus 13:19

Ũ tóg kejẽn, ón kỹ Topẽ vĩ mẽg mũ. Hã ra tóg to jykrén tũ nĩ. Kỹ Nén-Kórég vỹ, ti mỹ tỹ tũ' he mũ sir, ti tỹ mẽ ja ti tỹ. Kã jatu tóg nĩ sir. Nén fy tỹ ẽmĩn kri kutẽ mũ ẽn hã vẽ.

Mateus 15:11

“Ẽg jẽn pijé ẽg kavénh tĩ'. Ẽg jẽnky kã ra ẽg tóg rãg tĩ, vẽjẽn tỹ. Nén ũ tỹ ẽg ki kãpa hã vỹ ẽg kavénh tĩ, ha mẽ,” he tóg.

Mateus 15:9

“Fagrĩnh mỹ ag tóg iso grĩnhgrĩnh ke tĩ, hã ra ag tóg ẽprã ke ag jykre to: Topẽ tỹ tón hã vẽ, he tĩ,” he ja tóg nĩgtĩ, Isaías ti. Ki hã tóg tó ja nĩ, ãjag to, ãjag jykre régre nỹtĩn kỹ,” he tóg, Jesus ti.

Mateus 24:15

“Kejẽn ãjag tóg, ãjag tỹ nén kamẽg tĩ ẽn venh ke mũ sir, ẽg kavénh tĩ ẽn ti,” he tóg. “Topẽ vĩ tó tĩ tỹ Daniel vỹ ti tó ja nĩgtĩ. Topẽ ĩn tá tóg jẽnh mũ, ẽg kavénh tĩ ẽn ti. Ũ tỹ vẽnh rá tag to ke mũ jé ki kanhró nĩ.

Lucas 24:45

Kỹ tóg ag mỹ kãmén há han mũ. Hã kỹ ag tóg ti to nén rán ja ki kanhrãn kãn mũ. To jykrén há han ag tóg mũ sir.

Éfeso 1:17

Ẽg Senhor tỹ Jesus Cristo panh mré sóg vẽmén tĩ, ẽg jóg mré, ũn mág pẽ ẽn mré. Kỹ sóg ti mỹ: “ã kuprĩg tỹ ag krĩn nĩ,” he tĩ. “Ã kuprĩg tỹ ag mỹ vẽnh kãmén há han nĩ, ag tỹ ã ki kanhrãn há han jé,” he sóg tĩ.

Colossos 1:9

Epafras vĩ mẽ kỹ sóg ãjag to Topẽ mré vẽmén tĩ sir. Ti mỹ sóg to vĩ tĩ, ãjag tỹ ti tỹ ãjag ki nén ve sór mũ ẽn ki kanhrãn kãn jé, ti tỹ ãjag mỹ krĩ há nĩm jé, ti tỹ ti kuprĩg tỹ ãjag kanhrãn jé.

Tiago 1:5

Ãjag tỹ nén ũ to jykrén tũ nĩn kỹ Topẽ mỹ to vĩm nĩ, ti tỹ ãjag kanhrãn jé. Ẽg kanhrãn jé tóg ke mũ. To tóg: “han ke tũ inh nĩ,” henh ke tũ nĩ. Ẽg to tóg fe há nĩ, hã kỹ tóg ẽg kanhrãn tag to há nĩ.