Mateus 14:6 - O Novo Testamento na língua Kaingáng

⁶ Hã ra tóg kejẽn Herodes mur ja kurã tá krỹg mũ. Kỹ fénhta ẽn kã Herodias fi kósin fi vỹ ag jo vẽnh grén mũ sir, ti mré jẽg mũ ag jo. Kỹ tóg Herodes mỹ sĩnvĩ nĩ.

Mateus 14:6 Iomraidhean Croise

Mateus 14:3

Herodes vỹ João se ja nĩ, Herodias fi tugnĩn. Ti jãvy tỹ Filipe prũ ja fi vẽ, hã ra tóg fi tỹ prũg mũ, Herodes ti. Hã kỹ João tóg ti mỹ:

Mateus 14:7

Kỹ tóg fi mỹ: “ã tỹ nén to vĩ mũ kar nĩm jé sóg ke mũ ã mỹ, sỹ ke há vẽ,” he mũ.

Mateus 22:24

Kỹ ag tóg: “Senhor,” he mũ gé. “Moisés tỹ ẽg mỹ vẽjykre nĩm kỹ tóg: “ã régre tỹ krẽ tũ ra ter kỹ ã tỹ ti prũ fi tỹ prũg ke vẽ. Ã tỹ ã régre mỹ ã krẽ han ke vẽ, fi ki,” he ja nĩgtĩ.

Marcos 6:14

Kỹ pã'i mág tỹ Herodes tóg Jesus kãme mẽg mũ. Vẽnh kar vỹ ti kãmén tĩ, hã kỹ tóg mẽg mũ. Kỹ tóg: “João Batista hỹn, “ he mũ. “Ti ter ja tán hỹn vỹn ké. Hã kỹ tóg ẽg tỹ nén han vãnh hynhan tĩ,” he tóg, Jesus to.

Marcos 6:17

Herodes vỹ João se ja nĩ, vẽse ja kã ki tóg ti fón ja nĩ, Herodias fi tugrĩn. Tỹ fi Filipe prũ fi nĩ, ti jãvy, hã ra tóg fi tỹ prũg mũ.

Marcos 6:19

Tag tugrĩn Herodias fi tóg ti to kórég ja nĩ, hã kỹ fi tóg ti tén sór ja nĩ, hã ra fi tóg ti tỹ hẽ ri ke ja tũ nĩ.

Marcos 8:15

Hã ra tóg ag mỹ: “ha mẽ, Fariseu tỹ fermento há kamẽg nĩ. Herodes tỹ fermento há kamẽg nĩ gé,” he mũ.

Lucas 13:31

Kurã ẽn kã Fariseu ũ ag tóg ti mỹ: “ha mẽ,” he mũ. “Pã'i mág tỹ Herodes vỹ ã tén sór mũ. Hã kỹ vẽnh péjunh tĩg,” he tóg.

Lucas 23:11

Kỹ Herodes vỹ ti to é he mũ gé, ti mré ke kar ag ke gé, kỹ ag tóg ti nyg mũ. Kur kupri pẽ tỹ tóg ti kri fón mũ, ón kỹ. Kỹ tóg Pilatos mỹ ti jẽnẽ mãn mũ sir.

Lucas 23:7

Kỹ ag tóg ti mỹ: “hỹ,” he mũ. Hã ra Herodes vỹ tỹ ga tỹ Galiléia tá pã'i mág nĩ. Hã kỹ Pilatos tóg ti hã mỹ ti jẽnẽg mũ. Ẽn kã tóg Jerusalém tá nĩ gé, Herodes ti.

Lucas 3:1

Kejẽn tóg Tibério tỹ Roma tá tỹ vẽnh kar kri pã'i mág pẽ nĩ kri 15 (ke) anos han mũ. Ẽn kã Pôncio Pilatos vỹ tỹ, ga tỹ Judéia kri pã'i tỹ governador nĩ. Kỹ Herodes vỹ tỹ Galiléia kri pã'i tỹ governador nĩ gé. Jo ti jãvy tỹ Filipe vỹ tỹ ga tỹ Ituréia tá pã'i tỹ governador nĩ gé, ga tỹ Traconites tá ke gé. Jãvo Lisânias vỹ tỹ ga tỹ Abilene tá tỹ pã'i tỹ governador nĩ.

Lucas 3:19

Kỹ tóg pã'i mág tỹ Herodes jyvẽn mũ gé, ti prũ fi to, hã vỹ: Herodias fi, he mũ. Ti jãvy prũ ja fi vẽ, hã ra tóg fi péju kỹ fi tỹ prũg mũ. Nén ũ vẽnh mỹ e han tóg tĩ, hã kỹ tóg ti jyvẽn mũ.

Lucas 8:3

Kar ũ fi vỹ tỹ Joana fi nĩ gé. Cuza prũ fi vẽ, pã'i mág tỹ Herodes tũ ki rĩr tĩ ẽn prũ fi vẽ. Kar ũ fi vỹ tỹ Suzana fi nĩ gé. Kar ũ fag vỹ ti mré mũ mũ gé. Fag tũ hã tỹ fag tóg ti mỹ vẽjẽn han tĩ, ti mré mũ tĩ ag mỹ ke gé.

Han Kãme 12:1

Kejẽn pã'i mág tỹ Herodes vỹ Jesus ki ge kỹ nỹtĩ ũ ag sigség mũ, ag vóg kónãn jé.

Han Kãme 4:27

Hã ra tóg ki hã tó ja nĩ. Ẽmã tag ki ag tóg vẽnh génh kỹ nỹtĩ, ã kósin tỹ Jesus kato, ũn kuryj nĩ ẽn kato. Pã'i mág tỹ Herodes vỹ ti kato tẽ mũ gé, pã'i tỹ Pilatos ke gé, fóg ag kar, Judeu ag kar ke gé.