Mateus 12:42 - O Novo Testamento na língua Kaingáng

⁴² Kỹ pã'i mág ẽn fi, ũ tỹ kuvar há tá kãtĩg ja ẽn fi vỹ ãjag mré nĩnh ke mũ gé, kurã tỹ ẽgno kã. Kỹ fi tóg ãjag mỹ vĩ kónãn ke mũ gé. Kuvar há tá fi tóg kãtĩg ja nĩgtĩ, vãsỹ, fi tỹ pã'i mág tỹ Salomão vĩ mẽ jé. Salomão kãfór vỹ tỹ inh nĩ, hã ra ãjag tóg inh vĩ jẽmẽ jãvãnh nỹtĩ,” he tóg, Jesus ti.

Mateus 12:42 Iomraidhean Croise

Mateus 12:41

“Kỹ Nínive tá ke ag vỹ, ãjag kato vĩnh ke mũ sir, kurã tỹ ẽgno kã, ha vem nĩ. Ag tỹ Jonas vĩ mẽ kỹ ag tóg ag jykre kórég tovãnh. Tỹ sóg Jonas kãfór nĩ, hã ra ãjag tóg ãjag jykre kórég tovãnh sór tũ nỹtĩ.

Mateus 12:6

Ha mẽ, Topẽ ĩn vỹ tỹ ti tũ nĩ. Kỹ ag tóg ti tũ ki rĩr tĩ, tỹ vẽnhkán ke kurã ra. Hã ra sóg Topẽ ĩn kãfór nĩ, Topẽ mỹ. Hã kỹ inh mré mũ tĩ ag tóg Topẽ mỹ há nỹtĩ, ag tỹ vẽnhkán ke kurã ki vẽnhkán tũ ra,” he tóg.

Mateus 17:5

Pedro tỹ ver vẽmén jẽ ra kanhkã góg kókov tóg ag kri rũm ke mũ. Kỹ vãhã vẽnh vĩ tóg mẽ há tĩ', kanhkã góg ẽn kã tá, kỹ tóg: “inh kósin pir hã vẽ,” he mũ. “Ti vĩ jẽmẽ ra,” he tóg, Topẽ ti.

Mateus 3:17

Kỹ vẽnh vĩ tóg mẽ há tĩ, kanhkã tá, kỹ tóg: “inh kósin pir vẽgtĩ,” he mũ. “Inh fe pẽ vẽgtĩ,” he tóg.

João 1:14

Ẽg tỹ ũ to: Topẽ vĩ, he mũ ẽn vỹ ẽg ri ke mur, kỹ tóg tỹ ẽprã ke jẽ sir. Ẽg mré tóg tĩ ja nĩgtĩ. Hã kỹ sóg ti vé. Pã'i mág vỹ tỹ ti nĩ, ũn tar, tag ve inh. Ẽg to há tãvĩ ti nĩ. Kỹ tóg ki hã tó tĩ gé. Tỹ tóg Topẽ kósin pir nĩ.

João 1:18

Ẽg pijé Topẽ vég tĩ'. Kỹ ẽg kã mĩ ke ũ vỹ ti ve ja tũ nĩ gé. Ti kósin pir hã vỹ ẽg mỹ ti kãmén tĩ. Ti hã vỹ ti jóg mré nĩ nĩ, Topẽ mré.