Mateus 13:23 - O Novo Testamento na língua Kaingáng

²³ Ti fy ũ tóg ga há ki krãn kỹ nĩ. Ũ vẽ gé. Topẽ vĩ mẽg tóg mũ gé. Mẽ kỹ tóg to jykrén mũ sir. Kỹ tóg kanẽn há han mũ sir. Kỹ ũ vỹ tóg kanẽ tỹ 100 han, jo ũ vỹ tóg kanẽ tỹ 60 han mũ, jo ũ vỹ tóg kanẽ tỹ 30 han mũ gé,” he tóg.

Mateus 13:23 Iomraidhean Croise

Mateus 12:33

“Ẽg tỹ ka kanẽ ko há krãn kỹ ti kanẽ vỹ, ko há nĩ, ẽg tỹ ka kanẽ ko vãnh krãn kỹ ti kanẽ vỹ, ko kórég nĩ gé. Ẽg tỹ ti kanẽ ve kỹ ẽg tóg: “ũn kanẽ ko vãnh ja vẽ,” he tĩ. Ge ti nĩgtĩ, ẽg jykre ti. Ũn jykre há tóg há nĩ, jãvo ũn jykre kórég tóg kórég nĩ gé.

Mateus 13:8

Ti fy ũ tóg vãhã, ga há ki krãn kỹ nĩ, kỹ tóg mur há han mũ, mog há han tóg mũ gé, kanẽn há han tóg mũ gé sir. Ũ tóg kanẽ tỹ 100 han mũ, jo ũ vỹ kanẽ tỹ 60 han mũ gé, jo ũ vỹ tóg kanẽ tỹ 30 han mũ.

Mateus 3:10

Ẽg tỹ ka tóg gỹn kỹ tỹ pĩ han ri ke tóg nĩ. Ãjag tỹ vẽjykre há han sór tũ nỹtĩn kỹ Topẽ tóg, pĩ ki ãjag vãm ke mũ,” he tóg.

Mateus 3:8

Ãjag jykre pãno tovãnh nĩ, ti tỹ ãjag to jũ tũ nĩ jé. Vẽjykre há han nĩ, ẽg tỹ ãjag jykre tãg hã ve jé.

Marcos 10:15

“Sỹ ke há vẽ. Gĩr ag vỹ iso hapẽ nỹtĩ. Ũn kãsir tag fag ri ke nỹtĩm nĩ. Ke tũ nĩ mũ ra ãjag tóg fag jãvo venh ke tũ pẽ nĩ,” he tóg.

Marcos 4:20

Kỹ ti tỹ ga há ki krãn mũ ẽn vỹ tỹ Topẽ vĩ mẽg mũ ag nỹtĩ gé. Hej, he ag tóg mũ sir, kanẽn há han ag tóg mũ, ũ tóg kanẽ tỹ 30 (ke) han mũ, ũ tóg kanẽ tỹ 60 (ke) han mũ, ũ tóg kanẽ tỹ 100 (ke) han mũ,” he tóg.

Lucas 13:9

Hẽn ri ke mũn tóg kanẽn ke mũ ha. Ti kanẽn tũ nĩn kỹ sóg vãhã ã mỹ ti gỹn ke mũ,” he tóg mũ,” he tóg.

Lucas 8:15

Kar ga há ki krãn kỹ nỹtĩ ag vỹ, ge nỹtĩgtĩ gé. Jẽmẽg ag tóg tĩ. Kỹ ag tóg, ag fe tỹ ti ki rã mũ sir, ag tỹ ti vĩ ki króm jé. Kỹ ag tóg, kanẽn há han mũ sir. Komẽr hã ag tóg, kanẽn há han', han', he mũ, ag tỹ nén ũ jagy vég mũ ra,” he tóg.

Lucas 8:8

Ti fy ũ tỹ tóg ga há ki krãn mũ. Kỹ tóg mur há han mũ. Kanẽn há han tóg mũ. Kanẽ tỹ 100 (ke) han tóg mũ sir, ga há ẽn ki,” he tóg. Kỹ tóg prẽr mũ. “!..Ũ nĩgrẽg nỹtĩ tỹ tỹ jẽmẽ jé..!” he tóg, prẽr kỹ, Jesus ti.

João 15:16

Ãjag pijé inh kuprẽg'. Inh hã ne ãjag kuprẽg'. Kỹ sóg ãjag mỹ: kanẽ e han nĩ, he mũ ha, hã vỹ: vẽjykre há, he mũ. Vẽjykre há hã vỹ tũ' henh ke tũ nĩ. Ãjag tỹ ẽn han kỹ jatun mỹ Topẽ mỹ nén kar to vĩm nĩ, inh jiji tó kỹ. Kỹ tóg ãjag tỹ ti mỹ nén to vĩ mũ ẽn han ke mũ.

João 8:47

Topẽ krẽ ag vỹ Topẽ vĩ mẽg tĩ. Jãvo ãjag tóg inh vĩ jẽmẽ sór tũ nĩ'. Hã kỹ ãjag pijé tỹ Topẽ krẽ nỹtĩ',” he tóg.

Han Kãme 16:14

Tá ũ fi tóg nĩ nĩ, fi jiji hã vỹ: Lídia, he mũ. Kur kósóg vẽne he fi tóg nĩ nĩ. Tỹ fi tóg ẽmã tỹ Tiatira tá ke nĩ. Topẽ kamẽg fi tóg tĩ. Ẽn fi vỹ Paulo vĩ mẽg mũ sir. Kỹ Topẽ tóg fi mỹ krĩ há nĩm mũ, kỹ fi tóg Paulo vĩ jẽmẽ kỹ Jesus ki rã mũ.

Han Kãme 17:11

Beréia tá ke ag tóg jykre há nỹtĩ. Ag pijé Tessalônica tá ke ag ri ke nỹtĩ'. Kỹ ag tóg Paulo ag vĩ kri fig mũ. Ag mỹ tóg há tĩ sir. Kurã kar ki ag tóg Topẽ vĩ to vẽnh kanhrãn mũ, ag tỹ to: “ki hã tóg tó tĩ,” hen kỹ.

2 Corinto 9:10

Ha vé, Topẽ ne ẽg mỹ nén ũ kar fy vin mũ', ẽg tỹ krãn jé. Kỹ tóg ẽg mỹ ẽmĩ han jafã nĩm mũ gé, ẽg tỹ ko jé. Kỹ tóg ãjag mỹ ãjag tỹ tỹ ũ jagãgtãn ke mũ ẽn ven mũ gé. Kỹ tóg nén ũ fy ri ke nĩ. Kanẽ há ri ke han jé tóg ke mũ gé, ãjag tỹ vẽjykre kuryj tag han kỹ, hã vỹ: jagnẽ jagãgtãn, he mũ.

Filipos 1:11

Kỹ ãjag tóg vẽjykre há han kãn ke mũ sir, Jesus Cristo tỹ ãjag mỹ ti jykre há ẽn nĩm kỹ. Hã jé sóg Topẽ mỹ ãjag tó tĩ. Ti tỹ ãjag krĩ tỹ há' hen kỹ vẽnh kar tóg ti tỹ tỹ ũn mág nĩ venh ke mũ. Kỹ ag tóg ti mỹ vĩ há han ke mũ gé sir.

Filipos 4:17

Hã ra sóg isỹ jãnkamy venh ke ẽn to jykrén sór tũ nĩgtĩ. Ãjag tũ mág nỹtĩ kỹ tóg inh mỹ há tĩ.

Colossos 1:10

Kỹ ãjag tóg ẽg mré ẽg Senhor jykre ki króm ke ki kanhró nỹtĩnh mũ gé, ãjag jykre tỹ ti mỹ há nỹn jé. Ẽg tỹ vẽjykre há han kỹ ẽg tóg ti mỹ ẽkré kanẽ há ẽn ri ke han tĩ. Ãjag tỹ tag han kỹ tóg há tĩ. Kỹ ãjag tóg Topẽ ki kanhrãn há han ke mũ gé sir.

Colossos 1:6

Ga kar mĩ tóg tĩ ha, vẽnh vĩ há tag. Hã kỹ tóg ãjag ki jun ja nĩ gé. Vẽnh vĩ há tag tóg Topẽ mỹ ẽkré kanẽn ri ke nĩ, vẽnh kar tỹ ti ki ge kỹ. Hã kỹ ãjag tóg ti ki ge gé, ãjag tỹ ti vĩ mẽ vén kỹ. Ẽn kã ãjag tóg Topẽ tỹ ẽg jagãgtãn ki kanhrãn ja nĩ. Kỹ ãjag tóg ki kanhró nỹtĩ ha.

1 Tessalônica 4:1

Inh kanhkã', vãhã sóg ãjag mỹ nén ũ tó sór mũ gé. Ẽg Senhor tỹ Jesus rĩnve sóg ãjag jyvẽn sór mũ. Ãjag mỹ sóg ti jykre tó huri, ãjag tỹ ti japry jagma mũ há han jé, ãjag tỹ Topẽ mỹ há nỹtĩ jé. Kỹ to tar nỹtĩm nĩ.

2 Tessalônica 2:10

Vẽnh kar lograr he jé tóg ke mũ gé. Jykre kuryj nĩ ve tóg nĩnh mũ, hã ra tóg pãno nỹ. Kỹ ũ tỹ nũgme ki vár ke mũ ag vỹ ti vĩ kri fi kãn ke mũ, ag tỹ Topẽ vĩ kri nĩm tũ hã ra. Vẽnh vĩ há to ag tóg há tũ nỹtĩ, hã kỹ ag tóg krenkren ke tũ nĩ.

Hebreu 4:2

Mẽ ẽg huri, Topẽ tỹ ẽg mỹ nén han sór mũ ẽn ti. Ũ tỹ ga kórég mĩ mũ mũ ẽn ag tỹ mẽ ri ke han ẽg tóg huri. Hã ra ag tóg kri fi ja tũ nĩgtĩ, ag tỹ mẽg mũ ra. Hã kỹ tóg ag mỹ nén ũ há han ja tũ nĩ, Topẽ ti.

Hebreu 6:7

Ẽpỹ ri ke ti nĩ, ha mẽ. Ta tỹ ẽg jakré kri kutẽ kỹ tóg mog há han tĩ, ẽg tỹ ga há ki krãn kỹ. Ẽg tỹ ẽpỹ há ri ke nỹtĩn kỹ, ẽg tỹ Topẽ mỹ vẽjykre há han kỹ tóg, ẽg ve há han ke mũ, Topẽ ti.

Hebreu 8:10

“Hã ra sóg vãhã ag mỹ vẽjykre tãg han sór mũ, povo tỹ Israel ag mỹ, ha mẽ,” he tóg. “Ag krĩ tỹ ag tóg isỹ ag jyvẽn mũ ẽn ki kanhrãn ke mũ. Kỹ ag tóg han sór ke mũ gé, ti tỹ ag fe kã kã nĩn kỹ. Ag Topẽ vỹ tỹ inh nĩnh mũ. Kỹ ag tóg tỹ inh krẽ nỹtĩnh ke mũ gé.

2 Pedro 3:18

Ẽg Senhor ki kanhrãn ke hã to tar nỹtĩm nĩ. Ti tỹ ẽg tar han mũ tag hã ve sórm nĩ, ẽg kren han tĩ tỹ Jesus Cristo ti. Ti hã mỹ ẽg tóg vĩ há han ke mũ, ũri, kar kỹ kanhkã tá ke gé. Kỹ tóg tũ' henh ke tũ pẽ nĩ. Hã vẽ.

1 João 5:20

Topẽ kósin vỹ kãtĩg ja nĩgtĩ, ẽg tỹ ti ki kanhrãn jé. Tag ki kanhró ẽg tóg nỹtĩ. Jesus Cristo ki ge kỹ ẽg nỹtĩ. Kỹ ti hã vỹ tỹ ẽg jykre nĩ. Ti panh hã vỹ tỹ Topẽ pẽ nĩ. Ti hã vỹ ẽg tỹ ẽg rĩr krỹg ja tũ venh ke han tĩ.