Mateus 11:19 - O Novo Testamento na língua Kaingáng

¹⁹ Ti jãvo sóg vãkrég tũ nĩgtĩ. Jẽg sóg tĩ, kron sóg tĩ gé. Kỹ ãjag tóg iso: “ti hã ne jẽg tĩ', ti hã ne kron tĩ', ti hã ne governo mỹ jãnkamy mãg tĩ ag to há nĩgtĩ', ti hã ne Topẽ vĩ mranh tĩ ag hã to há nĩgtĩ',” he tĩ sir, ẽprã ke fi kósin to. Kỹ João jykre tóg, ãjag mỹ kórég nỹ, ti vãkre to. Jãvo inh jykre tóg ãjag mỹ kórég nỹ gé, inh vãkrég tũ to. Hã ra ẽg tóg ẽg tỹ ũ jykre tugnỹm kỹ ti jykre há ẽn ki kanhró nĩ sir,” he tóg, Jesus ti.

Mateus 11:19 Iomraidhean Croise

Mateus 5:46

“Ãjag mré ke ũ ag tóg, ãjag to há nỹtĩ. Ãjag tỹ tag ag hã to há nỹtĩn kỹ, fag hã to há nỹtĩn kỹ tóg, tỹ nén ũ tũ nĩ ver. Ũn jykre kórég ag vỹ ge nỹtĩgtĩ gé, governo mỹ jãnkamy mãg tĩ ag. Ũ tỹ ag to há nỹtĩ ẽn ag hã to ag tóg, há nỹtĩgtĩ, vẽnh kato. Há ti nĩ, hã ra tóg tỹ nén ũ tũ nĩ ver.

Lucas 14:1

Kejẽn tóg vẽnhkán ke kurã tá krỹg mũ. Kỹ tóg Fariseu ag pã'i ũ ĩn krẽm nĩ nĩ, ti mré jẽn jé. Hã ra ag tóg tá ti tỹ rĩr mũ. “Ti mỹ vẽnhkán ke kurã ki rãnhrãj ke tũ?” he ag tóg mũ.

Lucas 19:7

Hã ra vẽnh e ẽn tóg Jesus to jũ kỹ ti mỹ: “Topẽ vĩ mranh tĩ vẽ, hã ra tóg ti ĩn krẽm nũr sór mũ,” he mũ.

Lucas 7:29

“Jo ũ tỹ hẽn ri ag tóg João vĩ mẽ há han ja nĩgtĩ, governo mỹ jãnkamy mãg tĩ ag mré hã. Hã kỹ tóg ag kygpe ja nĩgtĩ.

João 2:2

Kỹ ag tóg Jesus mỹ tó mũ gé, ti tỹ fénhta venh kãtĩg jé, ti mré mũ tĩ ag mré.

Roma 15:2

“Mỹ inh régre mỹ há nĩ vỹ?“ he jé ẽg tóg ke mũ. Ti tỹ ti mỹ há tũ nĩn kỹ ẽg han ke tũ nĩ. Ẽg tỹ ti tar han sór vẽ, ẽg tỹ nén han mũ kar tỹ.

Nén Venh Ke 7:12

Kỹ ag tóg: “ha vé, vẽnh kar jé Topẽ hã mỹ vẽnh vĩ há tó,” he mũ. “Topẽ hã vỹ sĩnvĩ jẽ. Ti hã mỹ ẽg tóg vẽnh vĩ há tó tĩ. Tỹ tóg ũn mág jẽ, vẽnh kar kri, ũri. Hã vẽ,” he ag tóg mũ, Topẽ tỹ jẽgnẽ jafã ag.