Mateus 13:7 - O Novo Testamento na língua Kaingáng

⁷ Ti fy ũ tóg, sónh kã ki krãn kỹ nĩ gé, kỹ sónh tóg ti mré mur mũ, kỹ tóg ti kri rũm ke mũ. Kỹ tóg tũ' he mũ sir.

Mateus 13:7 Iomraidhean Croise

Mateus 13:22

Ti fy ũ tóg sónh kã ki krãn kỹ nĩ. Ũ vẽ gé. Topẽ vĩ mẽg tóg mũ gé. Hã ra tóg ti rãnhrãj hã mĩ ẽkrég mũ sir. Nén kar to én tóg mũ sir. Ón kỹ tóg riko nĩ sór mũ. Hã kỹ tóg Topẽ vĩ kã jatu' he mũ sir. Kỹ tóg kanẽn há han tũ nĩ sir.

Mateus 13:6

Hã ra tóg rã tỹ ẽg nĩno kã sa kỹ ti pũn mũ. Ti jãre han tũ nĩn kỹ tóg, tóg mũ.

Mateus 13:8

Ti fy ũ tóg vãhã, ga há ki krãn kỹ nĩ, kỹ tóg mur há han mũ, mog há han tóg mũ gé, kanẽn há han tóg mũ gé sir. Ũ tóg kanẽ tỹ 100 han mũ, jo ũ vỹ kanẽ tỹ 60 han mũ gé, jo ũ vỹ tóg kanẽ tỹ 30 han mũ.

Marcos 4:7

Ti fy ũ tóg sónh kã ki kutẽ mũ, kỹ tóg ti mré mur mũ. Ti kri tóg rũm ke mũ sir. Kỹ tóg kanẽn tũ nĩ.

Lucas 8:7

Ti fy ũ tỹ tóg, sónh kã ki krãn mũ. Kỹ sónh tóg, ti mré mur mũ, ti kri tóg rũm ke mũ sir. Kỹ tóg ter mũ sir, sónh kã ki.