Mateus 14:2 - O Novo Testamento na língua Kaingáng

² Kỹ tóg ti camarada ag mỹ: “João Batista hỹn, ãjag tỹ inh mỹ ũ tó mũ ẽn ti,” he mũ. “Ti hỹn rĩr mãn, sỹ ti tén kar kỹ, hã kỹ tóg milagre tỹ hẽn ri ke hynhan tĩgtĩ,” he tóg, Herodes ti, Jesus to.

Mateus 14:2 Iomraidhean Croise

Mateus 11:11

Ki hã sóg tó mũ, ha mẽ. Ẽprã ke ag kãfór kar ti nĩ, Topẽ vĩ tón ki. Ge ra ũ tỹ Topẽ tỹ tỹ ẽg pã'i nĩ vég mũ ag vỹ ti kãfór nỹtĩnh mũ, ag kãsir nỹtĩ ra,” he tóg.

Mateus 16:14

Kỹ ag tóg ti mỹ. “ũ ag tóg ã to: “João Batista vẽ,” he tĩ. Jãvo ũ ag tóg: Elias vẽ, he tĩ. Jãvo ũ ag tóg: Jeremias vẽ, he tĩ gé, jãvo ũ ag tóg: Topẽ vĩ tó tĩ ũ vẽ, he tĩ gé,” he mũ.

Mateus 3:1

Kejẽn João Batista tóg ẽmã tũ ja ra tĩ mũ, ga tỹ Judéia tá ga kórég ẽn ra. Tá jẽ kỹ tóg ag jyvẽn mũ sir.

Marcos 6:14

Kỹ pã'i mág tỹ Herodes tóg Jesus kãme mẽg mũ. Vẽnh kar vỹ ti kãmén tĩ, hã kỹ tóg mẽg mũ. Kỹ tóg: “João Batista hỹn, “ he mũ. “Ti ter ja tán hỹn vỹn ké. Hã kỹ tóg ẽg tỹ nén han vãnh hynhan tĩ,” he tóg, Jesus to.

Marcos 8:28

Kỹ ag tóg ti mỹ: “João Batista vẽ, he ag tóg tĩ, ã to. Jãvo ũ ag tóg: Elias vẽ, he tĩ. Jãvo ũ ag tóg: Topẽ vĩ tó tĩ ũ vẽ, he tĩ gé, “ he mũ.

Lucas 9:7

Kỹ pã'i mág tỹ Herodes vỹ ti tỹ nén han mũ mẽg mũ sir. Kỹ tóg ti mỹ e tĩ. Ti tỹ to jykrén tũ tóg tĩ. Hã ra ũ ag tóg ti to: “João Batista vẽ,” he tĩ. “João hỹn ti ter kar kỹ rĩr mãn,” he ag tóg tĩ.

João 10:41

Kỹ ũ tỹ hẽn ri ke ag vỹ tá ti venh kãmũ mũ. Ti to ag tóg jagnẽ mỹ: “ha vé, João vỹ milagre han ja tũ nĩ,” he mũ. “Hã ra tóg Jesus kãmén. Tó há han ja tóg nĩ. Ki hã tóg tó ja nĩ,” he ag tóg.