Mateus 12:7 - O Novo Testamento na língua Kaingáng

⁷ “Kỹ Topẽ vĩ tag to jykrén nĩ gé, ha mẽ. Ãjag tỹ jagnẽ jagãgtãn kỹ tóg ãjag tỹ inh mỹ nén ũ pũn kãfór nĩ, he ja tóg nĩ. Ãjag tỹ tag to jykrén ra ãjag tóg, inh mré ke ag to jũnh ke tũ nĩ vẽ. Ag kókĩr vẽ mỹr. Nén ũ kórég han ja tũ ag nĩ.

Mateus 12:7 Iomraidhean Croise

Mateus 22:29

Hã ra Jesus tóg: “kygnẽ ãjag huri,” he mũ. “Ãjag pijé Topẽ vĩ tỹ rán kỹ nĩ ki kanhró nỹtĩ', ãjag pijé Topẽ jykre ki kanhró nỹtĩ'.

Mateus 9:13

“Ha vé, Topẽ vĩ tag to jykrén, ha mẽ. “Ãjag tỹ jagnẽ jagãgtãn kỹ tóg, inh mỹ há tĩ inhhã. Ãjag tỹ inh mỹ nén ũ pũn kãfór tóg nĩ,” he tóg. Hã kỹ jagnẽ jagãgtãn nĩ, jagnẽ to vĩ tũg nĩ,” he tóg. “Inh pijé, ũ tỹ vẽjykre kuryj han mũ ag mỹ: ãjag jykre tovãnh nĩ, he sór tĩ'. Ũ tỹ Topẽ vĩ mranh tĩ ẽn ag hã mỹ sóg: ãjag jykre kórég tovãnh nĩ, he sór tĩ,” he tóg, Jesus ti.

Marcos 12:33

“Ẽg jé ti to fe há nỹtĩ, ẽg jé ti to krĩ há nỹtĩ gé, jykre pir ke gé. Ẽg jé ti to tar nỹtĩ gé. Ẽg jé ẽg régre ki rĩr há nỹtĩ gé, ẽg tỹ vẽnh ki rĩr há han ri ke,” he tóg. “Tag tóg ti tỹ ẽg jyvẽn kãfór nĩ. Ẽg tỹ Topẽ mỹ nén ũ pũn kãfór tóg nĩ gé,” he tóg.

Han Kãme 13:27

Jerusalém tá ke ag vỹ Jesus ki kagtĩg ja nỹtĩgtĩ. Ti tỹ tỹ Topẽ kósin nĩn ki kagtĩg ja ag tóg nỹtĩgtĩ, ag pã'i ag ke gé. Hã kỹ ag tóg vãsỹ rán kỹ nĩ ẽn han. Vẽnhkán ke kurã ki ag tóg vég tĩ, Topẽ vĩ tó tĩ ag tỹ nén rán ja ti. Hã ra ag tóg sir ag tỹ nén tó mũ ẽn ki króm, ag tỹ Jesus to: “ter jé tóg ke mũ, “ hen kỹ.

Tiago 5:6

Kỹ ãjag tóg ũn jykre kuryj ag vóg kónãn tĩ gé. Ag kãgtén ãjag tóg tĩ, hã ra ag tóg, ãjag kato vĩ tũ nĩgtĩ. Jykre kórég ãjag nỹtĩ,” he sóg mũ, ũn riko ag mỹ.