Mateus 13:21 - O Novo Testamento na língua Kaingáng

²¹ Hã ra tóg tỹ nén ũ kré jãre tũ ẽn ri ke nĩ mỹr. Hã kỹ tóg tĩg sĩ han mũ, Topẽ mré. Nén ũ jagy kutẽ kỹ tóg, Topẽ tovãnh mũ sir, ũ tỹ Topẽ vĩ tugrĩn ti kato tẽ kỹ.

Mateus 13:21 Iomraidhean Croise

Mateus 10:22

Vẽnh kar vỹ ãjag to jũ kỹ ãjag vóg kónãn sór nỹtĩ, isugrĩn. Hã ra ũ tỹ isovãnh tũ ẽn ag hã vỹ, krenkren ke mũ, kurã tỹ ẽgno ẽn kã,” he tóg.

Mateus 11:6

Kỹ tóg ti tỹ iso jykrén kónãn tũ nĩn kỹ há tĩ. Kỹ Topẽ tóg ti ve há han mũ gé. Tag tóm nĩ, ti mỹ,” he tóg.

Mateus 13:20

Kỹ ti fy ũ tóg, pãró kri krãn kỹ nĩ. Ũ vẽ gé. Topẽ vĩ mẽg tóg mũ gé. Kỹ tóg kãnhmar: he, he mũ sir. Ti mỹ tóg sér tĩ.

Mateus 13:57

Kỹ tóg ag mỹ tỹ ũ nỹ. Kỹ Jesus tóg ag mỹ: “ẽmã ũ tá ag tóg Topẽ vĩ tó tĩ to é he tũ nĩgtĩ. Jãvo ti jamã tá ke ag tóg ti to é he tĩ, ti mré ke ag, ti kanhkã ag,” he mũ.

Mateus 13:6

Hã ra tóg rã tỹ ẽg nĩno kã sa kỹ ti pũn mũ. Ti jãre han tũ nĩn kỹ tóg, tóg mũ.

Mateus 24:13

Hã ra ũ tỹ isovãnh tũ pẽ ẽn ag tóg, krenkren ke mũ.

Mateus 26:31

Ag mũn kỹ Jesus tóg: “kuty tag kã ãjag tóg inh ré kỹ mũ kãn ke mũ,” he mũ. “Hã kỹ tóg rán kỹ nĩ. Ũ tỹ carneiro ki rĩr tĩ ẽn tãnh jé sóg ke mũ, kỹ ti mẽg ag vỹ, krig ke kãn ke mũ, he tóg, Topẽ vĩ tỹ rán kỹ nĩ ki, iso“ he tóg.

Mateus 26:33

Kỹ Pedro tóg ti mỹ: “inh pijé, ã ré kỹ tĩg mũ', ag kar tỹ ã ré kỹ mũ mũ ra,” he mũ.

Marcos 4:17

Hã ra ag tóg nén fy kré jãre tũ ri ke nỹtĩ, kỹ ag tóg mũ sĩ han mũ, Topẽ mré. Nén ũ jagy kutẽ kỹ ag tóg sir tovãnh mũ vẽsỹmér, ũ tỹ Topẽ tugrĩn ag kato tẽ kỹ.

Lucas 8:13

Kar ũ ag tóg tỹ pãró kri krãn kỹ nỹtĩ ẽn ri ke nỹtĩ gé. Mẽg ag tóg tĩ vẽ. Kỹ ag tóg: he, he tĩ. Ag mỹ tóg sér tĩ sir. Hã ra ag tóg tỹ, ẽkré jãre tũ ri ke nỹtĩ mỹr, ha mẽ. Mũ sĩ han ag tóg mũ, Topẽ mré. Nén ũ jagy kutẽ kỹ ag tóg, vãhã tovãnh mũ sir.

João 6:26

Kỹ tóg: “ha mẽ, ãjag tỹ ẽmĩ ko ja tugrĩn ãjag tóg inh ve sór mũ. Sỹ milagre hynhan tĩ ẽn vég ãjag tóg tĩ, hã ra ãjag tóg to jykrén há han tũ nĩgtĩ. Ãjag tógá nỹtĩ tag hã ve sór ãjag tóg mũ.

Roma 2:7

Ẽn kã tóg ẽg mỹ ẽg rĩr krỹg ja tũ ven ke mũ, ũn jykre kuryj ag mỹ, fag mỹ ke gé. Ẽg tỹ ti jykre há to tar nỹtĩn kỹ tóg ẽg mỹ ẽg rĩr krỹg ja tũ ven ke mũ, ẽg tỹ tá tỹ ũn mág nỹtĩ jé.

Galácia 5:6

Ha vé, ẽg tỹ Jesus Cristo ki ge kỹ nỹtĩn kỹ tóg tỹ nén ũ tũ tĩ sir, ũ tỹ ti fár kym ja ti, ũ tỹ kym ja tũ ti ke gé. Ti ki ge kỹ ẽg tóg nỹtĩ, kỹ ẽg tóg tỹ nén ũ pir nỹtĩ ha. Jagnẽ to há ẽg nỹtĩ ha.

Galácia 6:12

Ũ ag tóg: “ãjag fár kym nĩ,” he tĩ. Ag tỹ vẽsỹ ũn mág han sór vẽ, ha mẽ. Judeu ũ ag tóg ẽg to jũ tĩ, ẽg tỹ fóg ag mỹ: Judeu jykre han tũg nĩ,” hen kỹ. Hã ra ag tóg inhhã ag tỹ ag vóg kónãn kamẽg mũ. Cristo tỹ krunh to sa ja ra ag tóg ag vẽsỹrénh ke kamẽg mũ. Ag vĩ jẽmẽ tũg nĩ.

Galácia 6:15

Ũ ag tóg ag fár kym tĩ, jãvo ũ ag tóg kym tũ nĩgtĩ gé. Hã ra tóg tỹ nén ũ tũ nĩ gé. Topẽ mỹ ẽg há nỹtĩ, ẽg tỹ ti ki ge kỹ nỹtĩn kỹ, ẽg kar. Topẽ vỹ ẽg han mãn, kỹ ẽg tóg tỹ ũn tãg nỹtĩ ha. Tag hã ne há nĩ'.

Éfeso 3:17

ti tỹ Cristo tỹ ãjag ki ẽmã han jé, ãjag tỹ ti ki ge kỹ nỹtĩn kỹ. Ti tỹ ẽg to há nĩ vỹ tỹ ga ri ke nĩ, ẽg tỹ ti ki jãrén jé, ka jãrén ri ke. Kỹ ẽg tóg ti to tar nỹtĩ sir. Hã jé sóg ti mỹ ãjag tó tĩ gé.

Filipos 1:6

Tag ki kanhró sóg nĩ, ha mẽ. Topẽ vỹ ãjag krĩn rã nĩ, komẽr hã, nén ũ há kar to. Kỹ tóg ãjag krĩn tĩgtĩ sir, ti tỹ komẽr hã ãjag krĩn kãn jé, Jesus Cristo kãtĩg mãn ke kurã to hã.

2 Timóteo 1:15

Ha vé, ga tỹ Ásia tá ke kar ag vỹ isovãnh kãn, Fígelo ke gé, Hermógenes ke gé. Tag mẽ ã hỹn huri.

2 Timóteo 4:10

Demas vỹ isovãnh kỹ vyr. Ẽprã vẽjykre han sór ti nĩ, hã kỹ tóg isovãnh kỹ Tessalônica ra vyr. Crescente vỹ Galácia ra vyr, kỹ Tito vỹ Dalmácia ra vyr.

Tiago 3:2

Ẽg kar vỹ kygnẽ (ka)mẽ nỹtĩ. Ẽg tỹ ẽg vĩ ki kygnẽg tũ pẽ nĩn kỹ ẽg tóg kuryj kar nĩ sir.

1 Pedro 1:5

Topẽ ki ãjag tóg ge kỹ nỹtĩ. Kỹ tóg ãjag ki rĩr há han nĩ nĩ. Nén ũ kar han há tóg nĩ. Kỹ tóg ẽg ki rĩr há han tĩ gé. Ãjag krenkren han jé tóg ke mũ, ãjag tỹ ti tỹ ẽg mỹ nén nĩm ke mũ ẽn ve jé. Nĩm han kỹ tóg nĩ nĩ. Kurã tỹ ẽgno kã ẽg tóg ẽn venh ke mũ.

Nén Venh Ke 2:13

“Satanás nĩgja tá ãjag tóg ẽmã nỹtĩ, ki kanhró sóg nĩ. Iso tar ãjag tóg nỹtĩ. Ãjag régre tỹ Antipas tén ja ag tóg nĩ, ti tỹ ijiji tó tugrĩn. Ge ra ãjag tóg iso: “ti ki kagtĩg sóg nĩ,” he ja tũ nĩ, ãjag tỹ Satanás jamã tá nỹtĩ ra.