Mateus 14:1 - O Novo Testamento na língua Kaingáng

¹ Kỹ kejẽn pã'i mág tỹ Herodes vỹ mẽg mũ, Jesus kãme ti.

Mateus 14:1 Iomraidhean Croise

Mateus 13:58

Kỹ tóg tá milagre e hynhan tũ nĩ, ag tỹ ti ki ge jãvãnh nỹtĩn kỹ.

Mateus 9:26

Kỹ ti tỹ fi rĩn mãn tag kãme tóg vẽnh kar kri rũm mũ sir, ga kar mĩ hã.

Mateus 9:31

Hã ra ag tóg mũ kỹ vẽnh kar mỹ tugtó mũ. Kỹ ti kãme ẽn tóg vẽnh kar kri rũm ke mũ sir.

Marcos 8:15

Hã ra tóg ag mỹ: “ha mẽ, Fariseu tỹ fermento há kamẽg nĩ. Herodes tỹ fermento há kamẽg nĩ gé,” he mũ.

Lucas 23:15

Kỹ Herodes vỹ vég tũ nĩ gé. Sỹ ti mỹ ti jẽnẽ ja vẽ, ãjag ke gé. Hã ra tóg inh mỹ ti jẽnẽ mãn mũ gé. Ẽg hẽ ri ken kỹ ti tén mũ hỹn'? Sỹ ki kagtĩg tóg tĩ.

Lucas 3:1

Kejẽn tóg Tibério tỹ Roma tá tỹ vẽnh kar kri pã'i mág pẽ nĩ kri 15 (ke) anos han mũ. Ẽn kã Pôncio Pilatos vỹ tỹ, ga tỹ Judéia kri pã'i tỹ governador nĩ. Kỹ Herodes vỹ tỹ Galiléia kri pã'i tỹ governador nĩ gé. Jo ti jãvy tỹ Filipe vỹ tỹ ga tỹ Ituréia tá pã'i tỹ governador nĩ gé, ga tỹ Traconites tá ke gé. Jãvo Lisânias vỹ tỹ ga tỹ Abilene tá tỹ pã'i tỹ governador nĩ.

Lucas 3:19

Kỹ tóg pã'i mág tỹ Herodes jyvẽn mũ gé, ti prũ fi to, hã vỹ: Herodias fi, he mũ. Ti jãvy prũ ja fi vẽ, hã ra tóg fi péju kỹ fi tỹ prũg mũ. Nén ũ vẽnh mỹ e han tóg tĩ, hã kỹ tóg ti jyvẽn mũ.

Lucas 8:3

Kar ũ fi vỹ tỹ Joana fi nĩ gé. Cuza prũ fi vẽ, pã'i mág tỹ Herodes tũ ki rĩr tĩ ẽn prũ fi vẽ. Kar ũ fi vỹ tỹ Suzana fi nĩ gé. Kar ũ fag vỹ ti mré mũ mũ gé. Fag tũ hã tỹ fag tóg ti mỹ vẽjẽn han tĩ, ti mré mũ tĩ ag mỹ ke gé.

Han Kãme 12:1

Kejẽn pã'i mág tỹ Herodes vỹ Jesus ki ge kỹ nỹtĩ ũ ag sigség mũ, ag vóg kónãn jé.

Han Kãme 13:1

Antioquia tá ũ ag tóg nỹtĩ, Topẽ vĩ tó tĩ ũ ag, Jesus jykre tỹ vẽnh kanhrãn nỹtĩ ag ke gé. Kỹ ũ jijin hã vỹ: Barnabé, he mũ, kar ũ jijin hã vỹ: Simão Negro, he mũ. Ũ tóg tỹ Lúcio nĩ, Cirene tá ke tag ti. Kỹ ũ tóg tỹ Manaém nĩ, pã'i tỹ Herodes mré mog mũ tag ti. Kỹ ũ tóg tỹ Saulo nĩ gé.

Han Kãme 4:27

Hã ra tóg ki hã tó ja nĩ. Ẽmã tag ki ag tóg vẽnh génh kỹ nỹtĩ, ã kósin tỹ Jesus kato, ũn kuryj nĩ ẽn kato. Pã'i mág tỹ Herodes vỹ ti kato tẽ mũ gé, pã'i tỹ Pilatos ke gé, fóg ag kar, Judeu ag kar ke gé.