Mateus 11:22 - O Novo Testamento na língua Kaingáng

²² “Tiro tá ke ag vỹ, vẽsỹrénh ke mũ, kurã tỹ ẽgno ẽn kã, Sidom tá ke ag ke gé, ag jykre pãno to. Hã ra ãjag tóg, ag vẽsỹrénh kãfór han ke mũ, ha vem nĩ, ãjag tỹ inh vég mũ ra inh ki ge sór tũ nĩn kỹ. Ki hã sóg tó mũ,” he tóg.

Mateus 11:22 Iomraidhean Croise

Mateus 10:15

Ha mẽ, ki hã sóg tó mũ. Kurã tỹ ẽgno kã, isỹ vẽnh kar jykre tugnỹm ke kurã ẽn kã ag tóg, jagtar nỹtĩnh mũ sir, ag tỹ ãjag vĩ mẽ jãvãnh nỹtĩn kỹ. Ẽmã tỹ Sodoma mré ẽmã tỹ Gomorra tá ke ag tóg jykre pãno nỹtĩ ja nĩgtĩ. Kỹ ag tóg jagtar nỹtĩnh ke mũ gé. Hã ra ũn tỹ ãjag vĩ jẽmẽ jãvãnh ẽn ag tóg ag jagtar kãfór han ke mũ mỹr, ha vem nĩ,” he tóg.

Mateus 11:21

Kỹ tóg: “ẽmã tỹ Corazim ki ke ag mỹ sóg tag tó sór mũ, ẽmã tỹ Betsaida tá ke ag mỹ ke gé, ha mẽ,” he mũ. “Kórég ve jé ãjag tóg ke mũ. Milagre tỹ hẽn ri ke hynhan isóg ãjag mỹ, hã ra ãjag tóg, ãjag jykre tovãnh sór tũ nĩ. Ẽmã tỹ Tiro tá, ẽmã tỹ Sidom tá sóg hynhan ja tũ nĩ. Sỹ tá hynhan ra ag tóg vãsỹ, ag jykre tovãnh ke mũ vẽ. Kygfỹ ag mũ vẽ, ag jykre pãno tỹ ag mỹ e tĩn kỹ,” he tóg.

Mateus 11:24

Kurã tỹ ẽgno kã ag tóg vẽsỹrénh ke mũ. Hã ra ãjag tóg, ag vẽsỹrénh kãfór han ke mũ, sỹ vẽnh kar jykre tugnỹm ke kurã ẽn kã, ãjag tỹ inh vég mũ ra inh ki ge sór tũ nỹtĩn kỹ,” he tóg.

Mateus 12:36

“Ha mẽ, kurã tỹ ẽgno kã, isỹ vẽnh kar jykre tugnỹm ke kurã ẽn kã sóg, ãjag vĩ tugnỹm ke mũ. Ãjag tỹ ón kỹ vĩ ja ẽn ve jé sóg ke mũ gé. Ãjag tỹ nén tó ja kar tugnỹm jé sóg ke mũ, ha vem nĩ,” he tóg.

Lucas 10:14

“Tiro tá ke ag vỹ vẽsỹrénh kãn ke mũ, kurã tỹ ẽgno ẽn kã, Sidom tá ke ag ke gé, ag jykre pãno to. Ag vẽsỹrénh kãfór han jé ãjag tóg ke mũ, ha vem nĩ,” he tóg.

Hebreu 2:3

Kỹ ẽg tóg ũri kren ke tũ nĩ gé, ẽg tỹ ti to é hen kỹ. Nén ũ mág pẽ vẽ mỹr, Topẽ tỹ ẽg krenkren han sór mũ tag ti. Ẽg Senhor vỹ ti mré mũ tĩ ag mỹ tó vén. Ũ tỹ ti vĩ mẽg mũ ag vỹ ẽg mỹ tó ja nĩgtĩ gé. Hã kỹ ẽg tóg ki kanhró nỹtĩ ha.

2 Pedro 2:9

Ũ tỹ ti to: “ũn mág vỹ tỹ ti nĩ,” he mũ ag krenkren han ki kanhró tóg nĩ, Topẽ ti. Hã ra tóg ũ tỹ vẽjykre pãno han mũ ag vóg kónãn ke mũ, ti tỹ vẽnh kar jykre tugnỹm ke kurã ẽn kã.

2 Pedro 3:7

Kỹ ẽg tỹ ũri nén vég mũ tag vỹ tũ' henh ke mũ gé, ha vem nĩ. Topẽ vỹ ti tỹ tũ' henh ke to kurã nĩm huri. Kỹ tóg pĩ tỹ ti tỹ tũ' henh ke mũ, Topẽ tỹ: “tág',” hen kỹ. Kurã ẽn kã Topẽ vỹ ũ tỹ ti vĩ mranh mũ ag tỹ tũ' he kãn ke mũ gé. Ag vóg kónãn ke kurã vẽ sir.

1 João 4:17

Topẽ vỹ ẽg tar han sór mũ, ẽg tỹ ti to há tãvĩ nỹtĩn jé. Ẽg tỹ ti to há nỹtĩ ki kygnẽg tũ nĩn kỹ ẽg tóg kurã ẽn kã kanẽ jur ke tũ nĩ, ti tỹ ẽg jykre tugnỹm ke kurã ẽn kã. Cristo tỹ ga kri tĩg kỹ nén han mũ ẽn ri ke han jé ẽg tóg ke mũ. Hã kỹ ẽg tóg kanẽ jur ke tũ nĩ.

Nén Venh Ke 20:11

Kỹ sóg nĩgja mág pẽ vég mũ gé, nĩgja kupri. Ũ tóg kri nĩ nĩ. Ti rĩnve ga tóg tũ' he mũ vãhã, kanhkã ti ke gé. Vẽnh ven mãn tũ tóg nĩ, kanhkã mré ga ti.

Nén Venh Ke 20:12

Kỹ sóg vẽser kar vigvég mũ, ũn mág ag, ũn kãsir ag ke gé. Nĩgja kupri ẽn jo ag tóg nỹtĩ. Kỹ livro vỹ tá nỹtĩ gé. Livro ẽn kygvãg ag tóg mũ. Vẽnh kar jykre vỹ ki ránrán kỹ nỹtĩ. Kỹ livro ũ vỹ tá nĩ gé. Ẽn kavãg ag tóg mũ gé. Ũ tỹ rĩr krỹg ja tũ venh ke mũ ag jygji vỹ ki ránrán kỹ nỹtĩ. Kỹ Topẽ tóg ũn kãgter mũ kar jykre tugnỹm ke mũ. Kỹ tóg ag mỹ ag tỹ nén venh ke mũ ti tónh ke mũ. Ag tỹ ag jykre tỹ livro ki ránrán kỹ nỹtĩ ẽn kajãm kãn ke vẽ.