Mateus 12:25 - O Novo Testamento na língua Kaingáng

²⁵ Hã ra Jesus tóg, ag tỹ nén to jykrén mũn ki kanhró nĩ. Kỹ tóg ag mỹ: “pã'i pir krẽm ke ag tỹ jagnẽ kato tẽgtẽn kỹ ag tóg jagnẽ kãgtén kãn ke mũ,” he mũ. “Ẽmã pir ki ke ag tỹ jagnẽ kato tẽgtẽ kỹ, ĩn pir krẽm ke fag tỹ jagnẽ kato tẽgtẽ kỹ fag tóg, vẽnh kãpãm kỹ nỹtĩnh mũ, kỹ fag tóg jagnẽ kãgtén kãn ke mũ.

Mateus 12:25 Iomraidhean Croise

Mateus 9:4

Hã ra Jesus tóg, ag tỹ nén to jykrén mũ ki kanhró nĩ. Kỹ tóg ag mỹ: “ãjag ne tóg iso jykrén kónãn mũ',” he mũ.

Marcos 2:8

Hã ra Jesus tóg ag jykre ki kanhró nĩ, ti fe tỹ. Kỹ tóg ag mỹ: “ãjag tỹ ne to jykrén kónãn nẽ?“ he mũ.

João 21:17

Kỹ tóg ti ki jẽmẽ mãn mũ gé, jẽmẽ tãgtũ han kỹ. “Simão', João kósin', ã mỹ iso há nĩ?“ he mãn tóg. Kỹ tóg ti mỹ e tĩ, ti tỹ ti mỹ ke tãgtũ han kỹ. Kỹ tóg: “nén kar ki kanhró ã tóg nĩ. Ki kanhró ã tóg nĩ. Hã kỹ ã tóg isỹ ã to há nĩ ki kanhró nĩ,” he mãn mũ. Kỹ Jesus tóg: “kỹ ũ tỹ inh ki ge kỹ nỹtĩ ag mỹ inh vĩ tóm nĩ,” he mãn mũ.

1 Corinto 2:11

Ge ti nĩ, ha mẽ. Ẽprã ke tỹ nén to jykrén mũ ki kanhró ẽg tóg nĩ. Kỹ ẽg ne tỹ ki kanhrãn tĩ'? Ẽg krĩ tỹ ẽg ki kanhrãn tĩ. Hã ra Topẽ kuprĩg vỹ Topẽ tỹ nén to jykrén mũ ki kanhrãn kãn tĩ. Ũ tỹ Topẽ kuprĩg tỹ jagrẽ tũ ẽn pijé ki kanhrãn ke mũ'.

Galácia 5:15

Jãvo ãjag tóg mĩg ri ke jagnẽ mãn sór mũ, jagnẽ to jũn kỹ. Jagnẽ tỹ tũ' he jé ãjag tóg ke mũ, gen kỹ, ha vem nĩ.

Hebreu 4:13

Nén kar ki kanhró tóg nĩ. Ti tỹ nén han mũ kar ki kanhró tóg nĩ. Nén ũ tóg ti mỹ vẽnh péju kỹ nĩ tũ pẽ nĩ. Ũ tóg ti vatánh tá nén ũ han ke tũ pẽ nĩ gé. Ki kanhró kar ti nĩ, ũ tỹ ẽg jykre tugnỹm ke mũ ẽn ti.

Nén Venh Ke 16:19

Ẽmã mág ẽn tóg vẽnh kãpóv kỹ nỹ ha, vẽnh kãpóv tãgtũ. Kỹ ga kar mĩ ẽmã tóg kókén kỹ nỹtĩ nĩ. Topẽ pijé ẽmã tỹ Babilônia kã jatu ja nĩgtĩ'. Ẽmã ẽn ki ke ag to tóg jũ jagy han mũ, Topẽ ti. Hã kỹ tóg ag vóg kónãn jagy han mũ. Kỹ tóg ẽg tỹ vinho kron ri ke nĩ.

Nén Venh Ke 2:23

Fi krẽ kãgtén kãn jé sóg ke mũ gé. Kỹ inh ki ge kỹ nỹtĩ kar ag vỹ inh jykre ki kanhró nỹtĩnh mũ. Vẽnh kar tỹ nén to jykrén mũ ẽn ve kãn sóg tĩ, ag tỹ nén han sór mũ ẽn ke gé. Ãjag tỹ nén han mũ ẽn ri ke han jé sóg ke mũ, ãjag mỹ, ha vem nĩ.