Mateus 11:21 - O Novo Testamento na língua Kaingáng

²¹ Kỹ tóg: “ẽmã tỹ Corazim ki ke ag mỹ sóg tag tó sór mũ, ẽmã tỹ Betsaida tá ke ag mỹ ke gé, ha mẽ,” he mũ. “Kórég ve jé ãjag tóg ke mũ. Milagre tỹ hẽn ri ke hynhan isóg ãjag mỹ, hã ra ãjag tóg, ãjag jykre tovãnh sór tũ nĩ. Ẽmã tỹ Tiro tá, ẽmã tỹ Sidom tá sóg hynhan ja tũ nĩ. Sỹ tá hynhan ra ag tóg vãsỹ, ag jykre tovãnh ke mũ vẽ. Kygfỹ ag mũ vẽ, ag jykre pãno tỹ ag mỹ e tĩn kỹ,” he tóg.

Mateus 11:21 Iomraidhean Croise

Mateus 11:22

“Tiro tá ke ag vỹ, vẽsỹrénh ke mũ, kurã tỹ ẽgno ẽn kã, Sidom tá ke ag ke gé, ag jykre pãno to. Hã ra ãjag tóg, ag vẽsỹrénh kãfór han ke mũ, ha vem nĩ, ãjag tỹ inh vég mũ ra inh ki ge sór tũ nĩn kỹ. Ki hã sóg tó mũ,” he tóg.

Mateus 15:21

Kỹ Jesus tóg tá kãkutẽ kỹ ga ũ ra tĩ mũ, ẽmã tỹ Tiro ra, ẽmã tỹ Sidom ra.

Mateus 18:7

“Topẽ vỹ ẽn vóg kónãn pẽ han ke mũ. Ũ tỹ hẽn ri ke ag tóg ag krĩn kónãn tĩ. Hã ra ag tóg to jagtar tãvĩ han ke mũ, ha vem nĩ,” he tóg.

Mateus 26:24

“Tĩg jé sóg ke mũ, isỹ tỹ ẽprã ke fi kósin nĩn kỹ, hã kỹ tóg rán kỹ nĩ. Hã ra Topẽ tóg ũ tỹ ag mỹ inh fẽg ke mũ ẽn mỹ vĩ kónãn pẽ han ke mũ. Ti mur tũ nĩ ra tóg ti mỹ há tĩ vẽ,” he tóg.

Marcos 3:8

ẽmã tỹ Jerusalém tá, ga tỹ Iduméia tá, goj tỹ Jordão mã tá, ẽmã tỹ Tiro tá, ẽmã tỹ Sidom tá ke gé. E tãvĩ ag nỹtĩ, e pẽ. Ti tỹ nén han mũ kar mẽ kỹ ag tóg ti to kãmũ mũ.

Marcos 6:45

Vẽsỹmér Jesus tóg ti mré mũ tĩ ag mỹ: “ijo kafã ũ ra mũjẽg, ẽmã tỹ Betsaida ra,” he mũ. “Isỹ ũn e tag ag mỹ: ha mũjẽg, henh ke vẽ ver,” he tóg.

Marcos 7:24

Kỹ tóg tá kãkutẽ mũ sir, ẽmã tỹ Tiro ra tĩg jé, ẽmã tỹ Sidom ra ke gé. Tá tóg ĩn ũ krẽm rã mũ, kỹ tóg: “ker ũ inh nĩgja ki kanhrãn hẽ',” he mũ. Ge ra ag tóg ki kanhrãn mũ.

Marcos 7:31

Kỹ Jesus tóg ẽmã tỹ Tiro ki ga ki kutẽ mũ. Kỹ tóg ẽmã tỹ Sidom mĩ tĩ mũ gé sir. Ẽmã tỹ 10 (ke) fĩn rãm kỹ tóg ga tỹ Galiléia ki goj nig mág tá jun mũ sir.

Marcos 8:22

Kỹ ag tóg kafã ũ tá junjun mũ sir, ẽmã tỹ Betsaida tá. Kỹ tá ke ag tóg ũn kyvó pére kãmũ mũ, ti tỹ ti nĩgé tỹ ti mẽ kỹ ti tỹ há' he jé.

Lucas 4:26

Kỹ tóg Elias jẽnẽ, ti tỹ ẽmã tỹ Sarepta ra tĩg jé, Sidom to hã. Tá fóg ũ fi tóg nĩ nĩ, ũn mén ter ja fi. Fi hã mré tóg jẽg mũ sir. Topẽ tỹ fi hã to ti jẽnẽ ja vẽ, ti tỹ fi kren han jé. Elias jamã tá fag tóg e ja nỹtĩgtĩ gé, ũn mén ter ja fag. Hã ra Topẽ tóg fóg ẽn fi hã to ti jẽnẽ ja nĩgtĩ,” he tóg.

Lucas 6:17

Kỹ Jesus tóg ag mré pãnónh ẽn tá kãtére mũ sir, kỹ tóg kyjer tá jẽ nĩ. Ti mré mũ tĩ tỹ hẽn ri ke ag vỹ tá nỹtĩ gé, fag ke gé. Ũ tỹ hẽn ri ke ag vỹ ti ki junjun ja nĩgtĩ, ga tỹ Judéia tá kãmũ kỹ, ẽmã tỹ Jerusalém tá ke gé, ẽmã tỹ Tiro tá ke gé, Sidom tá, goj kafã tũ fyr tá kãmũ kỹ ke gé. Hã kỹ tóg fór pẽ tãvĩ nĩ.

Lucas 9:10

Kejẽn Jesus tỹ ũn vin mũ ag vỹ ti to vỹnvỹn ke mũ, ti tỹ ag jẽgnẽ ja ẽn tá. Ti mỹ ag tóg kãmén mũ sir. Kỹ tóg ag mré vẽnh péju kỹ tĩ mũ, ẽmã tỹ Betsaida ra, vyr mỹ ag mré vẽmén jé.

João 1:44

Hã ra Filipe vỹ tỹ Betsaida tá ke nĩ, André mré Simão jamã ẽn tá ke.

João 12:21

Ẽn ag vỹ Jesus ve sór mũ. Hã kỹ ag tóg Filipe mré vĩ mũ. Tỹ tóg ga tỹ Galiléia tá ẽmã tỹ Betsaida tá ke nĩ, Filipe ti. Kỹ fóg tỹ Grego ẽn ag tóg ti mỹ: “ẽg tỹ Jesus venh há tóg tĩ,” he mũ.

Han Kãme 12:20

Herodes tóg ẽmã tỹ Tiro tá ke ag to jũ mũ, ẽmã tỹ Sidom tá ke ag to ke gé. Ẽn ag tóg Herodes nĩgja tá junjun mũ. Kỹ ag tóg pã'i sĩ mré vĩ mũ, ti jiji hã vỹ: Blasto, he mũ. Herodes vỹ ti tỹ pã'i han ja nĩ. Ẽn mỹ ag tóg to vĩ mũ, ti tỹ ag jagfy vĩ jé, Herodes mré. Ti tỹ ag to jũ nĩn kỹ ag tóg tá vẽjẽn ve mãn tũ nĩ sir. Hã kỹ ag tóg ti fe tỹ há' he sór mũ, ti tỹ ag mỹ vẽjẽn vẽne he mãn jé.

Han Kãme 27:3

Tỹ vaj kỹ ẽg tóg ẽmã tỹ Sidom tá krỹg mũ sir. Kỹ Júlio tóg Paulo mỹ vĩ há han kỹ ti mỹ: “ã mré ke ag venh tĩg, ag tỹ ã ki rĩr jé,” he mũ.

Judas 1:11

Ag ve kónãn ti tĩ, Topẽ ti. Caim tỹ Topẽ vĩ kato tẽ ja ẽn ri ke han ag tóg mũ. Ag tỹ riko nỹtĩ sór kỹ ag tóg vẽjykre kórég tó tĩ, Balaão tỹ vẽjykre kórég tó ja ẽn ri ke. Coré ri ke ag tóg Topẽ kato tẽ tĩ. Hã ra ag tóg tag to nũgme ki vár ke mũ.

Nén Venh Ke 11:3

Ũ tỹ inh vĩ tó tĩ régre ag jẽgnẽ jé sóg ke mũ. Kur kórég rĩnh kỹ ag tóg isỹ ag mỹ nén tónh ke mũ ẽn tónh ke mũ, kurã tỹ 1260 (ke) ẽn ki,” he tóg inh mỹ, ag kã mĩ ũ ti.

Nén Venh Ke 6:12

Kỹ sóg cordeiro ve mãn mũ. Kỹ tóg livro tógfĩ ũ kavãg mũ gé. Ti tógfĩ tỹ 6 (ke) tá krỹg vẽ sir. Kỹ ga tóg jũrũn ke mũ. Rã vỹ kuty' he mũ, kur sá kuty ẽn ri ke. Kysã vỹ kusũg' he mũ gé.