Mateus 11:25 - O Novo Testamento na língua Kaingáng

²⁵ Kỹ tóg: “jóg',” he mũ. “Tỹ ã kanhkã tãn ag kãfór kar nĩ, kar kỹ ã tỹ ẽprã ke ag kãfór kar nĩ gé,” he tóg. “Inh mỹ tóg há tĩ, ã tỹ nén han mũ ti. Ũ tỹ: ki kanhró mág inh nĩ, he mũ ag mỹ ã tóg, ã jykre ven ja tũ nĩ. Ag mỹ ã tóg kãmén ja tũ nĩ gé. Ũ tỹ gĩr ri ke ki kagtĩg ag hã mỹ ã tóg ven ja nĩ, ã jykre ti,” he tóg.

Mateus 11:25 Iomraidhean Croise

Mateus 16:17

Kỹ Jesus tóg ti mỹ: “Simão', João kósin',” he mũ. “Ẽprã ke tỹ ã mỹ tó pijé', inh jóg tỹ kanhkã tá nĩ ẽn tỹ ã mỹ tó vẽ. Hã kỹ tóg ã ve há han mũ, Topẽ ti,” he tóg.

Mateus 21:16

Hã kỹ ag tóg ti mỹ: “ã mỹ ag prẽnprẽr mẽg tũ'?“ he mũ. Kỹ tóg ag mỹ: “hã ra Topẽ vĩ rá to jykrén nĩ,” he mũ. “Ũn kãsir ag vỹ iso vĩ há han tĩ. Ũn pafa tĩ ag vỹ inh mỹ vĩ há han tĩ. Ã hã ne tag han', ũn kãsir ag tỹ inh mỹ vĩ há han jé, he tóg, Topẽ vĩ tỹ rán kỹ nĩ ki,” he tóg, Jesus ti.

Lucas 22:42

Kỹ tóg: “panh', mỹ ã tỹ inh vẽsỹrénh ke tag tỹ tũ' he jãvãnh? Hã ra isỹ ã mỹ nén to vĩ mũ tag han tũg nĩ. Ã tỹ nén han ke mũ ẽn hã han nĩ,” he mũ.

Lucas 23:34

Kỹ Jesus vỹ: “panh', ag mỹ vẽnh pãte fón nĩ,” he mũ. “Ag pijé ki kanhró nỹtĩ', ag tỹ nén han mũ tag ki,” he tóg. Kỹ soldado ag tóg ti kur tỹ jagnẽ mỹ vẽnh ken mũ, to ag tóg joga he mũ sir.

João 11:41

Kỹ ag tóg pó ẽn kunũg mũ. Kỹ tóg kanhkã ki ẽvãnh kỹ: “panh', inh mỹ tóg há tĩ. Inh vĩ tag jẽmẽg ã tóg mũ,” he mũ.

João 12:27

“Ũri tóg inh mỹ e tĩ,” he tóg. “Krĩ kufy jagy isóg nĩ. Ge ra sóg inh panh mỹ: inh kren han nĩ, inh jagtar tũ nĩ jé, he sór tũ nĩ. Inh vẽsỹrénh hã jé sóg kãtĩg, ti tỹ inh mỹ jagy pẽ (hã) ra.

João 12:28

Tag tó jé sóg ke mũ, inh panh mỹ, hã vỹ: vẽnh kar mỹ ven nĩ, ã tỹ tỹ ũn mág nĩ tag ti, he mũ,” he tóg. Ti tỹ tag tó kỹ vãhã Topẽ tóg ti mỹ vĩ mũ, kanhkã tá nĩ kỹ. Kỹ tóg jamã há ra ti mỹ: “ag mỹ sóg ven huri. Hã ra sóg ag mỹ ven mãn ke mũ gé, isỹ tỹ ũn mág nĩ ti,” he mũ.

Han Kãme 17:24

Topẽ ẽn vỹ mundo kar han, mĩ mũ kar ke gé. Kanhkã tãn vẽ mỹr, kỹ tóg tỹ ga to pã'i nĩ gé. Hã kỹ tóg ẽg tỹ ti ĩn han krẽm nĩ tũ nĩgtĩ.

1 Corinto 2:10

Kỹ tóg ẽg hã mỹ tó ja nĩ. Ti kuprĩg tỹ tóg ẽg kanhrãn ja nĩ, to. Ti kuprĩg vỹ nén kar to jykrén tĩgtĩ, Topẽ tỹ nén to jykrén mũ mré hã.

2 Corinto 3:14

Hã ra ag tóg ũri ki kagtĩg nỹtĩ gé ver. Kyvó ri ke ag nỹtĩ, kutu, Israel ag. Ag tỹ vãsỹ rán kỹ nĩ ẽn to ke mũ ra tóg ag mỹ Moisés vẽnh pugrĩn kỹ nĩ ẽn ri ke nĩ. Ki kagtĩg ag nỹtĩ. Ũri ẽg tóg Cristo hã tugrĩn vãsỹ nén rán kỹ nĩ ẽn to jykrén há han mũ ha, ag jãvo.