Mateus 14:3 - O Novo Testamento na língua Kaingáng

³ Herodes vỹ João se ja nĩ, Herodias fi tugnĩn. Ti jãvy tỹ Filipe prũ ja fi vẽ, hã ra tóg fi tỹ prũg mũ, Herodes ti. Hã kỹ João tóg ti mỹ:

Mateus 14:3 Iomraidhean Croise

Mateus 11:2

Kejẽn João Batista tóg se kỹ nĩ nĩ. Ti tỹ se kỹ nĩ ra tóg Jesus kãme mẽg mũ. Kỹ tóg ti mỹ vẽnh vĩ jẽnẽg mũ, ti mré mũ tĩ ag tỹ.

Mateus 14:6

Hã ra tóg kejẽn Herodes mur ja kurã tá krỹg mũ. Kỹ fénhta ẽn kã Herodias fi kósin fi vỹ ag jo vẽnh grén mũ sir, ti mré jẽg mũ ag jo. Kỹ tóg Herodes mỹ sĩnvĩ nĩ.

Mateus 4:12

Kejẽn ag tóg João ség mũ sir, kỹ Jesus tóg mẽg mũ. Kỹ tóg ga tỹ Galiléia ra vỹn ke mãn mũ.

Marcos 6:14

Kỹ pã'i mág tỹ Herodes tóg Jesus kãme mẽg mũ. Vẽnh kar vỹ ti kãmén tĩ, hã kỹ tóg mẽg mũ. Kỹ tóg: “João Batista hỹn, “ he mũ. “Ti ter ja tán hỹn vỹn ké. Hã kỹ tóg ẽg tỹ nén han vãnh hynhan tĩ,” he tóg, Jesus to.

Marcos 6:17

Herodes vỹ João se ja nĩ, vẽse ja kã ki tóg ti fón ja nĩ, Herodias fi tugrĩn. Tỹ fi Filipe prũ fi nĩ, ti jãvy, hã ra tóg fi tỹ prũg mũ.

Marcos 6:19

Tag tugrĩn Herodias fi tóg ti to kórég ja nĩ, hã kỹ fi tóg ti tén sór ja nĩ, hã ra fi tóg ti tỹ hẽ ri ke ja tũ nĩ.

Marcos 6:22

Fénhta ẽn ki fi kósin tytãg fi tóg ag mỹ vẽnh grén mũ, kỹ fi tóg Herodes ag mỹ sĩnvĩ tãvĩ jẽ. Kỹ tóg fi mỹ: “ã tỹ nén to vĩ mũ tỹ sóg ã mỹ nĩm mũ,” he mũ.

Marcos 8:15

Hã ra tóg ag mỹ: “ha mẽ, Fariseu tỹ fermento há kamẽg nĩ. Herodes tỹ fermento há kamẽg nĩ gé,” he mũ.

Lucas 13:1

Kejẽn fóg tỹ pã'i tỹ Pilatos tóg, ga tỹ Galiléia tá ke ũ ag kãgtén ja nĩ, ag tỹ Topẽ mỹ ag mẽg tãnh kỹ pũn mũ ẽn kã. Kỹ ag kyvénh tóg, ag mẽg kyvénh mré kutẽ ja nĩ. Kỹ ũ ag tóg, Jesus mỹ kãmén mũ, ag tỹ Pilatos tỹ ũn kãgtén mũ ag to: “ag hỹn Topẽ vĩ mranh mág,” hen kỹ.

Lucas 13:31

Kurã ẽn kã Fariseu ũ ag tóg ti mỹ: “ha mẽ,” he mũ. “Pã'i mág tỹ Herodes vỹ ã tén sór mũ. Hã kỹ vẽnh péjunh tĩg,” he tóg.

Lucas 23:11

Kỹ Herodes vỹ ti to é he mũ gé, ti mré ke kar ag ke gé, kỹ ag tóg ti nyg mũ. Kur kupri pẽ tỹ tóg ti kri fón mũ, ón kỹ. Kỹ tóg Pilatos mỹ ti jẽnẽ mãn mũ sir.

Lucas 23:7

Kỹ ag tóg ti mỹ: “hỹ,” he mũ. Hã ra Herodes vỹ tỹ ga tỹ Galiléia tá pã'i mág nĩ. Hã kỹ Pilatos tóg ti hã mỹ ti jẽnẽg mũ. Ẽn kã tóg Jerusalém tá nĩ gé, Herodes ti.

Lucas 3:1

Kejẽn tóg Tibério tỹ Roma tá tỹ vẽnh kar kri pã'i mág pẽ nĩ kri 15 (ke) anos han mũ. Ẽn kã Pôncio Pilatos vỹ tỹ, ga tỹ Judéia kri pã'i tỹ governador nĩ. Kỹ Herodes vỹ tỹ Galiléia kri pã'i tỹ governador nĩ gé. Jo ti jãvy tỹ Filipe vỹ tỹ ga tỹ Ituréia tá pã'i tỹ governador nĩ gé, ga tỹ Traconites tá ke gé. Jãvo Lisânias vỹ tỹ ga tỹ Abilene tá tỹ pã'i tỹ governador nĩ.

Lucas 8:3

Kar ũ fi vỹ tỹ Joana fi nĩ gé. Cuza prũ fi vẽ, pã'i mág tỹ Herodes tũ ki rĩr tĩ ẽn prũ fi vẽ. Kar ũ fi vỹ tỹ Suzana fi nĩ gé. Kar ũ fag vỹ ti mré mũ mũ gé. Fag tũ hã tỹ fag tóg ti mỹ vẽjẽn han tĩ, ti mré mũ tĩ ag mỹ ke gé.

Han Kãme 12:1

Kejẽn pã'i mág tỹ Herodes vỹ Jesus ki ge kỹ nỹtĩ ũ ag sigség mũ, ag vóg kónãn jé.

Han Kãme 4:27

Hã ra tóg ki hã tó ja nĩ. Ẽmã tag ki ag tóg vẽnh génh kỹ nỹtĩ, ã kósin tỹ Jesus kato, ũn kuryj nĩ ẽn kato. Pã'i mág tỹ Herodes vỹ ti kato tẽ mũ gé, pã'i tỹ Pilatos ke gé, fóg ag kar, Judeu ag kar ke gé.