Mateus 12:15 - O Novo Testamento na língua Kaingáng

¹⁵ Hã ra tóg ki kanhró nĩ, ag tỹ ti tén sór ẽn ki. Kỹ tóg tá kãkutẽ mũ sir. Ti tĩg kỹ ũn tỹ hẽn ri ke ag tóg, ti nón mũ mũ, ũn kagyga ag ke gé, fag ke gé. Kỹ tóg ag tỹ há' he kãn mũ sir, fag tỹ ke gé.

Mateus 12:15 Iomraidhean Croise

Mateus 10:23

“Ag tỹ ẽmã ũ tá ãjag vóg kónãn kỹ ẽmã ũ ra pétẽm nĩ. Ki hã sóg tó mũ, ha mẽ. Israel ag jamã fĩn rãm kãn ke tũ ãjag tóg nĩ, kurã ẽn kã. Sĩ ti nĩ, ag tỹ ãjag vóg kónãn ke kurã ẽn ti. Kãtĩg jé sóg ke mũ, ag tỹ gen kỹ ãjag vóg mũ ra. Tỹ sóg ẽprã ke fi kósin nĩ, mỹr, ha mẽ.

Mateus 19:2

Kỹ ũn e ag tóg ti nón mũ mũ. Kỹ tóg tá ag kygtãg kãn mũ sir.

Marcos 6:56

Ti tỹ ẽmã ũ tá jun kỹ ag tóg vẽnh kaga gé kãmũ tĩ. Kỹ ag tóg ĩn prur ki ag vin tĩ. Ẽmã mág tá ag tóg ge tĩ, ẽmã kãsir mĩ, vãnh kã mĩ ke gé. “Mỹ ã mỹ há, ẽg tỹ ã kur tóv mẽ jé?“ he ag tóg tĩ. Kỹ ag tóg há' há' he kãn tĩ sir, ag tỹ ti kur tóv mẽn kỹ.

Lucas 5:22

Hã ra tóg ag tỹ nén to jykrén mũ ki kanhró nĩ. Kỹ tóg ag mỹ: “ãjag tỹ ne jé iso jykrén kónãn nẽ?” he mũ.

Lucas 6:12

Ẽn kã tóg kejẽn pãnónh ra tĩ mũ, Topẽ mré vẽmén jé. Kuty ẽn kã tóg Topẽ mré vĩ nĩ ki kurãg mũ.

Lucas 9:11

Hã ra ũn e ẽn ag tóg mẽg mũ, kỹ ag tóg ti nón mũ mũ. Ag tỹ ti pétẽm kỹ tóg ag mỹ vĩ há han mũ. Ag mỹ tóg Topẽ tỹ tỹ ẽg pã'i nĩnh ke kãmén mũ. Kỹ tóg ag kã mĩ ũn kagyga tỹ há' he mũ gé, fag mré hã.

João 11:54

Hã kỹ Jesus tóg vẽnh péju kỹ tĩ mũ, ga kórég ra, ẽmã tỹ Efraim ra. Judeu ag mĩ tóg tĩg mãn tũ nĩ sir. Efraim hã tá tóg nĩ nĩ ver, kỹ ti mré mũ tĩ ag vỹ ti mré tá nỹtĩ gé.

João 7:1

Tag pãte Jesus tóg Galiléia mĩ tĩ mũ. Judéia ra tĩg sór tũ tóg nĩ ver, ag tỹ tá ti tén sór kỹ, Judeu ag pã'i ag.

João 9:4

Isỹ ũ tỹ inh jẽnẽg mũ ẽn tỹ inh mỹ nén tó mũ ẽn han sór vẽ. Ver tóg inh mỹ kurã nĩ, sỹ rãnhrãj jé. Kãnhmar tóg kuty nỹnh mũ, kỹ ũ tóg rãnhrãj mãn ke tũ nĩ, iser ke kurã ẽn kã,” he tóg.

Galácia 6:9

Hã kỹ nén ũ há han to krónh ke tũg nĩ. Ve jé ẽg tóg ke mũ, Topẽ tỹ ẽg mỹ nén ũ há han ke ti.

1 Pedro 2:21

Hã jé Topẽ tóg ãjag kuprẽg. Cristo vỹ ẽg jagfy vẽsỹrénh gé, mỹr, ha mẽ. Ti vẽsỹrénh tugrĩn ẽg tóg ti to tar nỹtĩnh mũ, ẽg tỹ kejẽn ti ri kén jagtar nỹtĩnh ken kỹ.