Mateus 13:25 - O Novo Testamento na língua Kaingáng

²⁵ Kỹ tóg nũr tĩ mũ, ti camarada ag ke gé. Kỹ ti kato tẽ ẽn tóg kutyg kỹ ti japỹ ra tĩ mũ, kỹ tóg tá jun kỹ vãnh fy krãn mũ, ti jakré ẽn kãmĩ. Kỹ tóg tĩ mũ sir.

Mateus 13:25 Iomraidhean Croise

Mateus 13:24

Kỹ tóg vãnh to kãmén kỹ: “Nén-Kórég tỹ inh rãnhrãj kókén sór mũ vỹ ge nỹnh mũ, ha mẽ,” he mũ. ”Kejẽn ũ tóg ti japỹ tá nén ũ fy krãn mũ.

Mateus 13:26

Kỹ ti jakré tóg mur mũ, mog tóg mũ, kanẽn tóg mũ gé sir. Hã ra vãnh tóg ti mré mur mũ gé.

Mateus 13:27

Kỹ ti camarada ag tóg ti mỹ: “nén ũ fy krãn ẽg tóg mũ vẽ, hã ra vãnh tóg ti mré mur mũ. Ne nẽ hỹn?“ he mũ.

Mateus 13:29

Kỹ tóg ag mỹ: “hỹ,” he mũ. “Ãjag tỹ vãnh ẽn kunũnh kỹ tóg inh mỹ ãjag tỹ ti pẽn ũ kunũnh ha mẽ tĩ, vãnh mré. Kỹ kunũnh tũg nĩ.

Mateus 13:30

Vãnh hỹn tóg inh jakré mré mog mũ gé. Kỹ sóg ẽg tỹ krenh ken kỹ ũ tỹ krég mũ ag mỹ: “vãnh kre vén nĩ,” henh ke mũ. “Kỹ tugfĩn nĩ, ẽg tỹ pũn jé. Kar kỹ ãjag tóg inh jakré krenh ke mũ, sỹ pãjó krẽm vin han jé,” he tóg, ag patrão ti,” he tóg, Jesus ti. Ti tỹ ũ tỹ ón kỹ Topẽ ki ge kỹ nỹtĩ ẽn ag tón hã vẽ.

Mateus 13:39

Ũ tỹ ag han mũ vỹ tỹ, Japo ti nĩ, Nén-Kórég ẽn krẽ ag. Ti krenh ke kurã hã vỹ: kurã tỹ ẽgno, he mũ. Ũ tỹ inh jakré krenh ke mũ ag vỹ tỹ, Topẽ tỹ jẽgnẽ jafã ag nỹtĩ.

Mateus 25:5

Hã ra ũn prũg mũ ẽn tóg kãtĩg vãnh han mũ. Kỹ tóg kejẽn fag nũgnũr hapẽ tĩ, ti jun tũg ki. Hã kỹ fag tóg nũgnũr kãn mũ sir.

Galácia 2:4

Hã ra ón kỹ Jesus ki ge kỹ nỹtĩ ag tóg ti kym sór ja nĩ. “Paulo mỹ Moisés jykre tovãnh tũ'?“ he ag tóg iso. Ag tỹ ẽg tỹ Moisés jykre han mãn ẽn han sór ja vẽ.

Hebreu 12:15

Vẽnh ki rĩr há han nĩ, ãjag kã mĩ ũ tỹ Topẽ tỹ ẽg jagãgtãn mũ tag to é he tũ nĩ jé. Ãjag kã mĩ ũn pir tỹ vẽjykre kórég to tar nĩn kỹ tóg ẽg mỹ, ti tỹ ũn e ag krĩn kónãn ha mẽ tĩ, ag tỹ ti jykre kórég ẽn ri ke nỹtĩ jé. Kỹ tóg ẽg jakré kã mĩ vãnh jagy ri ke nĩ. Ẽg jakré kókég ti tĩ, vẽjykre kórég tỹ ẽg kókén ri ke.

1 Pedro 5:8

Vẽnh ki rĩrm nĩ. Nũr ri ke han tũg nĩ. Ha vé, ẽg kato vãsãn tĩ ẽn, Japo ẽn tóg ẽg to vãjig tĩgtĩ. Mĩg kókĩr ri ke ti nĩ, ti tỹ ẽg mãn sór kỹ.

2 Pedro 2:1

Hã ra ũ ag tóg ón kỹ Topẽ vĩ tó ja nĩgtĩ gé, vãsỹ, Israel ũ ag. Tag ve jé ãjag tóg ke mũ gé. Ũ ag tóg ón kỹ ãjag mỹ Topẽ vĩ kãmén sór ke mũ, ha vem nĩ. Ẽn ag vĩ vỹ ón kỹ ãjag mỹ mẽ há tĩ mẽ tĩnh ke mũ, hã ra tóg ãjag kókén ke mũ. Kỹ Topẽ vỹ vãhã ag tỹ tũ' henh ke mũ.

Nén Venh Ke 12:9

Mĩg fẽr ẽn kutẽm ag tóg mũ sir. Pỹn ve tỹ ũn ve fag krĩn kónãn mũ ẽn hã vẽ. Japon hã vẽ. Satanás hã vẽ. Ẽprã ke ag tỹ Topẽ kato vãsãnsãn han mũ ẽn hã vẽ, hã vỹ: mĩg fẽr, he mũ. Ag tỹ kanhkã tá ti kutẽm kỹ ag tóg ga kri ti fón mũ sir, ti krẽm ke kar ag mré hã.

Nén Venh Ke 13:14

Ti tỹ ẽg tỹ nén han vãnh tỹ hẽn ri ke hynhan kỹ tóg ẽprã ke kar mỹ ón mũ, ag tỹ ti kamẽg jé. Goj kã tá mĩg ẽn rĩnve tóg milagre tỹ hẽn ri ke hynhan mũ. Kỹ tóg ẽprã ke ag mỹ: “ag tỹ mĩg ẽn fynh mũ ra tóg ter ja tũ nĩ. Ha ti kãgrá han',” he mũ, ga kã tá mĩg ẽn ti.

Nén Venh Ke 2:20

Hã ra sóg nén ũ sĩ tó sór mũ gé, ãjag mỹ, ti tỹ inh mỹ há tũ nĩn kỹ. Jezabel fi vĩ kamẽg ja tũ ãjag tóg nĩgtĩ. Hã kỹ fi tóg ón kỹ vĩ tĩ nĩ. Inh mỹ rãnhrãj tĩ ag krĩn kónãn fi tóg tĩ, ag tỹ fi mré nỹ jé, ag tỹ vẽnh kãgrá mỹ nén ũ nĩ pũn mũ ẽn ko jé gé.