Mateus 12:3 - O Novo Testamento na língua Kaingáng

³ Hã ra tóg: “vó,” he mũ. “Davi tỹ nén han mũ to jykrén nĩ. Ti kókĩr nĩn kỹ tóg, ti tỹ nén han ke tũ han gé, ti mré mũ tĩ ag mré, hã ra Topẽ pijé ti to jũ mũ'.

Mateus 12:3 Iomraidhean Croise

Mateus 12:2

Kỹ pã'i ag tóg ag vég mũ. Kỹ ag tóg Jesus mỹ: “ha vé, ã mré mũ tĩ ag ne tóg, ag tỹ nén han ke tũ han mũ ha', vẽnhkán ke kurã ki'. Vẽnh rãnhrãj vẽ mỹr,” he mũ.

Mateus 12:4

Tag han ja ti nĩ, ha mẽ. Topẽ ĩn kã ra rã kỹ tóg, tá Topẽ jamĩ ẽn kó, tỹ ti tỹ konh ke tũ ra. Kỹ tóg ti mré mũ tĩ ag mỹ vin gé. Topẽ tũ ki rĩr tĩ ag hã tỹ konh ke vẽ vẽ. Hã kỹ tóg rán kỹ nĩ, Topẽ vĩ tỹ rán kỹ nĩ ki,” he tóg.

Mateus 12:5

“Kỹ Topẽ tũ ki rĩr tĩ ag jykre to jykrén nĩ gé. Tỹ vẽnhkán ke kurã ra ag tóg rãnhrãj mũgtĩ, Topẽ ĩn krẽm ti tũ ki rĩr kỹ. Hã kỹ ag tóg, tỹ vẽnhkán ke kurã ra ki vẽnhkán tũ nĩgtĩ gé, ge ra ag jykre tóg Topẽ mỹ há nĩ. Hã kỹ tóg rán kỹ nĩ gé.

Mateus 19:4

Kỹ tóg ag mỹ: “Topẽ vĩ rá ki vem nĩ,” he mũ. “Ki tóg rán kỹ nĩ, Topẽ tỹ nén han mũ ti. Ti tỹ nén kar han ve ki tóg ti mré fi han. Hã kỹ tóg tag tó mũ, ha mẽ. “Hã kỹ ũn gré tóg ti prũ fi to ti panh tovãnh kỹ tĩg mũ, ti mỹnh fi tovãnh kỹ ke gé. Ti prũ fi mré tóg tĩnh mũ. Fi mré tóg tỹ ũn pir nĩ sir, ti prũ fi mré,” he tóg, Topẽ ti.

Mateus 21:16

Hã kỹ ag tóg ti mỹ: “ã mỹ ag prẽnprẽr mẽg tũ'?“ he mũ. Kỹ tóg ag mỹ: “hã ra Topẽ vĩ rá to jykrén nĩ,” he mũ. “Ũn kãsir ag vỹ iso vĩ há han tĩ. Ũn pafa tĩ ag vỹ inh mỹ vĩ há han tĩ. Ã hã ne tag han', ũn kãsir ag tỹ inh mỹ vĩ há han jé, he tóg, Topẽ vĩ tỹ rán kỹ nĩ ki,” he tóg, Jesus ti.

Mateus 22:31

Kỹ Topẽ vĩ rá ũ to jykrén nĩ, ti tỹ ẽg ter ja tá vỹn ke tó ti. Topẽ hã ne tỹ vẽmén ja nĩ mỹr, hã kỹ tóg tag tó ja nĩ, ha mẽ.

Marcos 12:10

Kỹ tóg ag mỹ: “Topẽ vĩ rá tag to jykrén nĩ, ha mẽ,” he mũ. “Pó fón ag tóg, pó tỹ ĩn han tĩ ag. Ag mỹ tóg kórég ja nĩ. Hã ra Topẽ tóg pó ẽn hã tỹ ĩn nũna han mũ.

Marcos 12:26

“Topẽ vĩ ũ to jykrén nĩ. Topẽ tóg vãnh pũr kã ki Moisés mỹ: “Abraão vỹ iso: Topẽ, he tĩ, Isaque ke gé, Jacó ke gé,” he ja nĩ. Kãgter ag huri, hã ra Topẽ tóg: “tỹ inh ag Topẽ nĩ,” he ja nĩ, ag kãgter mũ ra.

Lucas 10:26

Kỹ tóg ti mỹ: “ne nỹ hỹn rán kỹ nĩ, Topẽ vĩ ki?” he mũ. “Topẽ jykre tỹ ne han jé ã ke mũ, hỹn'? To ke há ã tóg nĩ, ha inh mỹ tó,” he tóg.

Lucas 6:3

Hã ra tóg ag mỹ: “vó,” he mũ. “Ag kókĩnkĩr vẽ mỹr,” he tóg. “Davi to jykrén nĩ, ti mré mũ tĩ ag to ke gé. Ti kókĩr kỹ tóg ti tỹ nén han ke tũ han gé, hã ra Topẽ pijé ti to jũ mũ'.