Mateus 11:7 - O Novo Testamento na língua Kaingáng

⁷ Kỹ ag tóg mũ mũ sir, João mỹ tó jé. Ag mũ kar kỹ tóg, vẽnh e ag mỹ ti kãmén mũ. “Ãjag tỹ ẽmã tũ ja ra mũn kỹ, ti ve jé, kỹ ti jykre hỹn ne ri ke nĩ, ãjag mỹ?“ he tóg. “Ti jykre mỹ kãka tỹ vãnh tỹ man man ke ri ke nĩ? Vó, ri ke tũ ti nĩ.

Mateus 11:7 Iomraidhean Croise

Mateus 11:8

Kỹ ti jykre mỹ ãjag mỹ ũn kur sĩnvĩ ag jykre ri ke nĩ'? Vó, ũn kur sĩnvĩ ag vỹ, ẽmã mág tá nỹtĩgtĩ, pã'i ag ĩn krẽm.

Mateus 12:20

Ẽprã ke ag tỹ inh vĩ mranh kỹ ag tóg vãn tóg tỹ kamkam ke ẽn ri ke nỹtĩ. Hã ra ti pijé ag tỹ kamkam ke kãn ke mũ', isỹ ũ to: inh fe, he mũ ẽn ti. Néj gru tỹ nhyn ke sór ẽn ri ke ag nỹtĩ gé. Ti pijé ag tỹ nhyn kenh ke mũ'. Ag mỹ tóg vĩ há han ke mũ. Tag kar kỹ sóg kejẽn vẽnh kar jykre tugnỹm ke mũ.

Mateus 21:25

“João vỹ ag kygpég tĩ ja nĩgtĩ. Kỹ ti mỹ kanhkã tá vẽjykre han ja nĩgtĩ', ẽprã vẽjykre vó? Ũ nỹ ti jẽnẽ?“ he tóg. Kỹ ag tóg ti vĩ to jykrén mũ jagnẽ mré. “Ẽg tỹ ti mỹ: Topẽ tỹ ti jẽnẽ ja vẽ, hen kỹ tóg ẽg mỹ: kỹ ãjag tỹ ne jé ti vĩ kri fig tũ nĩ nẽ? henh ke mũ.

Mateus 3:5

Kỹ Jerusalém tá ke ag tóg ti tá junjun mũ sir, ga tỹ Judéia tá ke ag ke gé, goj tỹ Jordão tá ke kar ag ke gé.

Lucas 8:18

“Hã kỹ jẽmẽ há han nĩ. Ũ tỹ to jykrén há han kỹ tóg, ũ to jykrén mãn', ũ to jykrén mãn', henh ke mũ. Ũ tỹ inh vĩ to jykrén há han tũ nĩn kỹ tóg ti mỹ tũ' he kãn ke mũ, ti tỹ nén ũ to jykrén mũ kar ẽn mré hã,” he tóg.

João 1:38

Kỹ tóg ag mỹ: “ne nẽ?“ he mũ. Kỹ ag tóg: “Rabi', ã hẽ tá ẽmã nĩ?“ he mũ. Rabi to ken hã vẽ, hã vỹ: ẽg kanhrãn tĩ, he mũ.

João 5:35

“João vỹ ãjag mỹ néj gru ri ke ja nĩ, ãjag mỹ kurã sĩ han kỹ, ti tỹ ãjag mỹ Topẽ vĩ kãmén ja nĩn kỹ. Kỹ tóg ãjag mỹ sér tĩ ja nĩ. Hã ra tóg kurã e han ja tũ nĩ.

Éfeso 4:14

Ẽg tỹ gĩr ri ke nỹtĩn kỹ tóg ti mỹ há tũ nĩ. Gĩr ag tóg, ag tỹ nén ũ mẽ kỹ kãnhmar nén ũ nón tĩ', nén ũ nón tĩ', he tĩ. Ẽg tỹ ti vĩ to gĩr tỹ ki kagtĩg ẽn ri ke nỹtĩn kỹ tóg ẽg tỹ ũn ón mũ vĩ kri nĩm ja há tĩ, ẽg tỹ ki kagtĩg nỹtĩn kỹ. Ũ ag tóg Topẽ vĩ to ón tĩ. Ag tỹ ẽg tỹ ag mré kygnẽ han sór vẽ.

Tiago 1:6

Ãjag tỹ ti mỹ nén ũ to vĩn kỹ: “ẽg mỹ tóg han tĩ, Topẽ ti,” hem nĩ. Ãjag tỹ: “ti mỹ inh mỹ han mũ vỹ?“ hen kỹ ãjag tóg venh ke tũ nĩ. Kỹ ãjag tóg goj ri ke nỹtĩ. Goj tóg kejẽn fagrĩnh mỹ krém krém ke tĩ, kãka tỹ ti kã nĩ kỹ. Ẽn ri ke tóg nĩ, ũ tỹ Topẽ vĩ kri fig tũ ẽn ti.