Mateus 12:10 - O Novo Testamento na língua Kaingáng

¹⁰ Hã ra ũ nĩgé tóg vỹ tá nĩ nĩ. Kỹ ag tóg ón kỹ Jesus mỹ: “mỹ há nỹ, ẽg tỹ vẽnhkán ke kurã ki ũ kygtãg ke tag ti?“ he mũ. Ag tỹ pã'i ag mỹ: “vẽnhkán ke kurã ki tóg Topẽ vĩ mranh tĩ, ti tỹ ũ kygtãg kỹ,” he sór vẽ.

Mateus 12:10 Iomraidhean Croise

Mateus 12:2

Kỹ pã'i ag tóg ag vég mũ. Kỹ ag tóg Jesus mỹ: “ha vé, ã mré mũ tĩ ag ne tóg, ag tỹ nén han ke tũ han mũ ha', vẽnhkán ke kurã ki'. Vẽnh rãnhrãj vẽ mỹr,” he mũ.

Mateus 19:3

Kỹ pã'i ag tóg ti tá junjun mũ gé sir. Ag tỹ ón kỹ ti vĩ mẽ sór vẽ, vẽnh prũ fón ke to. Kỹ ag tóg ti mỹ: “mỹ ẽg tỹ nén ũ ũ to ẽg prũ fag fón jé há nĩ'?“ he mũ.

Marcos 3:2

Kỹ ag tóg ti tugnỹm mũ sir. “Kema ti tỹ vẽnhkán ke kurã ki ti tỹ há' he ve jé,” he ag tóg mũ. Ag tỹ pã'i ag mỹ ti tó sór vẽ, ti tỹ vẽnhkán ke kurã ki Topẽ vĩ mranh kỹ.

Lucas 11:54

Ón kỹ ag tóg ti ki jẽmẽg tĩ gé sir. Hã ra ag tóg ti vĩ mẽ há han tũ nĩ sir. Nén ũ pir hã to ag tóg jykrén mũ, hã vỹ: ti kãgmĩnh ke, he mũ.

Lucas 13:14

Hã ra vẽnh kanhrãn jafã to pã'i tóg Jesus to jũ mũ, ti tỹ vẽnhkán ke kurã ki fi tỹ há' hen kỹ. Kỹ tóg vẽnh kar jyvẽn kỹ ag mỹ: “kurã tỹ 6 (ke) hã ki ẽg tóg rãnhrãj ke mũ ha,” he mũ. “Hã kỹ kurã tỹ 6 (ke) ẽn ki kãmũm nĩ, ti tỹ ãjag tỹ há' hen jé. Vẽnhkán ke kurã ki vẽnh kygtãg kãmũ tũg nĩ,” he tóg mũ.

Lucas 20:22

“Kỹn mỹ há nỹ, ẽg tỹ fóg tỹ pã'i mág tỹ imperador mỹ jãnkamy nĩm ti, imposto kajãm jé? Ẽg mỹ hỹn nĩm mũ', nĩm ke tũ nĩ vó?“ he ag tóg.

Lucas 23:14

Kỹ tóg ag mỹ: “ãjag ne inh mỹ ti fẽg',” he mũ, “kỹ ãjag ne ti to: “vẽnh kar krĩn kónãn tóg tĩ,” he mũ'. Ãjag rĩnve sóg ti ki jẽmẽ huri, hã ra sóg ve ja tũ nĩ, ãjag tỹ ti to nén tó ja ti. Nén ũ kórég han ja tũ tóg nĩ.

Lucas 23:2

Tá ag tóg ti mỹ: “vẽnh kar krĩn kónãn tóg tĩ, ag tỹ vẽjykre há tovãnh jé,” he mũ. “Kỹ tóg ẽg mỹ: “pã'i mág tỹ imperador mỹ imposto nĩm tũg nĩ,” he tĩ gé. Kỹ tóg vẽso: “tỹ inh Cristo nĩ, pã'i mág ti,” he tĩ gé,” he ag tóg mũ.

João 5:10

Ti tỹ vẽnhkán ke kurã ki ti kỹmỹ va tĩg kỹ pã'i ag tóg ti mỹ: “vẽnhkán ke kurã ki ẽg tóg nén ũ va tĩg ke tũ nĩ vẽ,” he mũ.

João 5:3

Ẽn tá vẽnh kaga tỹ hẽn ri ke ag vỹ nỹtĩgtĩ, ũn kyvó ag, ũn tĩg vãnh ag, ũn grĩn grĩn kỹ nỹtĩ ag ke gé.

João 7:23

Ãjag tỹ Moisés vĩ ki króm jé ãjag tóg vẽnhkán ke kurã ki rãnhrãj tĩ. Hã ra ãjag tóg iso jũ sór mũ, isỹ vẽnhkán ke kurã ki ũn kaga pir tỹ há' hen kỹ.

João 8:6

Ag tỹ ón kỹ ti vĩ mẽ sór vẽ, ag tỹ ti vĩ to ti se jé. Hã ra tóg pãnh ke kỹ nĩ kỹ ga kri rán mũ, ti nĩgé tỹ. Vĩ tũ tóg nĩ.

João 9:16

Hã ra pã'i ag kã mĩ ũ ag tóg Jesus to: “Topẽ pijé ti jẽnẽ',” he mũ. “Vẽnhkán ke kurã ki tóg vẽnhkán vãnh nĩgtĩ, kỹ tóg kórég nĩ,” he ag tóg mũ. Hã ra ũ ag tóg ti to: “hã ra tóg nén ũ há tãvĩ han,” he mũ gé. “Ti kórég nĩ ran hỹn tag han ki kagtĩg nĩnh mũ vẽ,” he ag tóg, pã'i ũ ag. Hã kỹ ag vẽnh kãpãm kỹ nỹtĩ.