Mateus 13:22 - O Novo Testamento na língua Kaingáng

²² Ti fy ũ tóg sónh kã ki krãn kỹ nĩ. Ũ vẽ gé. Topẽ vĩ mẽg tóg mũ gé. Hã ra tóg ti rãnhrãj hã mĩ ẽkrég mũ sir. Nén kar to én tóg mũ sir. Ón kỹ tóg riko nĩ sór mũ. Hã kỹ tóg Topẽ vĩ kã jatu' he mũ sir. Kỹ tóg kanẽn há han tũ nĩ sir.

Mateus 13:22 Iomraidhean Croise

Mateus 12:32

Ãjag tỹ iso vĩ kónãn mũ ra tóg, ãjag mỹ vẽnh pãte fón sór mũ gé, ãjag tỹ ẽprã ke fi kósin to vĩ kónãn mũ ra. Ãjag tỹ Topẽ kuprĩg to vĩ kónãn kỹ tóg, ãjag mỹ vẽnh pãte fón mãn ke tũ nĩ. Ãjag tỹ ga kri mũn kỹ tóg, tag tỹ vẽnh pãte fón ke tũ nĩ, Topẽ ti, ãjag ter kar kỹ ke gé,” he tóg, Jesus ti, pã'i ag mỹ.

Mateus 13:39

Ũ tỹ ag han mũ vỹ tỹ, Japo ti nĩ, Nén-Kórég ẽn krẽ ag. Ti krenh ke kurã hã vỹ: kurã tỹ ẽgno, he mũ. Ũ tỹ inh jakré krenh ke mũ ag vỹ tỹ, Topẽ tỹ jẽgnẽ jafã ag nỹtĩ.

Mateus 13:40

Kurã tỹ ẽgno kã ag tóg, ẽg tỹ vãnh pũn ẽn ri ke han ke mũ, Japo tũ ag tỹ.

Mateus 13:7

Ti fy ũ tóg, sónh kã ki krãn kỹ nĩ gé, kỹ sónh tóg ti mré mur mũ, kỹ tóg ti kri rũm ke mũ. Kỹ tóg tũ' he mũ sir.

Lucas 12:15

Kỹ tóg ag kar mỹ: “ker nén ũ to én hẽ',” he mũ. “Ẽg tỹ nén kar nĩ pijé ẽg rĩr han ke mũ'. Ẽg tũ mág nĩ tugrĩn ẽg pijé mũ há han ke mũ',” he tóg.

Lucas 12:21

“Ge tóg nĩ, ẽg tỹ ga kri nén ũ há ve sór kỹ. Ma mũnh ke tũ ẽg tóg nĩ, kanhkã ra. Ẽg tỹ kanhkã tá tũ mág nỹtĩnh ke tag hã ne há nĩ',” he tóg.

Lucas 21:34

“Vẽnh ki ẽmẽ, ãjag tỹ fénhta tãvĩ to vẽnh kutãn tũ nĩ je, vẽnh kanhir e to ke gé. Kỹ vẽjẽn to krĩ kufy han tũg nĩ gé, kur to, tag ki nén ũ kar to. Ke tũ nĩ mũ ra inh kãtĩg mãn ke kurã ẽn vỹ ãjag vatánh tá jun ke mũ.

Lucas 8:14

Kỹ ti fy tỹ sónh kã ki krãn kỹ nỹtĩ vỹ, ge nỹtĩgtĩ gé. Topẽ vĩ mẽg ag tóg tĩ gé. Hã ra ag tóg, ag rãnhrãj hã tỹ vẽnh kutãn tĩ. Ón kỹ ag tóg riko nỹtĩ sór mũ, ag rãnhrãj to. Nén kar to ag tóg én tĩ, kỹ tag hã ne ag kókég tĩ'. Hã kỹ ag tóg, Topẽ vĩ mĩ ẽkrén mãn tũ nĩ sir. Kanẽn há han tũ ag tóg nĩ gé sir.

Han Kãme 8:18

Hã ra Simão tóg vég mũ. Kỹ tóg Pedro ag mỹ jãnkamy ven mũ.

Roma 12:2

Ẽprã ke ag jykre han sór tũg nĩ. Topẽ vỹ ãjag krĩ tãg han sór mũ. Kỹ ãjag tóg nén há han ki kanhró nỹtĩnh mũ. Vẽjykre kuryj han jé ãjag tóg ke mũ. Kygnẽnh ke tũ ãjag tóg nĩ. Tag ve sór tóg mũ, Topẽ ti. Tag hã to tóg ẽg kanhrãn ke mũ.

1 Corinto 1:20

Hã kỹ ón kỹ ũn kanhró mág ag pijé tỹ nén ũ nỹtĩ. Ẽg tỹ tag ki nén ũ ki kanhrãn mũ to tóg: “nén ũ tũ vẽ,” he ja nĩgtĩ, Topẽ ti. “Krĩ tũ ag nỹtĩ, ũ tỹ tag hã nón mũ sór mũ ag,” he tóg.

1 Corinto 2:6

Jãvo sóg ũ tỹ Jesus ki kanhró mág ag mỹ Topẽ vĩ tó tĩ gé, ũ tỹ to jykrén há ag mỹ. Hã ra ti pijé tỹ ẽprã ke vĩ nĩ'. Ga kri ke ag jykre tó tũ sóg nĩgtĩ. Tũ' he jé tóg ke mũ, ũri ũn mág ag vĩ ti.

1 Corinto 2:8

Ũri ũn mág ag pijé ki kanhró nỹtĩ', Topẽ jykre tag ki'. Ag tỹ ki kanhró nỹtĩ ra ag pijé Jesus tỹ ka to ti sanh mũ vẽ', ẽg Senhor tỹ, ũ tỹ vẽnh kar kãfór nĩ tag tỹ. Hã ra ag tóg ti ki kagtĩg nỹtĩn kỹ krunh to ti sa ja nĩgtĩ.

1 Corinto 3:18

Kygnẽ tũg nĩ. Vẽso: “ki kanhró mág inh nĩ,” he tũg nĩ. Ãjag tỹ ẽprã ki kanhró mág nỹtĩn kỹ to: “nén ũ tũ vẽ,” hem nĩ, ãjag tỹ Topẽ jykre hã ki kanhrãn jé.

2 Corinto 4:4

Kyvó ag nỹtĩ. Krĩ tũ ag nỹtĩ. Jesus ki ge sór tũ ag nỹtĩ, Satanás tỹ ag kyvó han ti kỹ. Ẽprã pã'i ag kri ke vỹ tỹ ti nĩ, Satanás ti. Ti tỹ ag kyvó han kỹ ag tóg Cristo kãme tag to jykrén tũ nĩgtĩ. Ti jẽngrẽ vég tũ ag tóg nĩgtĩ, ti sĩnvĩ ti. Cristo hã vỹ tỹ Topẽ kãnhvég ri ke nĩ, ti ve ri ke.

Galácia 1:4

Ti hã ne ũ tỹ ti tén mũ ag mỹ vẽnh fẽg', ti tỹ ẽg tỹ Topẽ vĩ mranh tỹ tũ' he jé. Kỹ tóg ẽg kren han, ẽprã ke jykre pãno to. Ẽg jykre pãno nĩn kỹ tóg ẽg mỹ ũn tãg nĩm, ẽg tỹ ti ki ge kỹ. Ẽg jóg tỹ Topẽ tỹ nén ve sór mũn hã vẽ. Ti hã ne Jesus mỹ tag tó ja nĩ'.

Éfeso 2:2

Ẽn kã ãjag tóg ẽprã ke ag jykre pãno jagma mũ ja nĩgtĩ, Nén-Kórég pã'i mág ẽn tỹ ãjag krĩn kỹ, nén ũ ũ tãn ag kri pã'i ẽn. Ẽn vỹ tỹ ũ tỹ Topẽ vĩ mranh tĩ ag jagrẽ nĩ mỹr.

1 Timóteo 6:17

Ẽprã ũn riko ag mỹ tóm nĩ, ag tỹ vẽso: “tỹ inh ũn riko pẽ nĩ,” he tũ nĩ jé. Ag riko vỹ kãnhmar tũ' henh ke mũ. Ag jé Topẽ hã ki nén ũ kar ve sór. Ti hã vỹ ẽg mỹ nén ũ kar nĩm tĩ, ẽg fe tỹ mrin ken jé.

2 Timóteo 4:10

Demas vỹ isovãnh kỹ vyr. Ẽprã vẽjykre han sór ti nĩ, hã kỹ tóg isovãnh kỹ Tessalônica ra vyr. Crescente vỹ Galácia ra vyr, kỹ Tito vỹ Dalmácia ra vyr.