Mateus 12:41 - O Novo Testamento na língua Kaingáng

⁴¹ “Kỹ Nínive tá ke ag vỹ, ãjag kato vĩnh ke mũ sir, kurã tỹ ẽgno kã, ha vem nĩ. Ag tỹ Jonas vĩ mẽ kỹ ag tóg ag jykre kórég tovãnh. Tỹ sóg Jonas kãfór nĩ, hã ra ãjag tóg ãjag jykre kórég tovãnh sór tũ nỹtĩ.

Mateus 12:41 Iomraidhean Croise

Mateus 12:39

Kỹ tóg ag mỹ: “kórég ãjag nỹtĩ,” he mũ. “Topẽ ki ge sór vãnh ãjag tóg nỹtĩ. Ãjag tỹ milagre ve sór mũ tag venh ke tũ ãjag tóg nĩ. Nén pir hã ve jé ãjag tóg ke mũ, hã vỹ: Jonas tỹ nén ve ja ẽn ri ke, he mũ.

Mateus 12:42

Kỹ pã'i mág ẽn fi, ũ tỹ kuvar há tá kãtĩg ja ẽn fi vỹ ãjag mré nĩnh ke mũ gé, kurã tỹ ẽgno kã. Kỹ fi tóg ãjag mỹ vĩ kónãn ke mũ gé. Kuvar há tá fi tóg kãtĩg ja nĩgtĩ, vãsỹ, fi tỹ pã'i mág tỹ Salomão vĩ mẽ jé. Salomão kãfór vỹ tỹ inh nĩ, hã ra ãjag tóg inh vĩ jẽmẽ jãvãnh nỹtĩ,” he tóg, Jesus ti.

Mateus 12:45

Kỹ tóg Nén-Kórég tỹ 7 (ke) ag mỹ tónh tĩ mũ sir. Kỹ ag kar tóg ũ ẽn kã ra ge mũ sir. Hã ra ag jykre pãno tóg ti jykre pãno kãfór nĩ. Hã kỹ tóg kórég tãvĩ nĩ sir. Ti jagrẽ pir kutẽm inh vẽ vẽ, hã ra ũ tỹ 8 (ke) ag tóg sir tỹ ti jagrẽ nỹtĩ ha, ti tỹ inh ki rã tũ nĩn kỹ. Ãjag mỹ tóg ge nĩnh mũ, kurã tỹ ẽgno kã. Ãjag jykre pãno to ãjag tóg jagtar ke mũ,” he tóg, Jesus ti.

Mateus 12:6

Ha mẽ, Topẽ ĩn vỹ tỹ ti tũ nĩ. Kỹ ag tóg ti tũ ki rĩr tĩ, tỹ vẽnhkán ke kurã ra. Hã ra sóg Topẽ ĩn kãfór nĩ, Topẽ mỹ. Hã kỹ inh mré mũ tĩ ag tóg Topẽ mỹ há nỹtĩ, ag tỹ vẽnhkán ke kurã ki vẽnhkán tũ ra,” he tóg.

Mateus 16:4

Kórég ãjag nỹtĩ, ãjag tỹ Topẽ ki ge jãvãnh nỹtĩn kỹ. Ũri ke kar vỹ kórég nỹtĩ gé, ãjag ri ke. Milagre venh ke tũ ãjag tóg nĩ. Vãsỹ Topẽ vĩ tó tĩ ũ tóg nĩgtĩ, hã vỹ: Jonas, he mũ. Jonas tỹ nén ve ja ẽn ri ke hã ve jé ãjag tóg ke mũ, ũri,” he tóg, Jesus ti. Kỹ tóg ag ré kỹ tĩ mũ sir.

Mateus 17:17

Kỹ Jesus tóg ti mỹ: “ã ne tóg inh ki rã há han ja tũ nĩ',” he mũ. “Topẽ tóg ã mỹ krój nĩ ve nĩ, inh mỹ tóg e tĩ, sỹ ãjag to krónh kenh ha mẽ tóg tĩ. Inh mỹ kyrũ pére kãtĩg,” he tóg.

Mateus 23:36

Ãjag mỹ sóg tó mũ, ha mẽ. Ãjag hã to ti jũnh ke mũ, Topẽ ti, ãjag jógjóg ag tỹ ag kãgtén tugrĩn, ãjag tỹ ag kãgtén tugrĩn ke gé,” he tóg, Jesus ti.

Lucas 11:32

“Kỹ Topẽ tóg Nínive tá ke ag ve kỹ ãjag mỹ vĩ kónãn ke mũ gé, kurã tỹ ẽgno ẽn kã, ha vem nĩ. Nínive tá ke ag tỹ Jonas vĩ mẽ kỹ ag tóg ag jykre tugvãnh ja nĩgtĩ. Tỹ sóg Jonas kãfór nĩ, hã ra ãjag tóg ãjag jykre tugvãnh jãvãnh nỹtĩ, sỹ ãjag mỹ tó mũ ra,” he tóg.

João 3:31

“Ũn tỹ kynhmỹ kãtĩ mũ ẽn vỹ vẽnh kar kafór nĩ. Ẽprã ke ag vỹ tỹ ẽprã ke nỹtĩ, kỹ ag tóg ẽprã ke jykre tỹ vẽmén tĩ. Ũ tỹ kanhkã tá kãtĩ mũ ẽn vỹ tỹ vẽnh kar kri ke jẽ.

João 4:12

“Ẽg jógjóg ve tỹ Jacó vỹ poço tag han, kỹ ag tóg goj kron, ti krẽ ke gé, ti mẽg ke gé. Ã mỹ ti kãfór nĩ, hã kỹ ã mỹ goj ror tỹ run sór mũ'?“ he fi tóg.

Roma 2:27

Hã kỹ fóg ag mré kanhgág ag vỹ Judeu ag jykre kórég tónh ke mũ, ha vem nĩ, ag tỹ Topẽ vĩ ki króm kỹ. Topẽ vĩ mranh ag tóg tĩ, ag tỹ Topẽ vĩ rá vég nỹtĩ ra. Hã tó jé ag tóg ke mũ, fóg ag, kanhgág ag ke gé.

Hebreu 11:7

Noé vỹ Topẽ ki rã kỹ nĩ ja nĩgtĩ gé. Hã kỹ Topẽ vỹ ti mỹ: “ta vỹ kutẽnh ke mũ,” he mũ. Kỹ tóg Topẽ vĩ kri fi kỹ canoa mág ẽn han mũ. Kỹ tóg ki rã kỹ kren mũ, ti prũ fi mré, ti krẽ mré ke gé. Topẽ ki rã kỹ tóg ũ tỹ Topẽ kato vãsãnsãn mũ ag mré tĩg mãn ja tũ nĩ. Hã kỹ Topẽ vỹ, ti mỹ ũn jykre kuryj ag tỹ nén venh ke ẽn ven.